Manifestazioa deitu dute u25erako Bilbon amnistia, autodeterminazioa, langileria eta antifaxismoa aldarrikatzeko

  • Lau kontzeptu horiek oinarri hartuta, Euskal Herriko langileriaren eta herri sektoreen indarren “batasuna, elkar-kidetza eta aktibazio borrokalaria” sustatu nahi dituen mobilizazioa deitu dute Bilbon uztailaren 25erako.


2020ko uztailaren 16an - 17:56

ARGIAra igorri duten oharrean mobilizazioa ez du inork sinatu eta ondorengo informazioa ematen dute antolatzaileei buruz:

"Ekimen hau langileriaren magaletik sortzen da, gure herriaren bihotzetik. Jarraitu beharreko ildoa hau dela ulertzen duten antolakunde eta adierazpen ezberdinetako militanteek, orainaldi latz honi astindua eman nahi dioten gazte errebeldeek, umiltasunetik bere borrokak eta esperientziak emandako onena transmititu nahi duten preso politiko ohiek edota, sigla zehatz bateko kide izan gabe, bere burua politikoki aktibatzeko aukera ikusi duten hainbat langilek proposatu, sustatu eta antolatzen dute ekimen hau".

Bideo hau egin dute deialdia zabaltzeko:

Jarraian ARGIAra igorri duten komunikatua osorik:

Azaltzen ditugun lau oinarri hauen eta bere edukinen inguruan Euskal Herriko langileriaren eta herri sektore ezberdinen indarren batasuna, elkar-kidetza eta aktibazio borrokalaria sustatzeko asmoz aurkezten dugu ekimen hau.

Gure herriak kontuan hartzeko moduko herri auto-antolaketarako ahalmena erakutsi du. Adierazpen zehatzetatik harago, gaur aldarrikatu nahi ditugun irakaspen handien sortzaile izan den eta hamarkada luzetan zehar eta belaunaldiz belaunaldi mantendu den borroka eta erresistentziarako ahalmenaz ari gara. Nostalgiatik urrun baina gertatutako guztia gogoan izanda. Etorkizunez beteriko perspektibaz baina orainaldiak agindutako errealitatetik abiatuz.

Ekimen hau langileriaren magaletik sortzen da, gure herriaren bihotzetik. Jarraitu beharreko ildoa hau dela ulertzen duten antolakunde eta adierazpen ezberdinetako militanteek, orainaldi latz honi astindua eman nahi dioten gazte errebeldeek, umiltasunetik bere borrokak eta esperientziak emandako onena transmititu nahi duten preso politiko ohiek edota, sigla zehatz bateko kide izan gabe, bere burua politikoki aktibatzeko aukera ikusi duten hainbat langilek,….proposatu, sustatu eta antolatzen dute ekimen hau.

 Aurrerapausua emateko beharra, nahia eta betebeharra daukagu. Aurrera jotzeko beharra, nahia eta betebeharra. Eta ekimen hau borrokaren bidetik aurrera egiten jarraitzeko mugarri berria izatea nahiko genuke. Horregatik eta horretarako, zu ere honen parte sentitzea espero dugu.

Amnistia: burgesiak eta bere adar monopolistaren kontrolpeko estatuek eragindako errepresio faxistaren ondorioz errepresioa pairatu eta pairatzen duten preso politikoen kaleratze soilaz harago, preso politiko horiek defendatu zituzten aldarrikapenak asebetetzeko neurri eraginkorren aldeko borroka bezala ulertzen dugu amnistia, kapitalismoak eragindako askotariko zapalkuntza formen amaierarekin lotuz. Euskal Herriko kasuan aldarrikapen historikoa da Amnistia 1936tik gaur egunera arte, langileria eta beste herri klaseen borroka guztietan presente egon delarik indar guztiz. Amnistia Herri Frontearen 36ko otsaileko programan barne hartu zen eta milaka langile borrokalari kaleratu zituen beste milaka eta milaka langileren bozka jaso ondoren. Amnistia izan zen frankismoaren azken urteetako herri-aldarrikapen nagusienetakoa eta, besteak beste, Amnistiaren aldeko borrokak ohartarazi zuen gure herria Erreforma konstituzionala zeritzona faxismoaren mozorrotze-operazioa baino ez zela izan, kartzelak egunetik egunera berriro bete zirelako Amnistia izena hartu arren, espainiar faxismoak bere buruari emandako auto-indultu hutsa baino ez zelako eman. Amnistiaren aldeko borroka eta herri aldarrikapenen aldeko jarduerarekin kontsekuente izateak eragindako errepresaliatu politikoekiko elkartasun kontzientea izan da azken hamarkada luzeetan Euskal Herriko kaleetan borrokaren sua pizturik mantentzearen arrazoi nagusienetakoa, estatuari bere benetazko izaera agertzen behartzeko giltza. Amnistia jarraitu behar du izaten, perspektiba iraultzaile eta borrokalariarekin, herri langileak eta bere sektore kontzienteenek borrokaz defendatzen jarraitu beharreko aldarrikapena.

