“Ez nau harritzen zelatatzeak, estoldak beti egon dira eta daude”
Espainiako Poliziak Mari Jose Beaumont zelatatu zuen 2015ean Uxue Barkos lehendakariak Nafarroako Gobernuko Lehendakaritza, Funtzio Publikoa, Barne eta Justizia kontseilaria izendatu zuenean.
PP zegoen orduan Espainiako Gobernuan eta Jorge Fenández Díaz zen Barne ministro. 2015eko otsailaren 22a zen, Beaumont izendatu berria, eta Barne Ministerioko Estatu idazkari Francisco Martínez WhatsApp-ez mezuak elkar trukatzen ari zen Enrique García Castañorekin, orduan Laguntza Operatiborako Unitate Zentraleko arduradunarekin. Unitate hori arduratzen da telefono entzuketez eta gisa horretako jarraipenez. infoLibre atariak azaleratu duen informazioaren arabera, hainbat zelatatzeri buruz ari ziren eta une zehatz batean, Estatu idazkariak Beaumonti buruz galdetu zion Garcíari:
– “Aizu, eta Nafarroako Bilduko kontseilariari buruz ez duzu kontutxorik?”.
– “Nafarroakoa, galdetuko dut. Aurreratuko dizut, oso garbi dago”, erantzuten du Polizia buruak.
– “Eta bere ingurunea?”, jarraitzen du temati Estatu idazkariak.
– “Begiratuko dut”, zehazten du poliziak.
Mari Jose Beaumont abokatu ezaguna zen Nafarroan, besteak beste, urte luzez Itoizko Koordinadorak izen bereko urtegiaren aurkako hainbat auzi eraman zituelako. EH Bildu ez zen ofizialki aldaketaren gobernura sartu, baina kontseilari batzuk hark aholkatuta edo haren oniritziz heldu ziren Foru Gobernura, horien artean Beaumont.
Beaumonten ustez, orain azaldu den informazioa oso larria eta salagarria da, baina ez da batere harritzekoa. Adierazi du ikusi behar duela nola garatzen den kontua Kitchen auziaren baitan, eta horren arabera erabakiko duela legezko jardueraren bati ekin ala ez. Bere buruari galdetzen dio ea zergatik ateratzen den orain 2015etik ezaguna den kontua: “Ondorioztatzen dut nire kasua ez zela zerbait isolatua. Estatuaren estoldetako eremua da, beti egon dira eta jarraitzen dute egoten”.
Geroa Baik eta EH Bilduk oso larritzat jo dute zelatatzea, eta auzia argitzea eta erantzukizunak eskatu dituzte. EH Bilduk jakinarazi du Bel Pozueta diputatuak hainbat galdera egingo duela Kongresuan auziaren inguruko informazio osoa eskuratzeko, eta horrelakorik berriz gerta ez dadin eskatzeko.
Espainiako Gobernuaren jardunean ohikoak dira gisa honetako estoldetako jarduerak. Iaz oso ezaguna izan zen Pegasus kasua, zeinaren bidez, Espainiako Poliziak Kataluniako eta Euskal Herriko politikari independentistak zelatatu zituen. PSOEko goi karguak ere espiatu zituzten, besteak beste Pedro Sánchez gobernuburua eta Margarita Robles Defentsa ministroa. Hala ere, Espainiako Kongresuan hainbat alderdik auziari buruzko ikerketa batzordea eratzea eskatu zutenean, PSOEk, PPk eta Voxek atzera bota zuten eskaera. Orain, Espainiako Ustelkeriaren aurkako Fiskaltzak hamabost urteko zigorra eskatu du Fernández Díaz PPko ministro ohiaren aurka, Kitchen auzian izandako jokaeragatik.
Jean-Noël Barrot ministroaren telefono pertsonala hackeatu dute, honek Signal aplikazioko mezu zifratu bat ireki ondoren. Gai Numerikoen –digitalen– ministro ere izan zen Barrot, eta gisa honetako amarruen aurkako lege proiektu bat ere sustatu zuen.
“PPko polizia patriotikoak” Barne Ministerioaren datu-baseen bitartez, Podemoseko politikariak espiatu zituela informatu du El Paísek, horien artean Pablo Iglesias, Yolanda Díaz, Ione Belarra edo Irene Montero. Espainiako Estatu osoko autonomia erkidego... [+]
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]
Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.
2015etik 2021era mugimendu antifaxista eta antierrepresiboetan infiltratutako poliziaren kasua publiko egin du El Saltok, Directarekin elkarlanean ikertu ondoren. Hamabost hilabetean hedabideek argitaratutako polizia satorren seigarren kasua da.
Espainiako presidente Pedro Sánchezen eta beste lau ministro mugikor bidez espiatzeagatik irekitako kasua itxi egin dute, Pegasus programaren jabe den Israelgo Gobernuaren eta Justiziaren "erabateko" kolaborazio faltagatik.
Artikulu honen izenburuan agertzen diren hiru izen propioak ez datoz bat horrela deitzen ziren pertsonen errealitatearekin. Marc Hernàndez Pons, Dani Hernàndez Pons eta Ramón Martínez Hernàndez ziren Barne Ministerioak Polizia Nazionaleko hiru... [+]
Espainiako barne-ministro Fernando Grande-Marlaskak adierazi du infiltrazioekin lotutako informazioa espediente sekretu batean dagoela bilduta. Polizia horiek inteligentzia agente gisa definitu ditu, "ordenaren eta segurtasun publikoaren" intereseko informazioa... [+]
EHUko Errektoretzak komunikatu batean "ahalik eta irmotasunik handienarekin" gaitzetsi du unibertsitate-zentroko langileen ustezko espioitza kasua. Infolibrek ezagutarazi zuen Kitchen kasuaren barruan, EHUko langile bati buruzko informazioa pasa ziola unibertsitateko... [+]
Madrilgo La Animosa zentro sozialean eta mugimendu ekologistetan hartu du parte poliziak. Azken hilabeteetan argitaratu duten infiltratutako polizien laugarren kasua da.
Martxoaren 2an eman zen argitara Espainiako Poliziak Mari Jose Beaumont zelatatu zuela 2015ean. Nafarroako Gobernuko Lehendakaritza, Funtzio Publiko, Barne eta Justizia kontseilaria zen orduan, Uxue Barkosen gobernuan. Berrian eta Naizen adierazi du auzian aurkeztea pentsatzen... [+]
Espainiako enegarren ustelkeria auzia –Kitchen auzia deiturikoa– hari luzea uzten ari da bestelako kontuetan ere. Espainiako Barne ministerioak arerio politikoak nola jazartzen eta zelatatzen zituen agerian geratu da epaiketara aurkeztutako dokumentazioarekin... [+]
Ser kateak jaso duen abuztuko dokumentu batean, Espainiako Barne Ministerioak "zilegi eta beharrezko" ikusten du polizia agenteak infiltratzea mugimendu sozialetan, "independentismoaren arriskuak geldiarazteko".
Harreman sexu-afektiboak bilatu zituen zenbait andrerekin Espainiako polizia infiltratu batek Katalunian, besteak beste, inguru militanteetara sarbidea errazteko, Directa hedabideak jakitera eman duenez. Horietako bostek salaketa jarri dute epaitegian; sexu abusuak, osotasun... [+]