Manifestatzera deitu dute igande arratsaldean Egian, KASekin elkartasunez eta arrazakeriaren aurka
Aste mugitua izaten ari da Donostian, Kaleko Afari Solidarioen bueltan dabilen jendearentzat. Astelehenean beren aurkako kontzentrazioa egin zuten dozenaka pertsonak, inolako baimenik gabe eta Ertzaintzak esku hartu gabe, eta tentsio handia izan zen. Horrek hauspotuta, Eneko Goiaren udalak debekatu egin zion asteazkenean KASi Egia auzoan afariak ematea kalean bizi direnei. Ostegunean prentsaurreko jendetsu baten bidez Udalak eginiko salaketak gezurtatu eta afariak banatzen jarraituko dutela jakinarazi dute. Ostiralean, KASekin elkartasunez manifestaziora deitu dute hiriko hainbat eragilek, igande arratsalderako, Egia auzoan.
Ikusmina handia zen eta jende asko batu da ostegun arratsaldean KASek Egiako epaitegien alboan egindako prentsaurrekoa babestera. Bertan etxerik gabeko jendeari gauero-gauero ehunka afari emateaz arduratzen den herri ekimeneko kideek hitz egin dute, minduta. "Hirian zabaltzen ari diren jarrera arrazista eta faxistek udalean hainbeste eragiteak asko kezkatzen gaitu. Garai beltzak datoz", adierazi dute. Jakinarazi dute, prentsaurrekora ez direla joan afariak jasotzen dituzten ehunka pertsonak, "bizi duten intseguritateagatik".
Lehenik eta behin, gertaeren errepasoa egin zuten. Garrantzi berezia eman diote azken urtean Lo que no te cuentan de Donostia izeneko sare sozialetako kontuetatik egiten dieten jazarpenari. "KASkideak seinalatu, mehatxatu, kriminalizatu eta iraintzen dituzte. KASen jasotzaileak jipoitzera iritsi dira eta gure irudirako, ekintza horiek gizatasunaren aurkako gorroto eta delitu ekintzak dira eta auzibide penala exijitzen dute". Salatu dute astelehenean “Segurtasuna” lelo zuen eta KASen afaria jomugan izan zuen kontzentrazioak ez zuela baimenik eta Ertzaintzak, bertan egon arren, ez zuela desegin, "baizik eta baimendu". Han izan ziren Donostiako PPko hiru zinegotziak eta solidarioei irainka aritu ziren, Irutxuloko Hitzak bideoan jaso zuenez. KASetik adierazi dute ulertzen dituztela eta enpatizatzen dutela bortizkeria bizi duten herritarrekin, baina hala ere, azterketa sakonagoa egiteko eskatzen dietela. "Ez da bidezkoa delinkuentzia lotzea kolektibo oso batekin eta elkartasun sare batekin", adierazi dute.
Jakinarazi dute Donostiako Udaltzaingoak ahoz komunikatu diela Eneko Goiaren Udalak debekatu egin diela Egian janaria banatzea, baina ez daukatenez idatzizko ohartarazpen ofizialik, ez dakitela zein diren debekuaren arrazoiak. Elkartasuna eskertu eta afariekin jarraituko duela esan dute, hirugarren banaketa puntu bat bilatuta.
Donostiako Segurtasun zinegotzi Martin Ibabek esandakoa gezurtatu dute. Zinegotziak esan zuen aurreko astean afarietan laban, matxete eta droga konfiskazioak egin zituztela eta horrek ez duela zerikusirik jateko beharrarekin, baizik eta delinkuentziarekin. "Guk dena gezurtatzen dugu. Ez zen inondik inora halakorik gertatu aurreko asteko afarietan".
Donostiarrei elkartasuna eskertu eta afari solidarioekin jarraitzeko laguntza eskatu diete, eta jakinarazi dute Donostiako Udalarekin hainbatetan bildu direla eta jantoki sozial bat egiteko eskatzen dietela.
Manifestazioa igandean
KASekin elkartasunez, hiriko hainbat eragilek –zehaztu gabe– manifestatzera deitu dute iganderako Egia auzoan. Blas de Otero plazatik irtengo da 18:00etan.