Autodeterminazioa: bere eskubide nazionalak, bereziki, lurraldetasuna eta antolaketa politiko propioa askatasunez gauzatu eta egikaritzeko eskubideak ukatzen zaizkio gure herriari. Bi estatu burgesek, frantsesak eta espainolak, bere merkatuaren eta esplotazio sistemaren kontrolpeko muga geografikoak betikotzeko asmoz, nazionalki zatikatzen eta zapaltzen dute Euskal Herria. Autodeterminazio eskubidea gauzatu nahi dugu herri langilearen borrokaren bultzadaz, euskaldun bezala beharrezkoa dugun askatasun nazionala kapitalismoa historiatik behin-betiko baztertzeko dugun beharrarekin lotuz. Gure hizkuntza nazionala ikasiz, erabiliz eta aldarrikatuz. Herri izaera eta herri-kulturaren adierazpenak balioan jartzen eta defendatzen. Gure etorkizun politikoa askatasunez erabaki nahi dugu bai, baina ez ikuskera burgesak defendatzen duen bezala. Gure klaseak, langileriak, bere egiten du zapalkuntza nazionalaren aurkako borroka eta bere interesen aldeko borrokarekin lotzeaz gain, edukin aurrerakoiez betetzen du.

Langileria: klase borrokaren baitan defendatzen dugun posizio politiko, ekonomiko, sozial eta kulturala da guretzat langileria. Langileriaren parte gara, bere baitan gaude kokatuta, pairatzen duena ezagutu eta nozitzen dugu, gure munduaren ikuskera proletargotzarengandik, langileriarengandik abiatu egiten delako. Kapitalismoaren lurperatzailea izateko deitua dagoen indar historikoa da langileria. Kapitalismoa sostengatzeko ezinbestekoa den oinarri esplotatua, gizateriaren biziraupenaren bermea den lanaren sortzailea, aberastasun-meta amaigabeak ekoizten dituen indar historikoa. Herrialde bakoitzean ezaugarri partikularrak izan arren, mugarik ez duen eta nazioartekoa den aberri bakarra da langileria. Jatorriaren gainetik etorkizunera begira dagoen klase soziala da langileria, pizten dituen borroka gogor guztietan berdintasunaren eta elkartasunaren baloreekin ezaugarritzen dena. Gizarte berri baten eraikuntzari ekiteko unean burgesiaren eta bere soldatapeko txakur guztien beharrik izango ez duen motore iraultzailea. Bere helburu eta interesak irmo eta zuzen defendatu ahal izateko eta burgesiaren iruzur eta eragin ideologikoak gainditzeko klaseko erabateko independentzia ezinbesteko zaion klasea da langileria. Langileria da gure oinarria eta helmuga, munduko herrialde guztietako langileak batzeko deiari erantzunez, inoren kontra munduko edozein tokitan jazotako edozein injustizia barrenean sentituz bizitzeko bere hezibide eta antolakuntzari bide eman behar dion langileria.

