Martxoaren 3ko Memorialean 2021ean sinatutako lankidetza hitzarmena bete dadila eskatu dute
Erakundeek aurkeztu duten Martxoaren 3ko Memorialaren Fundazioaren estatutu proposamenari lau zuzenketa aurkeztu dizkiote Memoria Gara egitasmoak eta Martxoak 3 Elkarteak.
Iragan ostiralean jaso zituen Martxoak 3 elkarteak Martxoaren 3ko Memorialaren Fundazioa sortzeko estatutuen proposamena, eta astelehenera arteko epea eman zioten erakundeek aztertu eta onartzeko. Poliziak 1976an su armez hustu zuen Gasteizko Zaramaga auzoko San Frantzisko elizan da irekitzekoa memoriala. Elkarteak 72 orduko epea kritikatu du, "bi urteko atzerapenaren ostean", eta Gasteizko Udalak onartu du azkenik hura luzatzea.
Astearte goizean halere, proiektua sustatzeko jaio zen Memoria Gara egitasmoak eta Martxoak 3 Elkarteak beren ekarpenak jasotzen dituen idatzia helarazi diete Gasteizko udal taldeei, EAJ-PSE udal gobernuari eta Gogora institutuari. Zuzenketen asmoa litzateke, "formula egonkor bat ezartzea, bermatzeko Martxoak 3 elkarteak azken hamarkadetan bildutako materiala lagatzea, bai eta biktimek espazioa diseinatu eta definitzeko prozesuan parte hartzea eta aholkatzea".
Hauek lirateke lau zuzenketa proposamenak:
- Martxoak 3 Elkarteak eta Gogora institutuak 2021eko azaroan adostutako lankidetza hitzarmena aintzat hartzea, institutuaren ordez fundazioa bera edo fundazioa osatuko duten erakundeak agertuz (Euskoa Jaurlaritza, Arabako Aldundia, Gasteizko udala, Gasteizko Apezpikutza, Martxoak 3 elkartea eta Memoria Gara ekimena).
- Fundazioaren helburuen atalean "Egiaren, Justiziaren, Aitortzaren eta Erreparazioaren eskubideak maila guztietan" aldarrikatzea.
- Fundazioaren Patronatuak Ohorezko Lehendakaritza bat izan dezala, 1976ko Poliziaren sarraskiaren biktima batek hartuko lukeena, hitza hartzeko eskumenarekin baina boto eskubiderik gabe. Gaur egun mahai gainean dagoen proposamenak hamasei pertsonez osatutako patronatua aurreikusten du: Jaurlaritzak, aldundiak, udalak eta apezpikutzak hiruna ordezkari lituzkete, eta Martxoak 3 elkarteak eta Memoria Garak bina.
- Estatutuak Martxoak 3 elkartearen batzarrak onartzea derrigorrezkoa izatea.
Egun hartan Espainiako Poliziak bost langile hil zituen eta dozenaka zauritu. Orain, identifikatu gabeko beste zazpi zauritu aurkitu dituela iragarri du Martxoak 3 elkarteak. Oraindik, alabaina, ez dute lortu zauritutako beste 20 pertsona identifikatzea.
Segurtasun sailburuak adierazpenak egin ditu astearteko gobernu bilera ostean. Xuhar 16 urteko gaztea bera egin du inauteritan jasotako lesio larrien erantzule, eta Ertzaintzak Martxoak 3ko manifestazioan poliziak infiltratu zituela onartu du, “polizia demokratiko”... [+]
Asteazkenerako agerraldi masiboa deitu dute Gasteizko Martxoak 3 plazan, “errepresiorik gabeko Martxoak 3 herrikoiaren alde”. Aske antolakundeak astelehenean egin du protesta, eta atxilotuei elkartasuna adierazi die. EH Bilduk eta Elkarrekin Podemosek azalpenak... [+]
Ertzaintzak bere agente bat infiltratu zuen Gasteizko Martxoaren 3ko manifestazioetan, Segurtasun Saileko iturri batek eldiario.es hedabideari baieztatu dionez. Lankideek beraiek jipoitu zuten manifestazioan izan ziren karga eta istiluetan.
Milaka herritar batu dira igande eguerdiko manifestazioan. Polizia manifestarien aurka oldartu da Bakea kalean, Corte Inglés parean, eta manifestazioa zatitu du. Bost lagun atxilotu ditu Ertzaintzak eta hainbat zauritu, tartean adineko emakume bat ahoan, foam jaurtigailu... [+]
Igandean egingo da manifestazio nagusia, ESK, LAB, ELA eta Steilas sindikatuek eta Martxoak 3 elkarteak deituta. Palestinari aipamen berezia egin diote lau sindikatuek. Egun berean zein aurrekoetan deialdi eta ekimen gehiago antolatu dituzte hainbat eragilek.
Otsaila hilabete garrantzitsua izan da Gasteizko Martxoak 3aren Memoriaguneari begira. Hiru urteko prozesuaren ondoren, hilaren 14ean sinatu zuen Martxoak 3 elkarteak hitzarmena Gogora institutuarekin. Egun bat beranduago, Martxoak 3 Memoriagunea fundazioaren sorrera argazkia... [+]
Gasteizko Zaramaga auzoko San Frantzisko eliza birmoldatzeko EH Bilduk Espainiako Gobernuarekin hitzartutako diru-partida ez du erabiliko Eusko Jaurlaritzak, ez delako eraikinaren "jabe ezta onuradun ere". Hala, Martxoaren 3ko Memoriaren Gunearen proiektuak aurten ere... [+]
Unai Isasi Azkarraga (Amurrio, 1998) gazte amurrioarra atxilotu zuen Ertzaintzak iragan ostiralean Gasteizen; 1976ko martxoaren 3ko sarraskia gogoratzen zuen manifestazioaren testuinguruan. Atxiloketaren inguruan mintzatu da Aiaraldea Komunikabidearekin.
Urtero legez milaka lagun batu zen ostiralean Gasteizko kaleetan, 1976ko Martxoaren 3an hildako langileak oroitu, bizi-baldintzen okertzea salatu eta langile borroka aldarrikatzeko. Kalez jantzitako polizia ugariek tentsioak sortu zituzten, eta bi gazte atxilotu.
Martxoak 3 Elkarteak Eusko Jaurlaritzaren bermea lortu du, erakunde publikoek biktimekin duela bi urte adostutako hitzarmena betetzeko. “Ustekabeko aldaketak” eta “seriotasun falta” salatu ditu hala ere, eta hemendik aurrera adi egongo dela ohartarazi du... [+]
Memoria Gara elkarteak kezka adierazi du, 1976ko Martxoaren 3ko biktimak gogoratu eta memoria zentro bat sortzeko egitasmoa "izoztuta" duelako Eusko Jaurlaritzaren Gogora institutuak, bere esanetan.
ERC eta EH Bilduk egindako proposamena atzera bota du Bozeramaileen Batzordeak. PSOE, PP, Vox eta Ciudadanos ikerketa batzorde bat sortzearen aurka agertu dira. Martxoak 3 elkarteak hipokrita izatea leporatu dio PSOEri, sarraskiaren 76. urteurreneko ekitaldietan hildakoen... [+]
EH Bildu eta ERC alderdiek Espainiako Kongresura eraman dute 1976ko martxoaren 3ko gertakariak ikerketuko dituen ikerketa batzordea sortzeko eskakizuna, eta onartu egin da. Bozeramaileen Batzordeari dagokio orain erabakia eztabaidatzea eta bozkatzea.