Martxan da “Blogetan! Blog izarren bila” lehiaketaren bigarren edizioa
Parte hartzeko epea urtarrilaren 16tik otsailaren 13ra bitartean egongo da zabalik. Epaimahaiak martxoaren 30an emango ditu ezagutzera irabazleak, Euskararen Etxean ospatuko den jardunaldi eta sari-banaketan.
Edonork hartu dezake parte lehiaketan, eta norberaren bloga aurkezteaz gain, gustuko blogak ere proposatu daitezke. Horretarako, webgunean sartu eta izen emateko inprimakia bete behar da. Lehenengo faseak irauten duen bitartean, edozein unean egin ahal izango da hori.
Lau kategoria daude lehiaketan: kultura arloko blogak (zinema, literatura, artea, diseinua, moda, sukaldaritza, gastronomia, musika…), gizarte eta politika arloa (kazetaritza, historia, humanitateak, ekonomia, hezkuntza, zuzenbidea…), aisialdiarekin erlazionatutako gaiak (zaletasunak, kirola, bidaiak…), eta zientzia eta teknologia (natura, osasuna, arkitektura, informatika…). Horietako bakoitzak irabazle bat izango du.
Bozkatze sistema bikoitza izango da. Otsailaren 13tik martxoaren 10era bitartean webgunearen edo Twitterren bidez bozkatu ahal izango du publikoak. Epaimahaiak ere parte hartuko du fase horretan, eta martxoaren 13an ezagutzera emango ditu hamabi finalistak, kategoria bakoitzeko hiru.
Azken bozkatzea martxoaren 14tik 21era bitartean egingo du epaimahaiak, eta 30ean jakinaraziko ditu kategoria bakoitzeko irabazleak, Euskararen Etxean ospatuko den jardunaldian. Horrez gain, blogari berria saria ere emango du Argiak. Egitasmoaren inguruko informazio eta oinarriak irakurri daitezke hemen: http://www.blogetan.eus/oinarriak
Blogetan! Blog izarren bila lehiaketa Azkue Fundazioak Argiaren laguntzarekin antolatzen duen egitasmoa da. Helburua euskarazko blogak eta euskal blogariak saritzea da, hauek ezagutzera emanez eta blogetan euskararen aldeko erabilera sustatuz.
Blogariak.net, 15 urte baino gehiagoko proiektua, betiko desagertu da. Estrasburgon Europako sareen zerbitzariak eskaintzen dituen enpresarik handienaren zerbitzariek su hartu dute eta babeskopiak ere erre egin dira. Galdutako webguneen... [+]
Bilboko Euskararen Etxean egingo diren jardunaldien xedea da blogen munduko azken nobedade eta joeren gaineko hausnarketa egitea. Podcastak, visual-thinking komunikazio baliabidea eta bideoaren zabalkunde masiboa aztertuko dira, besteak beste. Azkue Fundazioa da antolatzaile.
Azkue Fundazioak sustaturiko lehiaketako irabazleen berri eman eta sariak banatu dituzte ostegun arratsaldean Euskararen Etxean egindako ekitaldian. Blog berriaren saria 52 milimetro argazki blogak eraman du.
Blogetan! lehiaketako hamabi finalisten arteko irabazleak ezagutaraziko dituzte 18:30etatik aurrera, Bilboko Euskararen Etxean egingo den ekitaldian, ARGIAk "blog berriaren" saria eskainiko du. Aurretik euskal blogarien topaketa izango da eta streaming bidez ere ikus... [+]
“Trenbidea, autobia, tunela eta zubia. Gehiegi gustatzen zaigu abiadura handia. Abiadura handia tunela eta zubia!”. Honela dio Gu ta Gutarrak taldearen kopla batek. AHTren obretako langileen esplotazioa eta hondeamakinen atzean ezkutatzen direnak kaleratzeko asmoz... [+]
Blogari euskaldunak sarean pizteko lehiaketa antolatu du Azkue Fundazioak ARGIAren laguntzaz bigarren urtez.
Hiru urte izan dira. Gutxi, tarte horretan egin dutenarekin konparatuz: martxan jarri zenetik Elearazi bloga hazten joan da, itzulpengintzatik abiatuta euskal literaturari buruzko erreferentziazko gune bihurtzeraino. Orain, agur esan du Garazi Arrularen (Tafalla, 1987) eta... [+]
Klak… eta (Kultura kategoriakoa), Arma tiro klik (Gizartea), Tropela bloga (Aisia), Euskalnatura (Zientzia eta Teknologia) eta Gaizka Izagirrek (Blogari Berria) jaso dituzte Blogetan! Blog izarren bila euskarazko blogen lehiaketako sariak.
Gaur iluntzean egingo da Blogetan! Blog izarren bila euskarazko blogen lehiaketako sari banaketa, Bilboko Euskararen Etxean. Lehenago blogen inguruko mahai-inguru eta hitzaldiak izango dira.
Martxoaren 6an, bederatzi blogarik euren esperientziak eta hausnarketak elkarbanatuko dituzte Blogetan! Euskal blogarien topaketan, Bilboko Euskararen Etxean. Blog izarren bila lehiaketako irabazleen sari banaketa ere egingo da.
Blogetan, blog izarren bila lehiaketako finalistak internautek hautatu dituzte. Publikoaren iritzia aintzat hartuta, epaimahaikideek bigarren bozketa egin eta irabazleen izenak martxoaren 6an emango dira ezagutzera.
Blogak bozkatzeko unea heldu da! #Blogetan Euskal blogariak lehian txapelketaren hurrengo faseari ekingo diogu eta gaurtik hasita eta otsailak 16ra arte edozeinek gustoko dituen blogen alde botoa emateko aukera izango du.
Azkue Fundazioak antolatu du Blogetan! Euskal blogariak lehian egitasmoaeta Argia du laguntzaile. Martxoaren 6an, bost sari banatuko dira euskarazko blogik onenen artean. Urtarrilaren 26a arte dago aurkezteko aukera.