Martxoaren 3ko gertakariak ikertzeko batzorde baten eraketa atzera bota dute PSOE, PP, Vox eta Ciudadanosek
ERC eta EH Bilduk egindako proposamena atzera bota du Bozeramaileen Batzordeak. PSOE, PP, Vox eta Ciudadanos ikerketa batzorde bat sortzearen aurka agertu dira. Martxoak 3 elkarteak hipokrita izatea leporatu dio PSOEri, sarraskiaren 76. urteurreneko ekitaldietan hildakoen monolitora lore-sorta eraman eta egun gutxitara gertakariak argitzea oztopatzearren.
Iragan astean, Martxoaren 3ko gertakariak ikertuko zituen batzorde bat sortzeko eskakizuna Espainiako Kongresura eraman zuten EH Bildu eta ERCk. Kongresuko Mahaiak eskaera onartu zuen, eta Bozeramaileen Batzordeari zegokion hurrengo pausoa: erabakia eztabaidatzea eta bozkatzea. Hala egin du, eta gailendu den postura proposamena atzera botatzearen aldekoa izan da. PSOE, PP, Vox eta Ciudadanos ikerketa batzordea eratzearen aurka agertu dira, eta gailendu egin zaizkio ikerketa batzordea eratzearen aldeko posturari –EH Bildu, ERC, EAJ, Unidas Podemos, JxC eta Mas Pais alderdiek sostengatua–. Hala bada, eskakizunak ez du osoko bilkurara bidea egingo.
"Espainiako inpunitate ereduaren aurka fronte guztietan eta eraginkortasunez lan egiten jarraitzeko", Martxoak 3 Elkarteak eragile politiko eta sozialak interpelatu zituen sarraskiaren 76. urteurrenaren ondotik. Horregatik eraman zuten eskakizuna kongresura EH Bilduk eta ERCk. Eskaria atzera bota izana sarraski hura ikertzeko dagoen borondate faltaren adierazletzat jo dute hainbatek. EH Bilduko diputatu Mertxe Aizpuruak Espainiako Gobernuari eta Justiziari leporatu die biktimei beste behin ere bizkarra ematea, horien egiarako eskubidea urratuz, "dokumentu guztiak sekretupean gordeta". Hala dio Berriak jaso dituen adierazpenetako batean: "Argi geratu da, beste behin ere, ez dutela inolako interesik egia osoa jakiteko eta argitara ateratzeko, baizik eta ezkutatzen jarraitu nahi dutela".
PSOEk proposamenaren aurka bozkatzeko bere arrazoiak plazaratu ditu. Alderdiko eledun Hector Gómezek adierazitakoaren arabera, batzorde bat ez da tresna egokia Martxoan 3an jazotakoak ikertzeko, eta "beste mekanismo batzuk" bilatu behar dira horretarako. Antza, alderdikideen artean "beste alternatiba posible batzuen" inguruan hitz egiteko asmoa dute.
M3 Elkartea: "Lore gutxiago eta ekintza gehiago"
Martxoak 3 Elkarteak balizko beste alternatiba horiek zeintzuk liratekeen publikoki azaltzeko eskatu dio alderdi sozialistari, batzordea sortzeko eskaria atzera bota izanarekin haserre. "Zein mekanismoz ari dira? Elkarte honek bide guztietatik egin ditu saiakerak; maila politikoan, judizialean eta instituzionalean, bai barruan, bai nazioartean. Eta PSOEren jarrera anbiguoa eta kontrakoa izan da beti egiaren ezagutzeari, justizia egiteari eta sarraskiaren biktimen erreparazioari dagokionez. PSOEk ez du inoiz borondate politiko argirik izan gaiari heltzeko, estatuak egindako urraketa aitortzeko eta erantzukizunak argitzeko", irakur daiteke publiko egin duten erabakiari buruzko irakurketan.
PSOEren "inkoherentzia eta hipokrisia" salatu ditu elkarteak, aurtengo martxoaren 3ko ekitaldietan hildakoen monolitora loreak eraman ostean egia, justizia eta erreparazio eskubidea oztopatzeagatik. "Lore gutxiago eta ekintza gehiago" eskatu diote alderdiari.
Este 3 de marzo, representantes del PSOE realizaron ofrendas florales en el monolito de Zaramaga. Hoy PSOE, PP, Vox y Ciudadanos, en contra de nuestro derecho a la Verdad, han votado NO a crear una comisión de investigación en el Congreso de Madrid.
