Matematikaren irakaskuntza eraldatu
Ikasle askori matematika ulertarazteko oztopoa antzematen da, arkatzarekin eragiketa mekanikoak egin ostean, nekatuta, irakasleari galdetzen dionean egindako eragiketak zertarako balio duen. Edonola ere, badaude munduan matematikaren zentzua azaltzearen aldeko apustua egiten duten herrialdeak. Esaterako, hamarkada bat baino gehiago da Kanadako Estatuak matematika irakasteko modua eraldatu zuela. Izan ere, denbora gutxiago eskaintzen diote kalkulu-ariketak eskuz errepikatzeari. Horren ordez, tarte handiagoa eskaintzen zaio hausnarketari eta arrazoiketari.
Kanadako eredua aintzat hartuta, Unibertsitatez kanpoko hezkuntzan Matematikako curriculum bat egiteko oinarriak izeneko txostenean, hainbat matematikarik azaltzen dute ez dela arreta gehiegi jarri behar eragiketak nola egin behar diren azaltzeko. Aitzitik, matematikak zertarako eta zergatik erabiltzen diren arrazoitzera bideratu behar da ikasleria. Autoreek Ikasleen Ebaluaziorako Nazioarteko Programa (PISA) txostenaren marko teorikoaren ildoak jarraitzen dituzte. 2021eko PISAk adierazten du mundu errealeko problemak matematikara eraman behar direla. Izan ere, egungo ereduan, eskoletan lehenengo kontzeptu matematikoak azaltzen dira eta gero ikasleek egiten dituzte eragiketak. Beraz, arrazoibidea landuz gero, ikaslerian pentsamendu kritikoa garatuko da eta ondo oinarritutako erabakiak hartzeko ahalmena izango dute. Horrekin guztiarekin, ikasleek matematiken zentzua ulertuko dute eta logika matematiko batean komunikatu eta argudiatzeko gaitasuna izango dute.
Bestalde, Unescok Matematikaren irakaskuntzarako ekarpenak izeneko txostenean proposatzen du ikasleek duten interesekin lotzen diren egoera problematikoetatik abiatzea, matematikan duten errendimendua hobetzeko. Esaterako, normalean, egoera jakinik gabe ikasleei desbideratzeen kantitateen batez bestekoa kalkulatzea eskatzen zaie. Hala ere, hori eskatu beharrean, ikasleari galdetzen bazaio nor den saskibaloi ligako jokalari onena datu estatistikoen arabera, egiten ari den eragiketarekin konektatuko luke. Ikasle batek partidako hiruko gehien dituen jokalariaren alde egin dezake; beste batek, berriz, esan dezake jokalari hori dela desbideratze gehien dituena. Izan ere, gehiagotan bota du, baina gehiagotan ere huts egin du. Ondorioz, hausnarketak eta eztabaidak sorrarazten dituen ikasketa eredua ezarriko da ikasgeletan. Eredu horrekin ikasleetan motibazioa piztu eta pentsamendu kritikoa garatzen da.
Unescok, berriz, azpimarratzen du IKTak sakonki garatu behar direla matematikako arloan. Ildo horretatik, azken urteetan Interneten ezarri dira izaera hezitzailea duten hainbat aplikazio digital. Adibidez, geometria, aljebra edo estatistika lantzeko ospea hartu du Geogrebra programak. Aplikazio horrekin 3D irudi geometrikoak simulatu edo grafikoak sortzen dira. Ondorioz, era erakargarri batean geometria kontzeptuak landuko lituzkete ikasleek. Baina matematikako arloan konpetentzia digitala eraginkortasunez garatzeko irakasleen formakuntza ezinbestekoa da.
