Mariano Ferrerren kazetari-lana aztergai EHUren Udako Ikastaroetan
“Kazetaritza politikoa konpromiso sozial eta etiko gisa” izenburupean, Mariano Ferrerren (1939-2019) lana aztertuko dute ekainaren 22an eta 23an EHUren Udako Ikastaroetan. Besteak beste, Elixabete Garmendiak, Pilar Kaltzadak, Bernardo Atxagak eta Imanol Murua Uriak parte hartuko dute antolatutako hitzaldi eta mahai-inguruetan.
Kazetaritzaren alderdi etiko eta politikoei buruzko gogoeta egitea: hori da EHUren Udako Ikastaroetan Mariano Ferrerren lana abiapuntu hartuta antolatu duten bi eguneko programazioaren abiapuntua. Horretarako, Ferrerrek egindako kazetari-lanaz gain, profesional gisa ze oinarriren gainean aritzen zen aztertuko da, baita haren metodologia ere.
Txemi Apaolaza Gizarte Antropologian doktoreak eta EHUko irakasle erretiratuak zuzendutako ikastaroa publiko zabalari bideratuta dago, unibertsitateko ikasleetatik hasi eta kazetaritzan lanean ari direnetaraino, baita landuko diren gaietan interesa duen publiko orokorrari ere.
Ekainaren 22ko eta 23ko goiz-eguerdiak hartuko dituen programaren barruan, Ferrerren lanaren hainbat alor izango dituzte aztergai. Besteak beste, kazetari donostiarraren kazetaritza-metodoari buruzko sarrera egingo du Maria Pilar Rodriguez Deustuko unibertsitateko irakasleak; informazio iturriak nola hautatu eta tratazen zituen aztertuko du Txema Ramírez de la Piscina EHUko irakasle eta kazetariak; Ferrerren kazetaritza politikoa izango du hizpide Ramon Zallo EHUko irakasle emerituak; eta zientzia politikoen alorreko begirada eskainiko du Pedro Ibarra EHUko irakasleak.
Ikuspegi akademikoez gain, informazioaren munduko profesionalek ere izango dute zeresana ikastaroan. Adibidez, Pilar Kaltzadak, Imanol Murua Uriak, Leire Iturregi Mardarasek eta Txema Ramírez de la Piscinak gaur egungo kazetaritzan zer aldatu den eta zerk jarraitzen duen aurreko garaien antzera eztabaidatuko dute.
Ikastaroaren bigarren egunean berriz, Ferrerrek mugimendu sozial berriekin izandako erlazioaz hitz egingo du EHUko Maitane Arnoso Martínezek. “Mariano Ferrer, kazetarion maisu” izenburudun hitzaldia emango du, bestalde, Martxelo Otamendi Berria egunkariko zuzendariak.
Ikastaroa borobiltzeko, Bernardo Atxagak eta Elixabete Garmendia Lasak hartuko dute hitza. Asteasuko idazleak “Zer egin zuen Mariano Ferrerrek kulturaren eta bizikidetzaren alde” izeneko hitzaldia emango du. Garmendiak berriz, ikastaroan landutako edukietatik abiatuta, bi egunetako bilana emango du.
Donostiako Miramar jauregian egingo da ikastaroa eta bi eguneko matrikularen prezioa 56 eurokoa da.
Kultura eta Hizkuntza Politikako sailak nagusiki gaztelania darabilten hedabideetan "euskarazko albisteak areagotzeagatik" diru-laguntzak banatu ditu beste urte batez. Ia milioi bat euro banatu dute Noticias, Gara eta Vocento hedabide taldeen artean, artikulu batzuk... [+]
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
"Kereilatuei –Chorche Tricas eta Iker González kazetariak– egotzi eta iraingarritzat jotzen zaizkien artikuluak "adierazpen- eta informazio-askatasunaren barruan daude", eta Zaragoza en Común-eko zinegotzi Suso Domínguezen kasuan... [+]
Genero eskubideen urraketaren inguruan mintzatu gara Silvina Molina kazetariarekin. Télameko (Argentinako albiste agentzia publikoa) Generoen eta Aniztasunen ataleko editorea zen Molina, Javier Mileiren gobernuak martxoan agentzia itxi zuen arte. Kazetaritza, inklusioa... [+]
Zerbaiti edo norbaiti agur esatea abandonuarekin, amaierarekin eta, azken batean, dolu-prozesuarekin lotutako ekintza izan ohi da. Seguru noizbait esango zenutela –edo norbaiti entzungo zeniotela– “ez zaizkit agurrak gustatzen” esaldi tipiko eta topikoa... [+]
Bere sorterri Ataunen hil da Maximo Aierbe Muxika, 74 urterekin. Euskaldunon Egunkariaren sortu aurreko eta ondoreneko urte malkartsuetako eginahaletan parte hartu zutenek gogoratuko dute proiektu berriaren akziodun bila hainbeste lan egindako gizon hura. Disziplina eta... [+]
Ikusiker Ikusentzunezkoen Behategiaren txosten berrienak euskal gazteek informazioaren / albisteen kontsumoan duten interesa aztertu dute. Emaitzak interesgarriak dira; laburbilduta, informazioaren interesa egon badago, eta informazio-iturri fisa, sare sozialak dira gehienen... [+]
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Erruduntzat joko du bere burua Euskal Herrian gauerdia denean egingo den epaiketan. Erresuma Batuan espetxean egon den denborako –bost urte eta bi hilabete– espetxe zigorra ezarriko diote. Horrela, aske geratuko da.