“Eskubidea dut jakiteko zer ikertu duten nitaz”
Martxoaren 2an eman zen argitara Espainiako Poliziak Mari Jose Beaumont zelatatu zuela 2015ean. Nafarroako Gobernuko Lehendakaritza, Funtzio Publiko, Barne eta Justizia kontseilaria zen orduan, Uxue Barkosen gobernuan. Berrian eta Naizen adierazi du auzian aurkeztea pentsatzen ari dela.
Mari Jose Beaumont Nafarroako kontseilari ohia bere espioitza kasuko auzian aurkeztea pentsatzen ari da. Hala adierazi du Berrian eta Naizen azken egunotan egindako elkarrizketetan. Hala ere, auzian informazioa lortzeko aurkeztu nahi du, baina azken egunetan mugimenduak egin dituzte hori saihesteko.
Izan ere, Beaumonten espioitza kasua publiko egin eta hurrengo egunean, martxoaren 3an, Auzitegi Nazionaleko epaileak erabaki zuen auziaren parte direnek ezin izango dutela Whatsapp mezurik ikusi. "Gainerako aldeen ikuspegia kontuan hartu gabe hartu zuen erabakia". Beaumontek adierazi du Whatsapp mezuetako informazioa ukatzen bazaio, helegitea jarriko dutela. "Eskubidea dut jakiteko zer ikertu duten 2015a baino lehen, 2015ean eta ondoren. Baita nire inguruko nor ikertu duten ere, eta zergatik", adierazi du Naizen.
Ez da lehen aldia
Ez da Beaumont zelatatzen duten lehen aldia. Itoizko urtegiaren aurkako hainbat auzitan abokatua izan zen. Madrilgo PPko Gobernuak eta Nafarroako UPN Gobernuak Burson Masteller marketin konpainia kontratatu zuten, urtegiaren aurka egiten ari ziren informazio politikari aurre egiteko. Azaldu duenez, kontratu haren letra txikian, bereziki komunikabideetan aurpegia ematen zutenak "ongi zaintzeko" agindua zegoen.
Infolibre aldizkariak eman zuen argitara Mari Jose Beaumonten espioitza kasua martxoaren 2an. 2015eko otsailaren 22ko Whatsapp mezu batzuk egin zituen publiko, Francisco Martínez eta Enrique García Castañoren artekoak. Martínez Jorge Fernández Díaz Barne ministroaren Estatu-idazkaria zen, eta García Laguntza Operatiborako Unitate Zentraleko arduraduna. Elkarrizketan ikus daiteke nola Fernándezek Garcíari galdetzen dion Beaumonten inguruan, eta berehala erantzuten diola "oso garbi dagoela". "Mezuok zer jartzen dute agerian? 2015 baino lehen niri begira egon zirela; bestela, ez da erantzuten hain azkar garbi nengoela", esan dio Beaumontek Berriari.
PPren aldetik ez zuen harrera ona jaso Beaumontek Nafarroako Gobernuko kontseilari izendatu zutenean. Fernandez Diazek esan zuen ez zela posible bera gobernuko partaide izatea, eta, are gutxiago, "Foruzaingoa bere menpe izango zen Barne Departamentuko kontseilari". Ministro ohiak eta Ana Beltrán PPko Nafarroako parlamentariak Barkosen gobernua mehatxatu zuten, esanez Espainiako Gobernuak Nafarroako Gobernuarekin eta Foruzaingoarekin harremanak etengo zituela.
Espainiako Poliziaren sindikatu nagusiarekin egindako akordio baten arabera, eskuin muturreko taldeak "defentsa pertsonaleko formakuntza" eskainiko die 30.000 agenteri.
1984ko urriaren 23an ETAren garaian Espainiako Barne Ministerioak onartutako aginduan, “arriskugarritasun eta nekagarritasun” kontzeptuengatik “ordainsari” bat zehaztu zuten Espainiako Polizia Nazional eta Guardia Zibilarentzat, “eremu... [+]
German Rodriguez eta Joseba Barandiaran omendu, eta langile mugimenduaren alde egindako lana txalotu dute Iruñean. Palestinari ere elkartasuna adierazi diote, sanferminetan urteroko zitan Iruñean.
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
2016an bi emakumek bortxatuak izan zirela salatu zuten, Iruñean. 2018an auzia artxibatu zuten eta ez zen epaiketarik egin. Espainiako Poliziak, Fiskaltzak eta Nafarroako Auzitegiak ikerketan egindako irregulartasunak salatu ditu biktimen abokatuak. Espainiako Estatuak... [+]
"Juancar" izenaren pean infiltratuta egon da Carlos P.M. agentea Madrilgo hainbat mugimendutan. 2020an sartu zen Espainiako Polizian, hain justu ere infiltrazio kasu gehiagoren jatorrian dagoen zentro berean egon ondoren. El Salto-k argitaratu du informazioa.
Lucia Rodriguez polizia-agenteak hiru urtez egin zituen sator-lanak Distrito104 gazte-kolektibo antifaxistan eta Madrilgo Errepresioaren Aurkako Mugimenduan, aurreko udazkenera arte.
Ezker abertzaleko familia baten etxea tirokatzeagatik atxilotu zuten Espainiako polizia ohiak baimenik gabeko bederatzi arma, gerra materiala, ia lau kilo bolbora, 400 bala baino gehiago eta dozenaka arma erabilgaitz zituen etxean
Polizia ohiak onartu zion Ertzaintzari berak egin zuela tiro eta agenteek legez kanpoko hainbat arma atzeman zizkioten etxean. Akusazio partikularrak 13 urte eta erdiko espetxe zigorra eskatuko du armak eta lehergailuak gordetzeagatik eta kalteak eragiteagatik. Fiskaltzak,... [+]
Asteazkenean atxilotutako Indar Gorriko 61 kideak libre utzi ditu Iruñeko Instrukzioko 4. epaitegiak, behin-behineko askatasunean eta kautelazko inongo neurririk gabe.
Espainiako Poliziak joan den asteartean atxilotu zuen Iturmendin (Nafarroa) eta, Espainiako Auzitegi Nazionalaren aginduz, Madrilera eraman zuten inkomunikatua.
Espainiako Poliziak astearte eguerdian atxilotu zuen bere etxean, Iturmendin (Nafarroa), antza sare sozialetako mezuren batekin lotuta. Arratsean segundo batzuetako deia egin zien senideei Madrilera eramaten zutela jakinarazteko, ARGIAk jakin duenez. Estefanía Cerverak 63... [+]
Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.
2015etik 2021era mugimendu antifaxista eta antierrepresiboetan infiltratutako poliziaren kasua publiko egin du El Saltok, Directarekin elkarlanean ikertu ondoren. Hamabost hilabetean hedabideek argitaratutako polizia satorren seigarren kasua da.
Polizia-agente batek hainbat urtez espiatu ditu Madrilgo zenbait mugimendu; besteak beste, Amak Errepresioaren Kontra taldea eta errepresioaren kontrako askotariko mugimenduak.