Martxoaren 15ean Klimaren aldeko greba: Lizeoko ikasleak elkarrekin orain, bihar bizitzeko
Bioaniztasuna kolpez erortzen ari da, klimarekin lotuak diren hondamendiak gero eta gehiago gertatzen dira, milioika pertsona beste lurralde batzuetara migratzera behartuak dira… Jendartea bere galerara buruz doa lasterka. Duela 50 urte pasa zientifikoek abisua eman ziguten hurbil dugun lehertzeaz baina arazo klimatikoak ondoko belaunaldiak bakarrik hunkituko balitu bezala jokatzen segitzen dugu.
Mundu honetako boteretsuek, botere publikoek, garapenaren aldeko lasterketa jarraitzen dute eta seigarren desagertze masiboaren aitzinean deus egin gabe segitzen dute. Greta Thunberg-en hitzak adierazgarriak dira: "Gure buruzagiak haurrak bezala ari direnez gero, behartuak gara haiek duela aspaldi hartua ukan behar zuten arduraren hartzerat". 16 urteko Suediar gazte honek, agorriletik ostiralero eskola greba darama, horren bidez argi uzteko bere etorkizuna prestatzeko gunea eskolak behar izan lukeela, baina ber denboran, etorkizuna zalantzan dela, hura saihesteko mediorik hartu gabe uzten dugun klima nahasmenarengatik.
Gretaren hitzek bat egiten dute azken txosten zientifikoekin. Txosten horiek, noski kezkagarriak dira, beroketa klimatiko globala mugatu behar dugu +1,5°C eta +2°C-en artean, eta goratze horrek jadanik jendartearen bizi-baldintzetan eragin handi-handiak ukanen ditu, baina oraino garaiz gara txarrena saihesteko eta hartua dugun +3 edo +4°Cko igotzera buruz ziztu bizian ez joateko. Hala ere gure jendartearen ibilmoldearen aldaketa masibo eta aurrekaririk gabekoa kolektiboki bultzatu beharko dugu.
Suedian iragan diren lehen eskolen grebetatik, gazte anitz herri ezberdinetan greban sartu dira ere. Australiatik Estatu Batuetara, mobilizazioak Europan ere gauzatzen dira manifestaldi handi batzuekin, bereziki Belgikan eta Suitzan, 30 000 lizeoko ikasle Bildu baitira bertan.
Frantses Estatuan, uda honetarik, nahasmendu klimatikoaren ondorio ikusgarrien, eta Nicolas Hulot-ren kargu-uztearen ondorioz, klimaren aldeko mobilizazioa gorantz joan da. Herritar mugimenduak sortu dira, klimatologoak gero eta gehiago engaiatzen dira beren hitzaldietan eta 2 milioi pasa pertsonak sustengatzen duten prozedura bat abiatu da Estatuaren kontra salaketa ezartzeko, azken hau aldaketa klimatikoaren aurrean geldirik baitago.
"Zertako egin ikasketak, laster izanen ez den etorkizun baterako, nehork ez duelarik deus egiten gero horren salbatzeko?".
Guk, lizeoko ikasleek, badugu gure iritzia emateko gu baino zaharragoak diren gehiengoa geldirik delarik. Gure etorkizuna dago jokoan. Dei bat plazaratu da gazteriaren mugimendu guzi horietarik, martxoaren 15ean, ostiralarekin, klimaren aldeko nazioarteko greba egiteko. Dei horri erantzuna eman behar diogu.
Ikusten ote duzu zeure burua izanen ez den etorkizun baterako ikasketak egiten? Bakoitzak bere heinean parte har dezake, baina helduek, gure eginahalak peko errekarat eramaten badituzte beren abantailen babesteko eta geldirik egonez, gure indarrak alferrikakoak izanen dira. Dolua ere ezinezkoa izanen da. Geldirik egoteak, jendartearen bukaerarantz garamatza, ekin dezagun elkarrekin orain, bihar bizitzeko.
Euskal Herrian Lizeoko ikasle garenok, nazioarteko mobilizazio honetara juntatzera deitzen dugu. Gure etorkizuna defenda dezagun eta mugimendu horretara hurbil gaitezen saldoan, gure buruzagiei mezu indartsu baten luzatzeko. Altxa dezagun Greta Thunberg-ek plazaratu duen desafioa eta antola dezagun eskala handiko gertakari bat gure lurraldean, martxoaren 15eko ostiralez.
