Maskara ez da derrigorrezkoa izango aire librean Ipar Euskal Herrian

  • Otsailaren 2tik aurrera arinduko dira hainbat neurri. Jean Castex Frantziako lehen ministroak jakinarazi du telelana “derrigorrezko” izatetik “gomendagarri” izatera pasatuko dela, eta ez dela edukiera murrizturik egongo kultur eta kirol ekitaldietan. Bestalde, Katalunia aztertzen ari da COVID pasaportea ekintza batzuetarako kentzea.


2022ko urtarrilaren 21an - 11:12
Azken eguneraketa: 12:15
Urtarrilaren 24tik aurrera txertaketa agiria derrigorrezkoa izango da Frantziako Estatuan.
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Omikron aldaerak eragindako olatuari aurre egiteko Frantziako Gobernuak ezarritako neurri batzuk arintzen hasiko dira. Jean Castex lehen ministroak ostegunean aurkeztu ditu datozen asteetako pausuak. Otsailaren 2tik aurrera ez da beharrezkoa izango maskara erabiltzea aire librean; telelana ere ez da derrigorrezkoa izango, soilik “gomendagarria”; kirol eta kultur ekitaldietako edukierak ez du murrizketarik izango. Horrez gain, abenduaren 10az geroztik itxita dauden dantzalekuak irekiko dituzte otsailaren 16an, eta ordutik taberna eta kafetegietan zutik kontsumitzeko aukera egongo da.

Halere, Castexek iragarri du urtarrilaren 24tik txertatze agiria derrigorrezkoa izango dela 16 urterik gorakoentzat, “kutsatzeen eta ospitaleratzeen kopurua jaisten ez den bitartean”. Lehen ministroaren esanetan, bilakaera “itxaropentsua” da, baina ez diete “entzungor” egingo osasun sisteman dituzten “tentsioei”.

Espainian COVID pasea zalantzan

Frantziako Estatuan ez bezala, Espainiakoan maskara derrigorrezkoa da aire zabalean abenduaren 24az geroztik. COVID pasaportea ezartzea izan da Espainiako Gobernuak omikronen olatuari aurre egiteko hartutako beste neurri bat. Bada, gero eta ahots gehiagok zalantzan jarri dute horren eraginkortasuna. Kantabrian, esaterako, urtarrilaren 18tik ez dute COVID ziurtagiririk eskatzen ostalaritzako eta aisialdiko eremu itxietan, “jada helburua betetzen ez duelako”.

Eldiario.es hedabideak argitaratu duenez, Katalunian aztertzen ari dira bide bera hartu edo ez; Kataluniako Generalitateak zientzialari talde bati eskatu dio txosten bat egiteko COVID paseak omikronen aurrean duen eraginkortasunaren gainean. Zenbait ikerketak erakutsi dute orain arteko txertoek ez dutela omikronen kutsatzeak saihesteko eraginkortasun nahikorik, aldaera hori azkarrago eta errazago transmititzen baita. Beraz, COVID ziurtagiriak “segurtasun faltsua” ematen du adituen arabera. Kataluniako Osasun Publikoko zuzendari nagusiak aurreratu duenez, COVID pasaporteak “zentzu gutxi du” omikronekin.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


COVID iraunkorra duen langile bati ezintasun iraunkor absolutua aitortu dio Bilboko Lan Arloko Epaitegiak

Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.

 


2023-01-26 | ARGIA
Otsailaren 7an amaituko da garraioan musukoa eramateko derrigorra Hego Euskal Herrian

Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.


Txina: Covid-19aren aurkako neurriak murriztearen opakutasuna

Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.


2022-12-20 | ARGIA
COVIDen aurkako 14 milioi txerto iraungi zaizkiola onartu du Espainiako Gobernuak

Iraungi diren gehienak Pfizer markakoak dira, Europar Batasuneko hornitzailerik handiena.


2022-11-29 | Leire Artola Arin
Zero COVID politikaren aurkako protestak areagotu dira Txinan

Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]


2022-10-14 | Mikel Aramendi
Zero-covid, zero eskrupulu

Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]


Hondatu da mendia, jausi zaigu bizia

Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]


2022-09-15 | ARGIA
“Pandemiaren bukaera begi bistan dago”, Munduko Osasun Erakundearen arabera

 "Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.


2022-09-01 | Leire Artola Arin
Aldaketekin hasi dute ikasturtea Ipar Euskal Herriko ikasleek

Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]


Koronabirusaren aurkako txertoak hilekoan aldaketak eragiten dituela berretsi du ikerketa batek

Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.


Eguneraketa berriak daude