Manifestazio jendetsuak Arrotxapeko Gaztetxearen itxiera salatu du Iruñean
Milatik gora lagun bildu ziren joan den larunbatean Iruñeko Arrotxapea auzoan, hilaren 2an desalojatutako auzoko gaztetxeari sostengua adierazteko eta itxiera operazioa salatzeko.
Maiteminduen plazatik atera zen manifestazioa arratsaldez, Antolatzerik ez espaziorik gabe pankartak bidea irekitzen zuela. Gaztetxea egon zen espazioaren aurretik pasatu zenean, manifestariek txalo egin zuten eta gazte batzuek Mila esker, borrokak darrai lelodun pankarta jarri zuten. Gaztetxea eraitsi egin dute jada, Iruñeko Udalak jakinarazi duenez, bertan etxebizitzak eraikitzeko.
Manifestazioa Anelier pasealekuan amaitu zen eta hara iritsi bitartean oihu ugari egin ziren gaztetxea eta okupazioaren alde, batetik, eta poliziaren aurka bestetik, azken hauei “Que se vayan! abesti ezaguna eskainiz. Espainiako Poliziaren presentzia handia zen auzoan, baina ez zen istilurik izan.
Manifestazioaren amaieran irakurritako agirian, gaztetxeko kideek azaldu zuten gaztetxearen gisako espazioak ezinbestekoak direla “auzoa bizirik mantentzeko, kolektiboen topaleku gisa, formazioa, kritikotasuna eta sistematik kanpo geratzen diren hamaika gauza egin ahal izateko”. Argi utzi zuten halako espazio bat izatea oso garrantzitsua zela auzoarentzat eta iragarri zuten bat izango dutela lehenago edo geroago.
Irailaren 2an itxi zuten gaztetxea epaileen aginduz, Iruñeko Udalak, Juslaberri enpresak eta La Caixak lantegiaren okupazioaz egindako salaketaren ondoren. Sei lagun atxilotu zituzten itxieraren ondorioz sortutako istiluetan eta Espainiako Poliziak dozenaka lagun zauritu zituen gazteen aurka oldartu zenean.
Ahotsa.info-ren ondorengo bideoan ikus daiteke manifestazioaren laburpena:
Pasa den urriaren 30ean, Portugaleteko Sastraka Gaztetxeko bederatzi lagun auzipetu zituzten. Handik egun batzuetara Portugaleteko kaleak hartu zituzten hainbat lagunek gaztetxearen defentsan. Bi egun geroago, fiskalak karguak kendu zituen.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Azaroaren 5ean epaituko dituzte Barakaldoko epaitegian. “Kapitalismoaren logikatik kanpo” dagoen alternatiba bat sortzeagatik okupazio mugimendua “kriminalizatu eta zigortu” nahi dutela salatzen dute gaztetxeko kideek. Txirbilenea Kulturgunearen hustearen... [+]
2020an birjabetu zuten espazioa Portugaleten, eta horren harira epaituko dituzte bederatzi pertsona azaroaren 5ean. Ostiral honetan manifestaziora deitu dute, 'Okupazioaren kontrako erasoak gelditu' lelopean.
Euskal Herri mailako topaketak antolatu dituzte hainbat gaztetxe eta gazte asanbladatako gazteek urriaren 19rako, Leitzan (Nafarroa). Mugimenduaren egoeraz eta egitekoez hausnartu, elkarren artean saretu, eta borrokarako indartzea dute helburu. Idatziz erantzun diete ARGIAren... [+]
Autogestio espazio "irekiak, asanblearioak eta horizontalak" eraiki nahi dituzten gaztez osaturiko gaztetxe eta gazte asanbladak antolatutako jardunaldiek gaur egun atomizatua eta polarizatua dagoen esparru batean eragin nahi dute.
Isabelle Pargade Hazparneko auzapezak ofizialki eman dizkio Ttattola gaztetxeari lokal berriaren gakoak. Bien arteko negoziaketa luze batzuen ondorio da.
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Kontzertuetarako materiala eta baliozko tresnak eraman dituzte.
Ez Dago Hilda festibalaren antolakuntzak azaldu duenez, festibal honen helburua dirua lortzea izanen da Iruñerriko eszena autogestionatuak behar duen entsegu espazio bat eskuratzeko. Urriaren 28an Berriozarko Ilargi parkean ospatuko da hirugarren edizio hau.
Zestoako Gazte Asanbladak jakinarazi du Gaztetxea husteko prozedura judiziala martxan jarri duela berriz Gipuzkoako gotzaitegiak, negoziatzeko deiei entzungor eginda. Aurtengo otsailean birjabetu zuten Elizondo eraikina izandakoa Gazte Asanbladako kideek.
Ttatola gaztetxeko kidea Baionako epaitegian errudun jo dute. Epaiketa salatzeko mobilizazioa egin dute ostegunean, hilak 22, Hazparneko plazan.