Mari Mar Blancoren dimisioa eskatu dute zenbait biktimak, Uribetxebarriari heriotza opa ostean
Josu Uribetxebarriaren heriotza nahi duela esan zuen duela bi aste El Mundo egunkarian argitaratutako elkarrizketa batean Mari Mar Blanco Terrorismoaren Biktimen Fundazioko lehendakariak. Bere adierazpenak hautsak harrotu ditu biktimen elkarteetan.
ETAren borroka armatuak eragindako 60 biktima inguruk bat egin dute Mari Mar Blancoren dimisio eskaerarekin. Ekimen horren buru, Roberto Manrique Hipercorreko atentatuaren biktima eta kaltetuen elkarteko lehendakari ohia dago. Ekimena biktima askok Blancoren hitzak onartezinak zirela esan ziotenean jarri zutela martxan adierazi du.
Manriqueren esanetan, biktima ugari daude Blancoren hitzekin identifikatzen ez direnak eta egunez egun gehiago dira dimisio eskaerara elkartzen direnak. Tartean egongo dira Rosa Lluch, Ernest Lluchen alaba; Pilar Manjon martxoaren hamaikako biktima taldeen lehendakaria eta Juan Fructuoso ETAk Katalunian hildako lehen zibilaren anaia.
Udara amaiera arte jarraituko du martxan ekimenak. Ostean fundaziora karta bat bidaliko dutela esan du Manriquek, dimisio eskaera bete dadin. Fundazioko beste iturri kritiko batzuen esanetan, El Mundoko iritziez gain Blancok fundazioa kudeatzeko duen moduarekin oso kritikoak dira, beraien iritziz oso “pertsonalizatua” baita Blancoren jarduteko modua.
Euskal preso politikoa ostiralean hil zen minbizi baten ondorioz, 30 urteko espetxealdiaren ostean kaleratu eta 10 hilabetera. Troitiñoren kasua euskal presoei aplikatzen zaien salbuespen politikaren adierazle dela salatu dute bi elkarteek. Mobilizazioak antolatu dituzte... [+]
Eritasun "larri eta sendaezin" bat duela, baldintzapean atera da kalera otsailaren 5 goiz honetan. Orotara, 30 urtez gora pasa behar izan ditu kartzelan.
61 urteko preso lekeitiarrak maiatzaren 13an buruko isuria izan zuela argitaratu du Etxeratek. Orain Puerto-I kartzelako (Cadiz, Andaluzia) erizaindegian dagoela eta asteburuan familiaren bisita izan duela gehitu du.
Dispertsio politika bukatzeko eta larriki gaixorik dauden presoak askatzeko eskatu diete Espainiako Estatuko eta Europako Parlamentuko presidenteei.
Sareko kideek presoen egoera aldatuko den "itxaropena" erakutsi dute: "Hala behar luke, behinik behin. Orain da unea; izan ere, orain ez bada, noiz?"
2019ko zerrendatik bi izen atera dira: Aitzol Gogorza, espetxeratze arinduan, eta Jose Angel Otxoa de Eribe, berriki zendua. Duela hamar urte baino hamahiru preso larri eta sendaezin gehiago daudela ohartarazi du Etxerat elkarteak.
Euskal Herrian jaio izanaren ordaina izan da gatazka mingarri batean harrapatuak egotea. Aukera bat izan zitekeen ez ikusiarena egin eta ezer gertatuko ez balitz bezala bizitzen saiatzea. Zilegi izan daiteke.
Jose Ramon Lopez de Abetxuko preso ohiak eta Txeman Matanzas abokatuak preso gaixoen egoeraren inguruko hitzaldia eman dute Gasteizko unibertsitateko campusean. Aretoak gainezka egin du. Aurretik Esteban de Garibay elkarte eskuindar unionistak hitzaldiaren aurkako kontzentrazioa... [+]
EHUren Gasteizko campusean egingo da hitzaldia, asteartean. Esteban Garibai elkarteak hitzaldiaren kontrako elkarretaratzea deitu du, hitzaldia hasi baino ordu laurden lehenago. Hizlariaren aurkako jazarpenarekin aurkako “sufrimendu jakin bat” estali nahi dela salatu... [+]
Ibon Fernandez Iradi euskal presoak egindako zigor etete eskaera onartu du Parisko Zigor Aplikazioen Auzitegiak, baina Fiskaltzak jarritako helegitea medio, haren askatasunari buruzko azken erabakia bi hilabete barrura arte atzeratu da. Esklerosi anizkoitza du Lasarte-Oriako... [+]
Espainiako Estatuak darabilen kartzela politikak euskal presoen eskubideak urratzen ditu eta urraketa horien txostena aurkeztu dute Sare Herritarrak eta EHUko Ikasmirak elkarteak. Txostena Nazio Batuen Erakundeko Giza Eskubideen Batzordera eramango dute orain.
Larunbatean jarri zuten abian kanpaina Bakearen Artisauek. Uztailaren 5ean Parisko Zigorrak Aplikatzeko Auzitegiak baldintzapean aske uztearen alde egin zuen, baina fiskaltzak helegitea jarri zuen eta preso jarraitzen du.
Urkabustaizko bizilagunak gaixotasun larria du.