Marixol Iparragirre espainiaratu eta espetxeratu dute
Asteazkenen entregatu du Frantziak Marixol Iparragirre, Espainiako Auzitegi Nazionalak epaitu dezan. Hamabi atentaturengatik auzipetu nahi dute. Irailean Frantziako Estatuko epaitegiek Urrutikoetxea, Haranburu, Beyrie eta Fernandez Iradi presoen egoeren inguruan erabakiko dute.
Frantziako poliziak Madrilen utzi du Iparragirre Espainiako Poliziaren eskuetan. Zuzenean Auzitegi Nazionalera eraman du poliziak, eta bertan Eskoriatzako presoa aske uzteko eskatu du haren abokatuak. Epaileak, ordea, bere aurka abiatu diren hamabi auzi jakinarazi, eta Soto del Realen (Madril) espetxeratzeko agindua eman du.
Frantziako Estatuak ezarritako 20 urteko espetxe zigorra abuztuaren 27an bete zuen Iparragirrek, baina preso jarraitu du espainiaratu bitartean. Estradizioa salatu eta “konponbidea” aldarrikatuz, mobilizazioak egin dituzte Eskoriatzan eta Donostiako Antigua auzoan. EH Bilduk eta Sortuk espetxeratze berria kritikatu, eta Iparragirreren “bakearen” aldeko lana goraipatu dute.
Ebakuntza Urrutikoetxeari
Josu Urrutikoetxea euskal presoari astelehenean egin zioten prostata ebakuntza. Maiatzaren 16an atxilotu zuen Urrutikoetxea Frantziako Poliziak ospitalearen atarian, urgentziazko ebakuntza egitera zihoala. Hiru hilabete eta erdi igaro da ordutik, haren medikuak ebakuntza gehienez ere hilabeteko epean egin beharra zegoela adierazi bazuen ere. Ebakuntza egin ostean, La Sante-n (Paris) espetxeratu dute berriz ere Ugaoko euskal preso politikoa.
Urrutikoetxea baldintzapean aske uzteko eskatu du bere abokatuak, tartean bere osasun egoera dela eta. Eskaera aztertzeko bigarren auzi saioa irailaren 11rako ezarri dute, Parisen.
Haranburu, Beyrie eta Fernandez Iradi
Ostegunean, Pariseko Zigorrak Aplikatzeko Auzitegiak Xistor Haranburu presoaren baldintzapeko askatasun eskaera aztertuko du berriz ere. Auzitegiak baldintzapeko askatasunaren alde egin zuen uztailaren 5ean, baina prokuradoreak helegitea aurkeztu zuen. 30 urte baino gehiago egin ditu espetxean Haranburuk, eta prokuradorearen helegiteak kritika ugari jaso zituen Ipar Euskal Herrian.
Hamazortzi urte preso daramatzan Lorentxa Beyri presoaren kasuan antzeko egoera errepikatu zen. Uztailaren 18an Pariseko Zigorrak Aplikatzeko Auzitegiak bere baldintzapeko askatasuna onartu zuen, baina fiskalak helegitea jarri zuen eta preso jarraitzen du Beyrik. Irailaren 12an aztertuko du kasua epaitegiak, bigarren aldiz.
Ibon Fernandez presoari zigorra eteteaz ere hilabete honetan erabakiko dute Frantziako epaitegiek. Hamasei urte egin ditu preso Fernandez Iradik, eta larriki gaixo dago, esklerosi anizkoitzak jota. 2014an epaileak bere askatasunaren aldeko ebazpena eman zuen, baina prokuradoreak blokeatu zuen erabakia.
Urte hasiera honetan ere Bilboko kaleak bete ditu Sare Herritarrak larunbatean Bilbon antolatutako manifestazioak. Presoei ezartzen zaizkien salbuespeneko lege eta tratamenduekin amaitzea eskatu dute amaierako ekitaldian, eta memoria “kolektibo” bat eraikitzea... [+]
Larunbat honetan egingo da Bilbon euskal preso politikoen aldeko urteroko manifestazioa. Gero eta preso gutxiago dago, baina 2011n ETAk bere jarduera armatua eten zuenean inork gutxik irudikatuko zuen handik hamabost urtera oraindik gatazka haren ondorioz espetxeratutako... [+]
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Datorren larunbaterako, urtarrilaren 11rako, Sare Herritarrak euskal presoen eskubideen aldeko manifestazioa deitu du, beste urte batez, Bilbon. Aukera paregabea da gure herriarentzat elkarbizitzaren bidean aurrera egiteko, hainbat hamarkadatan liskar bortitzetan murgilduta egon... [+]
Konponbide prozesuari eta etxeratze prozesuari behin betiko amaiera emateko aldarrikatuko dute, eta euskal preso behin betiko etxean nahi dituztela. Laguntza ekonomikoa jasotzeko Bizumkada Nazionala ekimena jarri dute martxan.
Merino 2001. urtean atxilotu zuten, eta dispertsioa jasan du, zigorraren zati handi bat Euskal Herritik kanpoko kartzelatan igaro baitzuen baldintza “zailetan”. Orain, askatasuna berreskuratu du.
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
Zerk harritu zintuen gehien kartzelatik atera zinenean? Galdetu didate maiz azken urte eta erdian.
Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen... [+]
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]
Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.
Europar Batasunak presoen zigorren bateratzea erabaki zuen 2008an. Espainiak ez zuen agindu hori bete. Legearen erreforma etorri da, orain. 52 presori eraginen die neurriak. Sare elkarteko kide Mikel Mundiñanok xehetasunak eman dizkigu Metropoli Forala saioan.
Hori da ostegun honetan Sare elkarteak adierazi duena. Azken unera arte saiatu dira legearen erreforma gauza ez zedin, baina azkenean ez da berriz Espainiako Kongresuan bozkatu behar, PPk nahi zuen moduan. Hortaz, aste honetan bertan legea Espainiako Aldizkari Ofizialean... [+]