Martxoaren 24rako manifestazioa deitu du Altsasu Gurasoak Plataformak
Bi eta hamairu urte arteko zigorrak berretsi dizkie Espainiako Auzitegi Nazionalak Adur Ramírez de Alda, Jokin Unamuno, Jon Ander Cob, Ainara Urkijo, Julen Goikoetxea, Aratz Urrizola eta Oihan Arnaz gazteei.
Urtarrilaren 23an izan zen apelazio aretoan auziko epaia berrikusteko saioa, defentsak eta fiskalak helegiteak aurkeztu baitzituzten ebazpenaren aurka. 72 urteko batura egiten dute gazte guztien espetxealdi zigorrek eta "terrorista gisa" epaitu ez dituzten arren, "terrorista gisa" zigortu dituztela azaldu dute Altsasu Gurasoak plataformako kideek. Espainiako Auzitegi Gorenera jotzeko asmoa dute gurasoek epaia mendekuz eta inpunitatez beterikoa dela baitiote.
Auzitegi Nazionalak zigorrak berretsi ditu. Bi eta hamairu urte arteko espetxe zigorrak ezarri dizkiete. Iñaki Abaden kasuan, hiru urteko zigorra bi urtetara murriztu egingo zaio; eragindako lesioak aurreikusitakoa baino gutxiago izanagatik. Terrorismo akusaziorik ez dagoen arren, epaiak ez du tabernako liskar soil gisa ulertzen gertatutakoa: arrazoi ideologikoak antzematen ditu liskarraren oinarri.
Urkijo izan ezik, gazte guztiak daude preso: Unamuno eta Ramirez de Alda 2016ko azarotik eta gainerakoak 2017ko ekainetik.
Manifestazioa
Martxoaren 24an, 12:00etan hasiko da gazteen aldeko manifestazioa Suhiltzaileen parketik: "Argi dugu Altsasuko kaleak beteko ditugula, duintasunez, denok ikusten baitugu hau bidegabekeria bat dela".
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