MENOS FLORES y MÁS ACCIONES. pic.twitter.com/YDnWATs86V
— Martxoak 3 #M3moria (@Martxoak3) March 22, 2022
Egun hartan Espainiako Poliziak bost langile hil zituen eta dozenaka zauritu. Orain, identifikatu gabeko beste zazpi zauritu aurkitu dituela iragarri du Martxoak 3 elkarteak. Oraindik, alabaina, ez dute lortu zauritutako beste 20 pertsona identifikatzea.
Segurtasun sailburuak adierazpenak egin ditu astearteko gobernu bilera ostean. Xuhar 16 urteko gaztea bera egin du inauteritan jasotako lesio larrien erantzule, eta Ertzaintzak Martxoak 3ko manifestazioan poliziak infiltratu zituela onartu du, “polizia demokratiko”... [+]
Asteazkenerako agerraldi masiboa deitu dute Gasteizko Martxoak 3 plazan, “errepresiorik gabeko Martxoak 3 herrikoiaren alde”. Aske antolakundeak astelehenean egin du protesta, eta atxilotuei elkartasuna adierazi die. EH Bilduk eta Elkarrekin Podemosek azalpenak... [+]
Ertzaintzak bere agente bat infiltratu zuen Gasteizko Martxoaren 3ko manifestazioetan, Segurtasun Saileko iturri batek eldiario.es hedabideari baieztatu dionez. Lankideek beraiek jipoitu zuten manifestazioan izan ziren karga eta istiluetan.
Milaka herritar batu dira igande eguerdiko manifestazioan. Polizia manifestarien aurka oldartu da Bakea kalean, Corte Inglés parean, eta manifestazioa zatitu du. Bost lagun atxilotu ditu Ertzaintzak eta hainbat zauritu, tartean adineko emakume bat ahoan, foam jaurtigailu... [+]
Igandean egingo da manifestazio nagusia, ESK, LAB, ELA eta Steilas sindikatuek eta Martxoak 3 elkarteak deituta. Palestinari aipamen berezia egin diote lau sindikatuek. Egun berean zein aurrekoetan deialdi eta ekimen gehiago antolatu dituzte hainbat eragilek.
Otsaila hilabete garrantzitsua izan da Gasteizko Martxoak 3aren Memoriaguneari begira. Hiru urteko prozesuaren ondoren, hilaren 14ean sinatu zuen Martxoak 3 elkarteak hitzarmena Gogora institutuarekin. Egun bat beranduago, Martxoak 3 Memoriagunea fundazioaren sorrera argazkia... [+]
Gasteizko Zaramaga auzoko San Frantzisko eliza birmoldatzeko EH Bilduk Espainiako Gobernuarekin hitzartutako diru-partida ez du erabiliko Eusko Jaurlaritzak, ez delako eraikinaren "jabe ezta onuradun ere". Hala, Martxoaren 3ko Memoriaren Gunearen proiektuak aurten ere... [+]
Unai Isasi Azkarraga (Amurrio, 1998) gazte amurrioarra atxilotu zuen Ertzaintzak iragan ostiralean Gasteizen; 1976ko martxoaren 3ko sarraskia gogoratzen zuen manifestazioaren testuinguruan. Atxiloketaren inguruan mintzatu da Aiaraldea Komunikabidearekin.
Urtero legez milaka lagun batu zen ostiralean Gasteizko kaleetan, 1976ko Martxoaren 3an hildako langileak oroitu, bizi-baldintzen okertzea salatu eta langile borroka aldarrikatzeko. Kalez jantzitako polizia ugariek tentsioak sortu zituzten, eta bi gazte atxilotu.
Martxoak 3 Elkarteak Eusko Jaurlaritzaren bermea lortu du, erakunde publikoek biktimekin duela bi urte adostutako hitzarmena betetzeko. “Ustekabeko aldaketak” eta “seriotasun falta” salatu ditu hala ere, eta hemendik aurrera adi egongo dela ohartarazi du... [+]
Erakundeek aurkeztu duten Martxoaren 3ko Memorialaren Fundazioaren estatutu proposamenari lau zuzenketa aurkeztu dizkiote Memoria Gara egitasmoak eta Martxoak 3 Elkarteak.
Memoria Gara elkarteak kezka adierazi du, 1976ko Martxoaren 3ko biktimak gogoratu eta memoria zentro bat sortzeko egitasmoa "izoztuta" duelako Eusko Jaurlaritzaren Gogora institutuak, bere esanetan.
EH Bildu eta ERC alderdiek Espainiako Kongresura eraman dute 1976ko martxoaren 3ko gertakariak ikerketuko dituen ikerketa batzordea sortzeko eskakizuna, eta onartu egin da. Bozeramaileen Batzordeari dagokio orain erabakia eztabaidatzea eta bozkatzea.