Mauleko hiltegian tratu txarren bideoak grabatu zituztenak epaitzen hasi dira
Paueko Auzitegian epaituko dituzte L214 animalien defentsarako taldeko kideak. Haiek grabatutako bideotan oinarrituta zigortu zituzten hiltegiko zuzendaria eta langile batzuk.
Mauleko hiltegian animaliei tratu txarrak ematen zizkieten susmoarekin, ezkutuko kamera batzuk ezarri zituzten L214 taldeko kide batzuek 2016ko martxoan. Irudi gogorrak grabatu zituzten: besteak beste, hiltegiko langileek nola jotzen zituzten arkumeak eta txahalak behin eta berriz. Buruz behera ezartzen zituzten abereak hil baino lehen, eta arkumeak noraezean ageri ziren; haietako bat makina batek nola laurdenkatzen zuen ere ageri zen irudietan. Kamerak jarri izana egotzita, taldeko kide batzuk epaitzen hasi dira Pauen.
Kamerak jarrita langileen bizitza pribatuan sartu direla egotzita ari dira epaitzen talde animalistako kideak. Gisa horretako lehen epaiketa dute. Hala ere, Maulekoa ez ezik, beste hiltegi batzuetako irudiak grabatu zituzten. 2017an, adibidez, Houdaneko (Frantzia) hiltegian militante batzuk kamerak gordetzen atzemanak izan ziren, eta isuna pagatzera kondenatu zuten elkartea, gibelapenarekin —berriz delitu bat eginez gero, isun hori gehituko litzaioke zigorrari—.
Hain justu, L214 taldeak grabatutako irudietan oinarrituta, zigorra ezarri zieten iaz Mauleko hiltegiko zuzendari ohiari eta langile batzuei, "engainua" eta "beharrik gabeko tratu txarrak" ematea leporatuta. Izatez, zigorrik gogorrenak "engainuari" buruzkoak ziren; hiltegiak labela zuen, eta hainbat puntutan neurri egokiak ez hartzeagatik zigortu zituzten arduraduna eta langileak, tratu txarrak emateagatik baino gehiago. Defentsak argudio gisa erabili zuen hiltegian lan baldintza txarrak zituztela langileek.
Mauleko hiltegiko irudiek eskandalu handia eragin zuten, eta Euskal Herritik kanpo ere eduki zuten oihartzuna. Frantziako Gobernuak iragarri zuen neurriak hartuko zituela animalien tratu txarren aurka, eta, hain justu, kamerak jartzeko aukera aipatu zuen. Mauleko auzapezak itxi egin zuen hiltegia behin-behinean. Zabalik dago gaur egun, arauak berrituta.
Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]
Ertz askotatik landu dute antiespezismoa Animalia Ikasketa Kritikoen EHUko I. kongresuan; hala nola literatura, intersekzionalitatea, komunikabideak, zinema eta historia ikertu dituzte. Estibaliz Ania Valle Ruiz de Garibay eta Surama Lázaro Terol ikerlariek literaturari... [+]
Ekofeminismoak ekologismoa eta feminismoa artikulatzen dituen begirada eta borroka proposatzen ditu. Horrek irekiera interesgarria dakar, ekofeminismoaren garapenaren zati handi bat ardatz izan duena. Hala ere, irekitasun horrek erronkak eta konplexutasunak ere zabaltzen ditu,... [+]
Animalien ongizaterako lehen premisa “askatasuna” dela azpimarratu du Nor kolektibo antiespezistak.
Joan den larunbatean, ekainaren 17an, Bilbon, Animalistak kolektibo antiespezistak Azken erasoaldia lelopean antolatu zuen manifestazioa.
Komunikatzeko eta abstraitzeko erabili ohi ditu akuarelak Beatriz González margolariak eta militante antiespezistak (Galdakao, 1996). Hasieran ez zekien ongi zer margotu nahi zuen, ikusten zuena kopiatzen zuelako, baina azken urteetan animalien kontrako zapalkuntza... [+]
Sistema binarista zalantzan jarri, eta feminismoaren eta animalien askapenaren aldeko mugimenduaren arteko zubiez mintzo da Laura Fernández antropologo soziala: “Feminismoen barruan ditugun joera batzuk aztertzeko aukera ematen digu antiespezismoak”.
Bost urtez jarraian azaroaren 1ean kalera irten da mugimendu antiespezista. Aurten Donostiako Aquariumaren parean elkartu dira, "kaiola bat delako Euskal Herriko lekurik bisitatuenetakoa".
Iaz erabaki zuen Lekeitioko Udalak Antzar Egunean antzara bizidunik ez erabiltzea, eta 300 urte baino gehiagoko ibilbidean lehen aldiz, irailaren 5 honetan erabilitako antzara guztiak plastikozkoak izan dira.
Animalien askapenaren aldeko mugimendu antolatuaren historiaz eta garapenaz mintzo dira hamabi ekintzaile antiespezista dokumentalean. Nor taldeak sortu du lana eta ostiralean ARGIAn izango da osorik ikusgai.
Maialen Sagues Nor talde antiespezistako kidea da. Euskal Herriko hiltegien inguruko ikerketa abiatu zuten, eta tartean, Laudioko hiltegia ere bisitatu zuten. Ikerketan aurkitutakoaz mintzatu da.
Fox Business telebista saioko ikus-entzuleengana bestelako ahots bat heldu da abenduaren 23an. Maria Bartiromo aurkezleak uste zuen Smithfield Foods konpainia erraldoiko presidente Dennis Organ elkarrizketatzen ari zela, baina errealitatean, animalien eskubideen aldeko... [+]