“Martxorako ematen digute hitzordua pediatrarekin”
Xandra Claveriak, Otxarkoagako bizilagunak, urrian jakin zuen ez dutela pediatrarik osasun etxean. Salatu du haurrek ez dutela arreta egokirik eta jarraipen medikurik jasotzen.
“Oso pozik geunden gure pediatrarekin maitasunez artatzen zituelako haurrak”. Hitz horiekin deskribatu du Otxarkoagako osasun etxeko pediatra Xandra Claveria Bilboko Otxarkoaga auzoko bizilagunak. Urrian umea osasun etxera eraman zuenean jakin zuen pediatrarik ez zutela: “Esan zidaten ezin zutela artatu ez zegoelako pediatrarik. Zilegi da pediatrak baja hartzea, baina ordezko bat hartu beharko lukete”.
Otxarkoagako osasun etxera joaten direnean erizainak artatzen ditu umeak, baina soilik gaineko behaketa egin diezaieke. Horrek ziurgabetasuna eragiten die pediatrak duelako azken hitza: “Jakin nahi nuen ea haurrak infekziorik zuen, eta erizainak esan zidan ematen zuela ezetz, baina ezin zidan ziurtatu. Gainera, botika bat behar izatekotan ezin digute eman”. Okerrera joanez gero larrialdietara joateko esaten diela salatu du Claveriak: “Larrialdietan egon ostean, gaitzaren jarraipena egitea beharrezkoa bada, ezin dugu deus egin ez dagoelako medikurik”.
Pediatrarik ez dagoenez Basurtoko larrialdietara eta Begoñako osasun etxera joateko esaten diete, baina Begoñan ez dago pediatrarik eta larrialdiak “jendez lepo” daude: “Gernu-infekzioa zuen haur bat lau orduz egon behar izan zen esperoan emaitza jaso ahal izateko. Osasun etxean berehala izanen zuen emaitza”. Horrez gain, familientzat auzotik mugitu beharra “zaila” dela azaldu du: “Batzuk ama bakarrak dira eta haur gehiago badituzte haur guztiekin joan behar dira larrialdietara; eta beste batzuek, taxi bat hartu behar izaten dute”. Gainera, inguruan arriskuko pertsonak dituztenez, senideak gaixotzearen beldur dira: “Azken boladan birus asko daude, eta horietako asko larrialdietan kontzentratzen dira".
500 sinadura
Pediatrarik ez dutenez, momentuz, ordezko bat joaten da, baina soilik bi orduz: “Haurrek osasun etxea erabiltzeko eskubidea izan beharko lukete”. Horregatik, urrian hitzordua eskatzen zutenean bi asteko itxaron zerrenda zegoen, baina geroz eta gehiago itxaron behar dute: “Orain deitzen badugu martxorako ematen digute hitzordua pediatrarekin”. Horregatik, salatu du mediku faltarengatik umek ez dutela behar duten arreta jasotzen.
Hortaz, haurrek pediatra bat izateko eskubidea aldarrikatzeko bostehun sinadura jaso ditu Claveriak, eta Amuge elkarteko kideekin batera, osasun etxera eraman ditu: “Momentuz ez dugu erantzunik jaso, baina hilabete bateko epea dute erantzuteko”.
Osatu dira, horretarako bitartekoak jarri, eta nahiko azkar. Ze lasaitua, dena isildu denean. Baina balantza handia izan da, eta begien atzean izu bat gehiago pilatu zaie, uneren batean pentsatu dutelako, gainera, agian, ez zirela inoiz itzuliko, edo ez guztiz. "Pasa... [+]
204 lagunek beren buruaz beste egin zuten iaz Hego Euskal Herrian, datu ofizialen arabera. Suizidatzeko arriskua izan dezakeen jendearen jarraipenean jartzen dute indarra administrazioen protokoloek. Suizidioaz egoki informatzearen garrantzia ere azpimarratu dute, Suizidioa... [+]
Imanol Pradales lehendakariak eta Alberto Martínez sailburuak gidatuta ostegun honetan bildu zen Bilbon osasun publikoari buruzko mahaia. Bertan izan ziren, halaber, osasunaren sektoreko eta euskal gizarteko eragile ugari.
Astelehen arratsalde eta gauean ez zen medikurik egon Laudioko Etengabeko Arreta Gunean. Irailean ere ez da bermatuta egongo mediku baten presentzia egunero Laudio eta Amurrioko Etengabeko Arreta Guneetan, gabezia aurreko hilabeteetan bezain nabarmena izango ez den arren.
Udaldian, erretiratuok ez ohi dugu opor goserik, eta patxadaz aztertu ahal ditugu gure inguruko gorabeherak. Hori dela-eta, gai batzuek harriduraz harrapatu naute, eta honako hauek dira.
Espainia. Eurokopak eta Olinpiar Jokoek uda osoa bete dute. Aldez aurretik, esan behar... [+]
Espainiako Estatuan 1.386 pertsona hil dira gehiegizko beroagatik abuztuan –iazko abuztuan baino %3 gehiago–, Osasun Ministerioaren Carlos III. Institutuak emandako datuen arabera. Araba, Bizkaia eta Gipuzkoan 44 lagun hil dira, eta Nafarroan 22.
Laudioko kaleak hartu zituzten larunbatean 1.300 herritarrek, SOS Aiaraldea plataformak deitutako eskualdeko mobilizazioan. Iragan ostegunean behar bezalako mediku-arreta ez jaso ostean herritar bat zendu izanak piztu du protesta, baina eskualdeko plataformak Osakidetzaren... [+]
XIX. eta XX. mendeetan ohikoa zen hiri nagusietako kaleetan ikustea janzkera tradizional ikusgarria zuten emakume batzuk, sendabelarrak saltzen. Ansotarrak ziren, Aragoiko Ansó ibarrekoak. Erakusketa batek haien historia kontatu digu, eta bide batez azalerazi du atzean... [+]
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Irailarekin batera badator ikasturte berriaren hasiera eta milaka haur eta nerabek ikastetxeetarako bidea hartuko dute berriz ere, batzuk pozik, beste batzuk ez hainbeste, baina denek euren azterketak eta lezioak motxilan dituztela. Beste hainbeste espero zitekeen euskal... [+]
Espezie inbaditzaile hau duela hamarkada bat iritsi zen Euskal Herrira, eta asko ugaritu da hiri inguruetan, batez ere Bizkaia eta Gipuzkoako hiriguneetan, ura aurkitu dezaketen inguruetan. Zein lekutan atzeman duten, zein arrisku duen eta hedatu ez dadin zer egin daitekeen... [+]
Abuztuaren 22tik 23rako gauean Laudioko ZIU Zainketa Intentsiboetarako Unitate mugikorrean medikurik ez zegoela-eta, bihotz-gelditzea izan zuen gizona artatzera Bilboko unitateko medikuek bertaratu behar izan zuten. Gizona biharamunean hil zen. Laudioko Udaleko gobernu... [+]
Bihotz-gelditzea pairatu zuen eta Bilboko Zainketa Intentsiboetarako Unitate mugikorra bertaratu behar izan zen bera artatzera, Laudiokoan ez zegoelako medikurik. Horrek nabarmen atzeratu zuen ospitaleratze prozesua.