Causa Galiza talde independentista ‘de facto’ legez kanpo utzi izana salatu dute
Joan den urriaren 30ean Causa Galizako bederatzi militante atxilotu eta gero, espainiar Auzitegi Nazionaleko Eloy Velasco epaileak galiziar talde independentistaren aktibitatea bi urtez eteteko agindua eman zuen. Urtarrilaren 24an manifestazioa egin zuten Santiago de Compostelan neurri hori salatzeko; deitzaileek adierazi zutenez, Velascoren erabakia Causa Galiza legez kanpo uztearen parekoa da praktikan.
Hainbat arlotan diharduten 50 elkarte inguruk deituta, ehunka lagun bildu ziren manifestazioan “Eskubide zibil eta politikoak denentzat. Erakunde politikoak legez kanpo uzteari ez” leloarekin. Antolatzaileen ustez, Espainiako Estatuak jauzi kualitatiboa egin du galiziar independentismoaren aurkako borrokan. Velasco epailearen agindua behin-behineko etenaldia izan arren, haren erabakiak taldearen heriotza politiko eta zibila dakarrela nabarmendu dute.
Urrian atxilotutako Causa Galizako bederatzi kideak aske daude orain, baina epaiketaren zain. Euretako batek, Joám Peresek, atxiloaldian jasandako tratamendua salatu zuen El Progreso agerkariari eskainitako elkarrizketan. Peresen esanetan, denbora guztian inkomunikatuta egon ziren, eta poliziaren galdeketa “politikoa” izan zen. “Obsesioa zuten Causa Galizak BNGrekin egindako bileretan zertaz hitz egin genuen jakiteko”.
Bederatzi militante independentistei talde terroristako kide izatea egotzi die Auzitegi Nazionalak. Urriko atxiloketak egin zirenean, talde armatu bi goratzea leporatu ziten Causa Galizari, besteak beste: Resistencia Galega –talde hori existitzen denik frogatu ez bada ere– eta 90eko hamarkadan desagertutako Exército Guerrilheiro do Povo Galego Ceive.
Causa Galizako kideek aldarrikatu dute taldea 2007an sortu zenetik eremu politikoan egin dutela lan, publikoki eta milaka lagunen parte hartzeaz, Galiziaren independentziaren eta arlo sozioekonomikoan duen arazo larriak konpontzearen alde.
BNG alderdiak deituta, Galiziako Aberri Egunean egin dute ekitaldia. Igandean, “mugarik gabeko” nazioaren aldeko deia zabaldu dute, “politika berde eta feminista” eraikitzeko asmoz.
Causa Galiza eta Ceivar antolakundeetako hamabi militante independentista epaitu dituzte Madrilgo Auzitegi Nazionalean, legezkoak eta publikoak izan diren jardueretan oinarrituz terrorismo delituak egotzita. Fiskaltzak 102 urteko kartzela zigorra eskatzen zuen denera, baita bi... [+]
Urriaren 19an makroepaiketa bat hasiko da Madrilgo Auzitegi Nazionalean. Hiru egunez Causa Galiza eta Ceivar antolakundeetako hamabi militante independentista epaituko dituzte, terrorismo delituak egotzita, legezkoak eta publikoak izan diren jardueretan oinarrituz. 102 espetxe... [+]
Akusatuen zigorraz gain, bi plataformen disoluzioa eskatu du auzitegiak. Terrorismoaren goratze delituak egin dituzten erakundeetan parte hartzea leporatzen diete. Akusatu bakoitzarentzat lau eta hamabi urte arteko espete zigorrak eskatu du Fiskal Nagusiak.
Guardia Zibilak polizia operazio egin zuen 2015ean, Causa Galiza erakunde armatu baten “beso politikoa” zela argudiatuta. Espainiako Auzitegi Nazionalak akusazioa beheratu die orain, eta terrorismoa goratu izana leporatzen die militante independentistei. Causa... [+]
Espetxeetara Martxaren hamahirugarren edizioa berezia izan da Galizian. Lehendabiziko aldiz, partaideek ez dute urruneko espetxeetara bidaiatu beharrik izan preso galiziar independentistei berotasuna helarazteko. Borrokan jarraitzeko deia luzatzen dute presoen aldeko... [+]
Datorren larunbatean aurkeztuko dute ekimena Santiago de Compostelan. Kataluniako Òmnium Cultural elkartearekin antzekotasunak dituztela adierazi dute sortzaileek.
Galiziar preso independentisten senide eta lagunak biltzen dituen Que voltem para a casa! elkarteak deituta, dispertsioa salatzeko Marcha às cadeias izeneko martxa egingo dute Espainiako Estatuko hainbat espetxetara, otsailaren 3an eta 4an.
Espainiako Auzitegi Nazionalak zazpi urte eta sei hilabeteko espetxe zigorra ezarri dio Raul Agulheiro galiziar militante independentistari, defentsak, fiskaltzak eta Estatuko Abokatuak akordioa lortu eta gero. Fiskaltzaren hasierako zigor eskaria 29 urtekoa izan zen. 2014an... [+]
Jarduna urtebetez etetea agindu dio Espainiako Audientzia Nazionalak Causa Galizari, “prebentzio neurri” gisa. 2015eko urriaren 30ean Causa Galizako 9 kide hartu zituzten atxilo, “komunikatuak hedatzea, terrorismoa goratzea eta Exercito Guerrilheiro do Povo... [+]
Goizean goiz hasi du Guardia Zibilak "Resistencia Galegaren inguruaren aurkako" operazioa. Poliziako iturriek esan dutenez bederatzi lagun atxilotu dituzte, den-denak Causa Galiza talde independendistako kideak, "terrorismoa goratzea" eta "Resistencia... [+]