Laburbilduz, bizitzako kalkulu gehienak arkatz edo paperik gabe egiten dira. Matematika eragiketak egiteko, gehienbat, estimazioa edo kalkulagailua erabiltzen baita. Hala ere, ikasgela askotan, egunero egiten diren matematikako eragiketak lantzeko moduak ez dira behar bezainbeste jorratzen. Horregatik, beharrezkoa da txertatzea hezkuntza curriculumean matematikako arrazoiketa gehiago eta eskuko kalkulu gutxiago. Ildo horretatik, ikasleek bizitzako erronkei aurre egiteko gaitasun eta trebetasunak izango dituzte eta matematikaren baliagarritasuna ulertuko dute.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Intsumituek denbora luzez egindako borroka gogorra eta mingarria izan zen, baina irabazi zuten, eta garaipen hura behin betikoa izango zela uste genuen, atzera bueltarik gabea. Baina badirudi, politikari batzuen ahotik aterata, eskalada militaristari gorazarre egin eta berriz... [+]
Punto Bobo liburuaren irakurketan murgilduta, Itxaso Martin Zapirain egilearen Eromena, Azpimemoria eta Isiltasunak Idazten ikerketa lanean sentitu nuen egiazkotasun eta maila etikoarekin egin dut berriz ere topo. Eta hortaz, hara bueltatu. “Oihu izateko jaio zen isiltasun... [+]
Dirudienez, Euskal Herrian migrazioa arazo bilakatu da azken bi hamarkadetan. Atzerritarrez josi omen dira gure lurrak. Gure kultura arriskuan omen dago fenomeno “berri” horren ondorio. Lapurretak, bortxaketak, liskarrak… Bizikidetza arazo horiek guztiak... [+]
Azken hamarkadetan euskararen biziberritzeak duen erronka handienetakoa, euskararen ezagutzaren unibertsalizazioarekin batera, erabilerarena da. Askotan, gazteen euskararen erabileran jarri ohi dugu fokua, baita euskararen erabilerak izan duen eta izan dezakeen bilakaeraren... [+]
Goizean jaiki orduko hasten dira desegokitasunak. Beharbada lotarako erabili duzun lastaira ere ez zen egokiena. Baina, ezin ba idatzi desegoki sentiarazten nauten guztiez. Horregatik, udaberriko ekinozioa –egunaren eta gauaren arteko oreka– dela eta, oraindik ere,... [+]
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Antropozentrismoaren aldaera traketsena eurozentrismoa izan zen. Europako mendebaldea, geografikoki, Kontinente Euroasiarraren penintsula txiki bat besterik ez da, baina lau mende luzez gertaera demografiko, teknologiko eta ideologiko batzuk zirela medio, bazter horretako... [+]
Badakizuenok badakizue, beste gauza asko bezala, euskararen aldeko borrokan ere politikoek, eragile batzuek eta hedabideek beraien antzezlana saldu nahi digutela, benetakoa balitz bezala.
Lehen urtean pozik jaso nuen, "Euskaraldi" hau. Zer edo zer zen, ezer ez zegoela... [+]
Euskarak, mendez mende, zapalkuntza sistematikoa jasan du, eta oraindik ere borrokan dabil egunerokoan bere leku duina aldarrikatzeko. Hizkuntza baten desagerpena ez da inoiz berez gertatzen; planifikazio politiko eta sozialak eragiten du zuzenean. Euskaldunoi ukatu egin izan... [+]
Horra Libération egunkariak berriki argitaratu duen idazkia:
“Bayonne” bukatu da, Libérationek “Baiona” idatziko du
Hiri baten izenaren erabilpena ohiturazkoa delarik, egunkari batean izen horren erabilpena aldatzea zaila da. Alta, irakurleen... [+]
Eusko Jaurlaritzak eta Arabako Foru Aldundiak Datu Zentroen instalazioei ateak irekitzen dizkiete horiek arautzeko legedia sortu aurretik. Bilbao-Arasur Dantu Zentroarekin, bere lehen fasea gauzatuta, eta instalatzea amesten duen Solariaren Datu Zentroarekin, 110.000 m2... [+]
Otero jauna, garai honetan artzain honek ez du tarte handirik izaten ezertarako, justuan ibiltzen naiz, baina gaurkoan ezin utzi erantzun gabe zure azken kolaborazioa. Izan ere, sortu didan egonezinak pisua du. Haserrea ere astuna egiten zait. Ez pentsatu, ordea, dela zenbait... [+]
Duela gutxi, asteburu berean, Ertzaintzak bi salaketa jaso ditu: lehenengoa, emakume kolonbiar batena; lekukoen arabera, ertzainak kolpeka jarraitu zuen lurrera bota ondoren eta konorterik gabe zegoela; ospitalean garuneko edema eta paralisi partziala diagnostikatu zizkioten... [+]
Frantziskok "Franciscomanía" zeinuarekin hasi zuen bere Aitasantutza. Fenomeno soziologiko horri esker, Vatikanoko boterearen zirrikituak aldez aurretik ezagutzen ez zituen gaztetasunaren ikono eta Elizako aldaketa-haizeen intsuflatzaile bihurtu zen.
Era berean,... [+]