Larunbatean manifestazioa egingo dute Altsasun: “Trena benetako garraiobide bihurtu dadin”
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera eramatea ere eskatuko dute.
Garraiobide jasangarri baten aldeko aldarria eramango dute larunbatean Altsasura. Astearte honetan egindako prentsaurreko jendetsu batean eman dute egun horretan egingo duten manifestazioaren xehetasunen eta arrazoien berri. Nafarroa Trenaren Alde, Araba Trenaren Alde eta Goierriko AHTrik Ez plataformek deitu dute mobilizazioa, eta herritar guztiak deitu dituzte parte hartzera.
Azaldu dutenez, Abiadura Handiko Trenak soilik erabiltzeko eraikitzen ari diren azpiegituren lanak gelditzea eskatuko dute Altsasun, baina ez hori bakarrik, egungo tren-azpiegiturak berritzea eta trenen maiztasuna handitzea ere eskatuko dute, "trena benetako garraiobide bihurtu dadin".
Horretarako badago alternatiba bat mahai gainean: hainbat bide-ingeniarik duela urte eta erdi egindako azterlan teknikoa da, AHTk kalteturiko herri eta kontzejuen eskariz, eta gaur egungo proiektuak baino 2.000 milioi euro gutxiago kostako luke.
Alternatiba horren abantailak zerrendatu dituzte: salgaiak eta pertsonak garraiatu ahal izango direla; aldiriko eta eskualdeko bidaiak uztartu daitezkeela bidaia luzeagoekin; hiriburuen arteko bidaien denbora ez dela gehiegi handituko –Gasteiztik Iruñera, adibidez, 8 minutu gehiago baino ez–; egungo azpiegituren segurtasuna hobetuko dela, eta abar.
Hainbat bide-ingeniarik duela urte eta erdi azterlan teknikoa egin zuten, AHTk kalteturiko herri eta kontzejuen eskariz, eta gaur egungo proiektuak baino 2.000 milioi euro gutxiago kostako luke
"Herri borondatea errespetatu"
Deitzaileen arabera, AHTren azpiegituren etorkizuna oso zalantzan dago gaur egun, Frantziako Gobernuak ez baitio oraindik argi berderik eman Hendaiatik Bordelera joango litzatekeen lineari, eta AHTren lanak gelditzeko eskaerak "inoiz baino indar handiagoa" hartzen ari dira ondorioz. Gaineratu dute Euskal Y-aren eta Iruñearen arteko AHTren loturak kalteturiko udalerrien %70 dagoela aurkeztu duten alternatibaren alde.
"Eskatzen dugu herriaren borondatea errespetatzea –adierazi dute irmo prentsaren aurrean–, trenbide-azpiegitura berri bat eraikitzeko lan guztiak gelditzea, eta planteatutako alternatiba aurrera eramatea".
Manifestazioa arratsaldeko 18:00etan abiatuko da eta koloretsua eta polita izango dela ziurtatu dute: fanfarrerak, joaldunak, erraldoiak, Irurtzungo izaki mitologikoak, Jotafa txaranga, txalapartariak, bertsolariak, traktoreak "eta abar luzea" izango dira: "Aukera izango dugu arratsaldeaz gozatzeko eta, aldi berean, AHTren txikizioaren aurka ekiteaz gain gure eskualde eta herriak lotuko dituen tren baten alde borrokatzeko", amaitu dute.
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.