Antifaxismoa: burgesiaren adar monopolista atzerakoienak bortxaz indarrean jartzen duen menperakuntza forma zehatza da faxismoa. Ezaugarri komunak badituzte ere, forma ezberdinekin aurkezten zaigu faxismoa, eta parlamentarismoaren faltsutzea da haietariko bat. Antifaxistak gara kapitalismoa borrokatu nahi dugulako eta kapitalismoa borrokatzen dugu antifaxistak garelako. Oinarri horretatik ateratzen den irakurketa interesatu ororen izaera oportunista salatuko dugu. Gogoan ditugu, gure eginez, nazioarteko borroka honen parte izan diren eta, bitarteko guztiak barne hartuz, hamarkada ezberdinetan faxismoaren forma eta agerpen ezberdin guztiei aurre egin dioten munduko mugimendu, antolakunde, langile, partisano, maki, aktibista, gerrilari eta borrokalari guztiak. Esplotatzen eta zapaltzen gaituen estatu espainolaren kasu berezian, 1936-1939ko Erresistentzia Antifaxista ekarri nahi dugu gogora, eta bereziki, gure herriko militante, miliziano eta gudari antifaxista kontsekuenteenek emandako eredua. 1939tik, faxistek guda irabazi zutenetik, faxismoa da estatu espainolaren aurkezpen txartela, bere egitura politiko eta judizial gorenetan, Konstituzioaren jatorri eta edukinetan, elite monopolisten jarduera esplotatzaile eta inperialistetan, botere judizial, indar errepresibo eta elizaren estamentu guztietan jaun eta jabe da faxismoa. Aipatu gabe ezin dugu utzi estatu frantsesean indarrean egondako nazien aldeko Vichyko Gobernuaren izaera 1945etik gerora indarrean mantendu zela depurazio faltsu baten ondotik, kolonialismoak eta jazarpen inperialistak, basakeri polizialak eta herrion askatasunarekiko mespretxuak ezaugarritzen duelako frantses estatua oraindik. Faxismoa ez da, erreformistek sinplifikatzen duten bezala, hauteskunde burgesen bidez gainditu beharreko alderdi politiko jakin baten diskurtso nazkagarri bat. Faxismoa burgesiak eskura duen menperakuntza forma da, arriskutsua da, gerrak eragiten ditu eta langileriaren esplotazioa biderkatzeko tresna da. Oraingo honetan, judutarrak eta konspirazio masonikoak baino, Covid-19a izango da faxismoa betikotzen jarraitzeko aitzakia. Herri borroka antifaxista denon ardura da. Ez dira pasako!


Kanal honetatik interesatuko zaizu: Politika
Argalarioko parke eolikoaren aurka agertu da Bizkaiko Foru Aldundia, ingurumenean eragingo lituzkeen kalte “kritikoengatik”

Natura Ondarearen Zerbitzuak txosten bat aurkeztu du Barakaldoko mendi horretan bost haize errota jarri nahi dituen Iparaixe II proiektuaren aurka. Barakaldoko Udalak duela urte eta erdi eman zion ezezkoa egitasmoari, Mendietan Eolikorik Ez–Barakaldo plataformaren... [+]


Ernaik “nazio bulkada berri bati” ekiteko asmoa adierazi du Berriozarren egindako Gazte Topagunean

Ostegunetik igandera bitarte egindako topagunean 3.000 lagunetik gora bildu dituela esan du Ernaik. Larunbat iluntzean egin dute jardunaldietako ekitaldi politiko nagusia, gazte antolakundeko bozeramaile Amaiur Egurrolak hitza hartuta. Aberri Egunaren harira EH Bilduk... [+]


Euskal Herria nazioa dela aldarrikatu dute eragile ugarik Aberri Egunean

Eragile nahiz alderdi politiko ugarik plazaratu dituzte euren aldarriak aurtengo Aberri Egunean. Azken urteetan egin bezala, Bilboko eta Iruñeko kaleak hartu dituzte EAJk eta EH Bilduk, hurrenez hurren. Bagira-k, Ipar Euskal Herriko Mugimendu Abertzaleak, abertzaleen... [+]


2025-04-16 | Euskal Irratiak
Mikel Epaltza
“Nire etxea utzi nuen ETAk nazioarteko begiraleen esku armak utz zitzan”

Atxik Berrituz giristino taldeak Kristauak Euskal Herriko bake prozesuan liburua argitaratu du Maiatz argitaletxearekin. Giristinoek euskal bake prozesuan zer nolako engaiamendua ukan duten irakur daiteke, lekukotasunen bidez.