Joan den abuztuan, irakurketa bateratua eskaini zuten 37 eragilek, besteren artean, Ernai, GKS, Bilgune Feminista, Egia Bizirik, Martutene Bizirik eta Donostiako Piratek.
Badatoz urteko asterik magikoenak, edo hobe esanda, kontsumistenak. Askori gustatuko litzaieke opariak Olentzeroren zakutik jasotzea, zerutik erorita bezala, baina errealitatea da Gabonetan gure zakutxoak direla gehien sufritzen dutenak, poltsikoak hustuta hasten dugula urtea... [+]
.jpg)
Sortu berri duten organoaren eginkizun nagusien artean daude, besteak beste, diskriminazioaren aurkako politikak sortzea, migratzaileen eta gutxiengo etnikoen elkarteen parte hartzea sustatzea, Nafarroako arrazakeriaren egoera globala aztertzea, eta Arrazakeriaren eta... [+]
Kasua auzitegietara eramateko aukera aztertzen ari dira.
Irutxuloko Hitzak asteartean parte hartu zuen Hordago - El Saltok antolatutako mahai inguruan, Hibai Arbide, Lucia Mbomio, Xalba Ramirez eta Miriam Najibi kazetariekin.
Azkenaldian nabarmen areagotu dira kutsu arrazistadun mezuak San Inazio auzoko Facebook taldean. Kalean lapurretak ugaritu ei direla-eta, auzokideen erantzuna bazterketa eta miseria egoeran daudenak kriminalizatzea, polizia gehiago eskatzea eta auzoko segurtasun brigadak... [+]
Andoaingo institutuan izan da Pape Niang, bere migrazio-esperientzia kontatzen. 16-18 urteko gazteek, aurrez Pape Niang, hasiera berri bat liburua irakurria zuten ikasleek, jakin-minez, gogoetez eta galderez bete dute aretoa. Bejondeiela, pertsona kritikoak heztea baita... [+]
Londres, 1928. Victoria and Albert Museum-era koadro berezi bat iritsi zen dohaintzan: margolanean gizon beltz bat ageri da, ileordea eta lebita jantzita, liburuz eta tresna zientifikoz inguratua. Museoan horrela katalogatu zuten: “Erretratu satiriko bitxia, beltzen... [+]
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Azken asteetan albiste izan da Gasteizko Errota auzoa, urriaren 8az geroztik delinkuentziaren aurkako eta segurtasunaren aldeko mobilizazioak egiten baitituzte zenbait auzokidek asteartero, bi lonja huts okupatu zituzten gazte migratzaile batzuk jo-puntuan jarrita. Inguruan... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]
Bere Telegram kanalaren bidez jakinarazi du ez dituela deialdi erreakzionario gehiago egingo oraingoz. Aurreko larunbatean, nabarmen egin zuen porrot Eason antolatu zuen kontzentrazioak, eta agerian geratu da kontramobilizazioen eraginkortasuna.
Lo Que No Te Cuentan de Donosti-k 30 pertsona soilik batu zituen Easo plazan larunbatean, eta haren aurkako deialdi antifaxistak 300. Bestalde, Gasteizko Errota auzoko mobilizazio arrazisten sustatzaileek auzotik irten eta Gasteiz mailako mobilizazioa deitu zuten iragan... [+]
Lo Que no te Cuentan de Vitoria eta Lo Que no te Cuentan de Pamplona Telegram taldeak sortu ditu Lo Que no te Cuentan de Donosti taldearen administratzaileetako batek berriki. Gasteizko kontuak ez du jarduerarik momentuz, baina Iruñekoak 500 jarraitzailetik gora ditu eta... [+]
Gasteizko Errotako (Koroatze) auzoan izan diren manifestazio "anonimoek" kolokan jarri dute auzokoen arteko elkarbizitza. Azalera atera dituzte ere hauetan parte hartu duten partidu politiko batzuen eta beste kide batzuen izaera faxista eta arrazista.
Lo Que No Te Cuentan De Donosti taldeak mobilizazio berri bat antolatu du datorren astelehenean, hilak 11, Amara Berrin, Kaleko Afari Solidarioak banatzen diren ordu eta leku berean. Hiriko hainbat eragile antifaxista eta antirrazista batzen dituen plataformak... [+]