Argentinako justiziak atzera bota du Rodolfo Martín Villa auzipetzeko Maria Servini epaileak hartutako erabakia, ustez ez duelako frogatzen gizateriaren kontrako krimenak egin zituenik. Hala ere, ministro frankistaren kontrako auzia ez artxibatzea agindu du epaitegiak. Martxoak 3 elkartea eta CEAQUA kereila argentinarraren estatu koordinadora, aztertzen ari dira helegitea jartzea ebazpenari.
Buenos Aireseko Ganbera Federaleko Bigarren Aretoak ostegun honetan jakinarazi du baliogabetu egin duela Mari Servini epaileak pasa den urrian Rodolfo Martín Villa Espainiako gobernazio ministro frankista izandakoa auzipetzeko erabakia, ez duelako frogatzen 1976. eta 1978. urteen artean poliziak eragindako sarraskiak –tartean Gasteizen 1976ko martxoaren 3koa, 1977ko Amnistiaren Astekoa eta 1978ko Iruñeko Sanferminetakoa– gizateriaren kontrako krimenak direnik.
Zehazki, argentinar justiziak dio ez dagoela frogatua "botere aparatu" bat zegoenik Martín Villaren esanetara, eta beraz, hilketa horiek ez zirela honen aginduz egin. Servinik bere autoan argudiatu zuen "Trantsizio" deituriko garai politikoan frankismoaren egitura errepresiboak bere horretan mantendu zirela Martín Villa eta antzeko goi arduradun politikoen aginduetara. Ministro frankista ohiaren defentsak ordea, "Espainiako historiari buruzko ezjakintasun erabatekoa" izatea egotzi zion epaile argentinarrari.
Buenos Aireseko ganberak, hala ere, gizateriaren kontrako krimenik egon ote zen jakiteko "ikerketan sakontzeko beharra" adierazi du osteguneko ebazpenean eta ondorioztatu du ez dagoela froga nahikorik ere auzia artxibatzeko. Beraz, Martín Villak inputaturik jarraitu dezake, eta urte haietako errepresio polizialean estatu aparatuek izandako inplikazioak jomugan jarraitzen du Argentinako auzitegietan.
Biktimen elkarteen helegitea
Hain zuzen, Martxoak 3 elkarteak eta CEAQUA Frankismoaren Krimenen Kontrako Argentinar Kereilaren Estatu Koordinadorak azaldu dute euren talde juridikoak aztertzen ari direla kasazio-errekurtsoa jartzea ebazpenari.
"Auziaren tramitazioan zalantzarik gabe egiaztatu da Rodolfo Martín Villa hilketa horien egile-hausnartzaile izan zela, gizateriaren krimenen kontrako testuinguru batean", diote. Hala, euren ustez "ate guztiak zabalik daude" Servinik agindutako auzipetzeak aurrera jarraitu dezan.
Otxandioko bonbardaketaren erantzule nagusietako bat da Angel Salas Larrazabal urduñarra. Hortaz, herritarren aurka Euskal Herrian eginiko lehen bonbardaketan parte hartu zuen.
German Rodriguez eta Joseba Barandiaran omendu, eta langile mugimenduaren alde egindako lana txalotu dute Iruñean. Palestinari ere elkartasuna adierazi diote, sanferminetan urteroko zitan Iruñean.
Migratzaile familia batek irekitako denda baten aurrean ikur frankistak jarri dituztela salatu du Zurekin Nafarroa ezker koalizioak. Fiskaltzari eraman dizkiote datuak, gorroto delitu bat egon daitekeelako pankarta horren atzean.
1939 eta 1941 bitartean Igari eta Bidankoze arteko errepidea eraikitzera behartu zituzten frankismoaren 2.400 esklaboak omendu zituzten larunbatean, Igariko gainean. Errepresaliatu antifaxista haien memoriak gure bidea izan behar duela aldarrikatu zuten omenaldia antolatu zuen... [+]
Egin gintuztenen eta geure borondatearen kontra eraiki nahi izan zigutenen oinarria berriro ere indar berritzen ari ote den nago.
Eskolako Kontseiluaren izenean honako baldintza hauek jartzen zitzaizkien, gerraostean, gure herrietara maistra lanera zetozenei, derrigorrean... [+]
Hari buruzko aipamenik apenas iritsi zaigu historia liburuetan, baina Jesús Carrera Olascoaga (Hondarribia 1911 – Alcala de Henares 1945) Espainiako Alderdi Komunistaren idazkari nagusi izatera iritsi zen. Frankistek atxilotu, torturatu eta fusilatua, bere... [+]
Madrilgo Cuelgamurosen, Erorien Harana deituriko monumentuan arkeologoak egiten ari diren indusketetan etengabe ari dira jasaten eskuin muturreko jendeen presioa, hala adierazi du Pako Etxeberria auzitegi-medikuak. Egunotan, biktima errepublikarren senideek bisitatu ahal izan... [+]
1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]
Hiru urteko lanaren emaitza jaso du Iruñeko Udalak sinatutako dekretuak. Auzotik sortutako ekimenari esker, zazpi kale eta hiru plaza izendatuko dituzte.
Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]
1936ko Gerra amaitzear zela, Franco diktadoreak Pirinioetan milaka bunker eraikitzea agindu zuen. Mendian horiek ikusten aspaldi ohituak gaude, baina ez genekien defentsarako lerro erraldoi bat osatzen zutela, eta azken urteetan berreskuratzeko ekimenak jarri dira abian. Izan... [+]
Francisco de la Cruz Orellanaren gorpuzkiak identifikatu ditu Gogora Institutuak, eta bere senideen eskuetan utzi ditu.
Olentzero poliziaren jomugan ibili zen 1940ko hamarkadaren bukaeran. Haurren bahiketa eta hilketagatik? Ez! Izan zitekeen, Olentzerok umeak zakuan sartu eta itsasora ematen zituela, edo igitaiarekin etortzen zela umeei lepoa moztera esaten baitzen. Baina, ez, polizia atzetik... [+]
Frankismoa ez zela 1975ean amaitu diktadoreak ohean azken hatsa eman zuenean, hori badakigu. Erregimenaren haziek bizirik iraun zuten poliziaren tortura ziegetan, justizia auzitegien sumarioetan eta militarren zein politikarien deklarazio kolpistetan –Aznarrek azkenaldian... [+]