Maximo Aierbe hil da, Euskaldunon Egunkariaren sortzaileetakoa
Bere sorterri Ataunen hil da Maximo Aierbe Muxika, 74 urterekin. Euskaldunon Egunkariaren sortu aurreko eta ondoreneko urte malkartsuetako eginahaletan parte hartu zutenek gogoratuko dute proiektu berriaren akziodun bila hainbeste lan egindako gizon hura. Disziplina eta diskrezio handikoa, leialtasun osokoa, kexu handirik gabe aritu zen sortu aurretik ere aldekoak adina etsai zituen euskarazko egunkari berrira inbertitzaileak ekartzeko lan isil eta gogorrean.
1950ean jaioa, 1977ko amnistiaren ondotik Maximo izan zen Joan Mari Olanorekin batera ETAkoak izateagatik polizia espainiarrak preso hartu eta espetxeratutako lehenbizikoetakoa. Ataungo Lauztierreka baserriko Aierbetarrak ezagunak izan dira Euskal Herriko kulturgintzan eta politikan: Maximoz gain torturak eta espetxea behin eta berriz nozitu zituen duela urte bete hildako Karmelek eta atzerrian urteak eman zituen Inaxitok, hirurak jada hilak. Maximok 2022an Independentea-n publikoki ezagutarazi zuen bere desadostasuna Ezker Abertzaleak daraman estrategia berriarekiko.
Soriako espetxean egindako urteetan onduko zuen Jon Esturorekin batera bere lehen liburua, Xake, joko horri buruz euskaraz argitaratutako lehena. Horrez gain, Ataungo kanta zaharrak liburua ere argitaratu zuen, 2003an.
Espetxealdia erabili zuen bere bizitzako zaletasun handia izan duen musikan sakontzeko ere: harmonia ikasteari ekin zion han eta, geroztik Aierbek berak Goierriko Hitza-ri azaldu zionez, autodidakta moduan jarraitu zuen kanpoan ere. 1994an Eate korua sortu zuen Dionisio Etxeberriarekin batera eta justu duela urte bete, 2023ko uztailean, estreinatu zuen aspaldi idatzita zeukan Domuit Vascones kantata luzea Ataungo San Martin elizan.
Hil baino sei egun lehenago, ekainaren 30ean, Eate abesbatzak eta ataundarrek omenaldia eskaini zioten Maximo Aierberi Ataungo Aiako elizan egindako kantaldi batekin eta minbiziagatik oso makalduta arren bertan egon zen bera, soinez ahul bezain buruz argi. Astelehenean egin diote azken agurra.
Japoniako multinazionalak egin nahi duen erregulazio txostenak plantako langileen herenari baino gehiagori eragingo die. Enpresa batzordeko kide Luis Escalonak adierazi du "langileen aurkako eraso bat" dela, eta lanuzteak egingo dituztela iragarri du.
350 poliziako "Force Frontière" dispositiboa baliatu dute Gipuzkoako eta Lapurdiko mugetan migratzaileen kontra egiteko martxoaren 26 eta 27an. Aurrez "terrorismo islamistaren" aurka egiteko aitzakiaz erabiltzen zituzten dispositiboak, orain "migrazio... [+]
'Espetxeak libre' manifestuan adierazi dute Eusko Jaurlaritzak "ataka txarrean" jarri dituela kulturgileak, espetxeetara kultur emanaldiak egitera sartu nahi dutenei dokumentu bat sinatzea eskatzen baitie, eta salatu dute ezin dutela sartu ez sinatuz gero. Kultur... [+]
Kriztian Borda hautetsi ohia eta Lurzaindia elkarteko kideak sare sozialetan zabaldu duen bideo baten harira piztu da ika-mika. Arbonan laborantza lurrak "arriskuan" daudela salatu du Bordak, eta jakinarazi du Arbonako Herriko Etxeak bere kirol zelaia Baionako promotore... [+]
Iruñeko artzapezpiku Florencio Rosello eta Tuterako gotzain Joseba Segura Nafarroako Elizak immatrikulatutako ondasunak itzultzeko prest azaldu dira epaitegiek hala aginduz gero, baina inmatrikulazioak legezkoak izan direla defendatu dute.
Aitzindariak elkartea Aitzina Biga ikuskizuna prestatzen ari da. Ehun parte-hartzailetik gora izango dira dantzan, musikan, antzerkian, kantuan eta bertsotan apirilaren 19an Maulen aurkeztuko den ikuskizunean. Uztaila bitarte, beste lau emanaldi izango dira: Miarritze, Arrasate,... [+]
Euskal hizkuntzalaritza esperimentaleko katedra berria estreinatu dute Baionako fakultatean.
Frantziako legebiltzarrean Errepublikanoek eta Batasun Nazionalekoek egindako zuzenketen harira dator erabakia. Zuzenketak onartu dituzte, eta, beraz, Euskal Hirigune Elkargoak emisio gutxiko eremua ezartzeko gastu ekonomikorik ez egitea erabaki du.
Jauzi Ekosizialeko kideek antolatzen duten bigarren edizioa da. Euskal Herriko trantsizio ekosozialak "inoiz baino premia handiagoa" duela adierazi dute, "datozen aldaketa sakonen aurrean trantsizio justua nahi bada".
Manifestazio jendetsu batek herriko kaleak zeharkatu ditu, Poliziaren gehiegizko dispositibo batek zainduta, gazteek kudeatutako guneen defentsan eta Gaztetxeak erasoen aurrean defendatzeko. Manifestazioaren amaieran, publiko egin dute iragarpena.
Hego Euskal Herriko lau hiriburuetan egin dituzte manifestazioak. Israelek Palestinan egin duen eta aurrera daraman genozidioarekin kolaboratzen duten enpresei laguntza publikoa emateri uzteko eskatu diete Nafarroako Gobernuari eta Eusko Jaurlaritzari.
Etxebizitza eskuratzeko orduan pertsona arrazializatuek eta migratzaileek jasaten duten bazterketa sistematikoa salatu dute Gasteizen, agerraldi baten bidez. Apirilaren 5ean Donostiara bertaratzera deitu dute, etxebizitza-eskubide unibertsalaren alde.
Usurbil herri zaintzaileagoa izateko lankidetzan ari diren herrikide, eragile eta erakundeen talde argazkia duzue albiste honi atxikitakoa. Larunbatean Sutegin egindako "Usurbil, herri zaintzailea" izeneko ekitaldian atera genuen. Norabide horretan herri hau egiten ari... [+]
Kargua "ohore handiz, erantzukizunez eta apaltasunez" hartuko duela adierazi du Atano III.a pilotalekuan, 1.800 lagunen aurrean. Aberri Batzarrak Euskadi Buru Batzar berria osatuko duten zortzi kideak ere hautatu ditu.