Xehetasun gehiago:
E-posta: lyceensclimatpaysbasque@gmail.com
Instagram : fridaysforfuture.paysbasque
Deiaren lehen izenpetzaileak:
Pyrénée BEHOTEGUY, 15 urte, 2garrenea, Cantau lizeoa, Angelu
Louise BOFILS, 17 urte, Term ES, Cantau lizeoa, Angelu
Ombeline CANOVAS, 15 urte, 2garrenea, Etxepare lizeoa, Baiona
Tristan DUVAL, 17 urte, Term S, Louis de Foix lizeoa, Baiona
Iban GARRAT, 18 urte, Term L, Cassin lizeoa, Baiona
Maïder HASTOY, 16 urte, 1. STD2A, Cantau lizeoa, Angelu
Arin HIRIART, 15 urte, 2garrenea, Etxepare lizeoa, Baiona
Elaia INCHAUSPE, 15 urte, 2garrenea, Cantau lizeoa, Angelu
Margot LAMY, 17 urte, Term S, Cassin lizeoa, Baiona
Luzio LIZARRALDE PAPON, 15 urte, 2.garrena, Cassin lizeoa, Baiona
Aimée MASSON, 17 urte, Term STAV, Armand David lizeoa, Hasparren
Malik REMADNA, 17 urte, Term S, Cassin lizeoa, Baiona
Clément RIVERO, 16 urte, 2garrenea, Cassin lizeoa, Baiona
Johan RIVIÈRE, 17 urte, Term S, Cassin lizeoa, Baiona
Maïna RIVIÈRE , 14 urte, 2garrena, Cassin lizeoa, Baiona
Kelly SOUQUIÈRES, 15 urte, 2garrenea, Cassin lizeoa, Baiona
Anouchka VANDEVILLE, 16 urte, 1. L, Cassin lizeoa, Baiona
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.
Euskal Herriko literatura gaztearen eta idazle hauen topagune bilakatu nahi den proiektu berriaren inguruan hitz egingo dugu gaur.
Iruñerrian bat egin dute hainbat Gazte Asanbladak, Burlatako Gaztetxearen alde. Etxarriren desalojoa gelditzera deitzeko, bestalde, manifestazio bat antolatu dute Bilbon hilaren 28rako.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]
Errekaldeko Gaztetxearen aurkako huste-agindua heldu da jadanik. Espazioa defendatzera deitu dute bertako kideek.
"Ipar Euskal Herria gaztez odolusten ari da". Sail berriak sortu goi-mailako ikasketetan, etxebizitza sozialak egin gazteentzat edo aisialdia euskaraz bermatu… Hamabost proposamen konkretu egin ditu Xuti Gazte ezker abertzaleko gazte antolakundeak.
Berriozarren (Nafarroa) egingo da Gazteon eskutik lelopean, antolakundearen ustez gero eta gazte gehiagok egiten dutelako bat independentziaren aldeko borrokarekin. Topagunea "ekimen soil bat" baino gehiago dela aldarrikatu dute: "Euskal Herriko txoko... [+]
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
“Independentziara egin beharreko bideaz” hausnartzea da helburu nagusia. Apirilaren 20an, Aberri Egunarekin batera, Berriozarren ospatuko duten Gazteon Eskutik jardunaldia izango dute azken geltoki.
Joan dira All In Da Hauseko hiru final aurrekoak. Oñati, Gernika eta Hendaiako Gaztetxeetaraino iritsi da freestyle txapelketaren bederatzigarren edizioa. Orain arte egindako bide honen balorazio positiboa egiten dute antolatzaileek, "Euskal Herriko txoko hauetan,... [+]
Larrabetzuko Hori Bai Gaztetxeak 60 urte bete ditu. Euskal Herriko Gaztetxe zaharrena da Larrabetzukoa.
1965ean sortu zen Larrabetzuko Hori Bai gaztetxea, frankismo garai betean. Ordutik ez ditu ateak itxi, eta 2025ean 60 urte bete ditu. “60 urte lotu barik” lelopean eman diote hasiera urteurrenari gaztetxeko kideek.
Eraikin osoan zehar egin dituzte margoketa faxistak. Erasoa salatzeko, protesta bat antolatu dute larunbaterako.
Gasteizko Auzitegiko laugarren aretoak ebatzi du Gasteizko isunak bertan behera uztea, eta Bilboko isun batzuk 2.500 eurotik 1.800era murriztea, "gehiegikeria" egon zela argudiatuta. Ernairen arabera, Segurtasun Sailak "arbitrariotasunez" eta... [+]