Ertzaintza handitu eta 8.000 polizia nahi ditu Jaurlaritzak 2030erako

Ertzaintzarekin bigarren negoziazio mahaia ireki du Bigen Zupiriak, martxoan ERNE, ESAN eta SIPErekin ertzainei urteko soldata gutxienez 4.200 euro igotzea adostu ostean. Agente kopurua areagotzeko plan horretan Arkautiko (Araba) akademiak "berebiziko... [+]


Aguraingo Udalak atzera bota du 50.000 plaka fotovoltaiko instalatzeko proiektua

EH Bilduk aurkeztutako mozioa onartu dute osoko bilkuran. Udalak egitasmoa sustatzen duen enpresari, Cañaveras Solarri eskatu dio proiektuak ez ditzala hartu balio estrategiko handiko gisa kalifikatutako nekazaritza lurrak, eta gune populatuetatik gutxienez 500 metroko... [+]


2025-04-16 | Sustatu
Bi hilabete igaro dira eta berdin gaude: IP blokeoak dozenaka euskal webguneren kontra futbola dagoenean

Duela egun batzuk iragarri zuen Puntueu-ek La Ligaren blokeoak euskal domeinuei eragiten dien kaltea monitorizatuko zuela. Asteburu honetan izan dira partiduak, hain zuzen, eta monitorizazioaren datuak hor daude, penagarriak dira.


2025-04-16 | Karmelo Landa
Aberri Aukera

Ez da Aberri Eguna, Aberri Aukera da euskaldunok behar duguna. Urtean behin errepikatzen dira balizko alderdi zein talde abertzaleen deialdiak, data hauetan, Euskaldunon aberria Euskadi/Euskal Herria da aldarriaren inguruan. Egun bateko kontua izaten da, hala ere. Eta ez batera... [+]


Zentsura mozioa onartuta, UPNk Noain-Elortzibarreko alkatetza galdu du

AINE Noain-Elortzibarreko talde independentea, Harana Gara eta Aldatu Elortzibar egongo dira udalaren agintean, eta azken horretako Luis Mayak hartuko du aginte makila. Martxoaren 31n iragarri zuten mozioa aurkeztuko zutela, UPNren kudeaketaren "noraeza" eta... [+]


2025-04-14 | ARGIA
Gabriel Arestiren “izaera komunista” azpimarratu dute, bere heriotzaren 50. urteurrena kari

Euskal Herriko Kontseilu Sozialistak (EHKS) antolatuta, egun osoko jardunaldia egin dute igandean, Bilboko Campos Eliseos antzokian. Hainbat hitzaldik osatu dute egitaraua, eta jardnualdia amaitzeko Bigarrenez Aresti etorkizunaren aurrean antzezlana estreinatu dute.


‘Oztopoen gainetik askatasunera’: Ernaik manifestaziora deitu du apirilaren 17an

Adierazpen askatasuna aldarrikatzeko eta "eskuin erreakzionarioaren ofentsibari aurre egiteko" batuko dira. Egun horretarako Euskal Preso Politikoen alde antolatua zuten hitzaldia eta ekitaldia salatu du UPNk, eta hura zelatatzeko agindu du Espainiako Audientzia... [+]


Udalek espresuki euskaraz jardutea baliogabetu du Gorenak

EAEko udal legearen euskararen arloko zenbait artikuluren aurkako epaia eman zuen Justizia Auzitegi Nagusiak 2023an, eta orain Gorenak berretsi du. Eusko Jaurlaritzak ez du garaiz aurkeztu epaiaren aurka egin zezakeen helegitea.


Salaketa jarriko du Ertzaintzaren tiro baten ondorioz barrabila galdu zuen gizonak

Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.


2025-04-10 | ARGIA
Negoziazioak “boikoteatzea” egotzi diote sindikatuek Nafarroako Gobernuari, funtzio publikoko greban

Nafarroako funtzio publikoan 30.000 langile zeuden grebara deituta asteazken honetan. Deialdiak jarraipen desberdina izan du sektorearen arabera, eta sindikatuek salatu dute foru gobernuak "abusuzko" gutxieneko zerbitzuak ezarri dituela nahita.


Eguneraketa berriak daude