Markel Olanok (EAJ) Eibarren esan du Oñati zikin dagoela: egia ala gezurra?
Eusko Alderdi Jeltzalearen hautagaiek larunbatean, maiatzak 18, Eibarren eskaini zuten mitinean Markel Olano diputatu nagusigaiak esan zuen: "Oñati zikina dago... bai zikina dagoela Oñati". Eta hainbat erreakzio piztu ditu sare sozialetan: benetan Oñati (EHBilduren udal gobernuarekin) zikin dago? Zikinago Eibar bera baino?
Markel Olanoren hitzek sorrarazi dituzten erantzunen artean, Oñati Zero Zabor elkarteak bi herrien alderaketa eginez egin dio arrapostu: "Eibarrek pertsonako eta urteko iaz bertan 209 kilo zabor nahasi sortu zuen eta, aldiz, Oñati aitzindarietakoa da 73 sortuz".
Oñati izan zen, Usurbil, Hernani, Antzuola eta Oiartzunen ondoren, hondakinak Atez Ate biltzen hasi zen lehen udalerrietako bat eta gaur egun ere berak ematen ditu Gipuzkoako emaitzik onenetakoak. Eibar berriz, Debabarrena mankomunitatearen barruan, iaz hasi zen gaikako bilketa egiten baina ez du lortu Gipuzkoan hondakinen bilketan "azken-putz" dabiltzan herrien artetik ateratzerik, PSEk eta EAJk betidanik kontrolatu duten Debabarrena bezala.
Oñatiarra izateaz gain, Oñati zalea ere banaiz, batzuk horrela dioten arren, Oñati ez dago zikin!!!!!#zaindumaiteduzunhori #xaukenaxauk #Oñati @BerbiaOnati
— Markel Irizar (@Markelirizar) May 19, 2019
Bestalde, Oñati izan da kale garbiketa multinazional pribatu bati kendu –zehazki FCCri– eta berriro munizipalizatu duten udalerri bakarretakoa. Gauza bera egingo zuen gero Hernaniko udalak. Orain Oñati Zero Zaborrek Markel Olanori aurpegiratu dio munizipalizazio arrakastatsu horren emaitzak zikindu nahi izatea, alegia, udalari diru gutxiago kostatzeaz gain lortu dutela hiru lanpostu berri sortzea eta makinaria berria erostea kaleen garbiketarako. "Zerk molestatzen du Olano? Badirudi FCC ez den edozer, zerbitzu hobea eskaini, gehiago birziklatu eta lanpostu gehiago sortzea den edozerk molestatzen duela, bere interesa delako FCCrentzako gauzak ondo joatea".
Lehengai anitzekin papera egitea dute urteroko erronka Tolosako Lanbide Heziketako Institutuko kimika industrialeko ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota eskoletan kiloka... [+]
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Bi langileak oroitzeaz gain erantzukizunak eskatu dituzte, Zaldibar Argituk igandean Eitzagan eginiko ekitaldian. Justiziaren mantsotasuna salatu dute, sumarioa oraindik instrukzio fasean dagoelako.
Bost urte bete dira Zaldibarren 800.000 tona zabor maldan behera amildu eta Joaquín Beltrán eta Alberto Sololuze langileak aurretik eraman zituenetik. Ikerketa judiziala amaitu gabe dago oraindik, Verter Recycling enpresak ez du ezer ordaindu zigilatze lanengatik,... [+]
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
Iruñerriko Mankomunitateak Imarkoaineko Hondakin Zentroaren proiektuaren aldaketa onartu zuen ostegun honetan eta, horren arabera, azpiegitura 2026ko urtarrilaren 21ean hasiko da lanean.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Atez atekoa oinarri, Arabako Errioxako Kuadrillan Kripan eta Eltziego herriek Araba osoko daturik onenak dituzte hondakinen gaikako bilketan eta horien birziklapenean, eta Europak ezarritako gutxienekoetara heltzen diren bakarrak dira. Laster, kuadrillako herri gehiagotara... [+]
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Hondakinak tratatzeko Artaxoako plantara Zubietako erraustegitik milaka tona lixibiatu modu ilegalean eraman izanaz galdetu dio EH Bilduko parlamentari Mikel Oterok, Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiri. Iragan... [+]
Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik, ordea, salatu du legea kostuei begira aplikatzen duela soilik, eta... [+]
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.