Manifestazio egin dute Lasarte-Orian erraustegiaren kontra eta hondakinen bilketa eraginkorraren alde
Ehunka herritar atera dira kalera beste behin, errausketaren aurka egin eta hondakinak kudeatzeko alternatiba hobeak daudela aldarrikatzera. 'Bilketa eraginkorra bai, errausketarik ez!' lelopean, salatu dute Lasarte-Oriak ez dituela behar bezain ondo gaika biltzen hondakinak. "Gipuzkoako azken bagoian goaz"
Datuek esaten dute Lasarte-Oriak hondakinen erdia baino gutxiago –%46– biltzen dituela, eta herritar bakoitzak 228 kilo errefus sortzen dituela urtean. Aire Garbia plataforma arduratuta dago horrekin, eta nabarmentzen du herria Gipuzkoako hondakinen kudeaketaren "azken bagoian" doala, Irunekin –306 kilo errefus sortzen ditu urtean herritar bakoitzak eta hondakinen %53 biltzen ditu gaika–, Donostiarekin –275 kilo eta %40–, Hondarribiarekin –278 kilo eta %53– eta Mendarorekin –286 kilo eta %45– batera. Bost herri horiek "beharrezko" dute erraustegia, "gaizki" kudeatzen dutelako zaborra. Ermuak, Mallabiak eta Eibarrek ere bai. Kontrara, beste 32 herrik hondakinen %70 biltzen dituzte gaika, eta urtean 100 kilo errefus baino gutxiago sortzen dituzte 53k. Probintzia guztiak kudeaketa hori egingo balu, 80.000 tona errefus sortuko lituzke urtean. "Zertarako beharko genuke 200.000 tona tratatzeko diseinatuta dagoen azpiegitura bat?", hausnartzen dute Aire Garbiakoek.
Lasarte-Oriaren kopuru eskasak salatze aldera, eta aldarrikatzeko hondakinak erraustea baino alternatiba hobeak daudela, manifestaziora deitu zuen plataforma horrek atzo arratsaldean. GuraSOS elkarteak –asteon hiru urte bete dira sortu zenetik– eta errausketaren aurka lanean ari diren hainbat eragilek bat egin zuten elkarretaratzearekin. Ehunka pertsonak egin zuten egin zuten protesta. Ibilbidea, honako hau: Okendo plazatik hasi; Kale Nagusia zeharkatu; Lasarte-Oriako Osasun Etxea eta Elizatze plaza pasa; Tajamarreko biribilgunean buelta eman; Geltoki kaletik igaro; eta Okendon bukatu. Tomax Arruti eta Pontxo Moralesen txalaparta doinuek egin zieten harrera manifestariei. Gazte talde batek 2011n Zubietan egindako flashmob jendetsua ekarri zuen gogora gero.
Herritarren osasuna, "arriskuan"
Atzoko ekitaldia amaitu aurretik, Aire Garbiako kideek testu bat irakurri zuten. Ohartarazi zuten "arriskuan" jarri nahi dutela herritarren osasuna "erraustegia bultzatzen duten alderdiek", EAJk eta PSEk: "Mundu osoko erraustegietan egiten diren ikerketak bat datoz: minbizia izateko arriskua handiagoa da azpiegitura horien inguruan; arnas aparatuko gaitzak eta ugaltzeko arazoak ere ugaritu egiten dira". Zubietan eraiki duten errauste plantaren isurkinak "urtean bitan" ikertu nahi dituztela adierazi zuten. "Metal pisutsuak eta toxikoak ezin dira ongi neurtu horrela".
Aire Garbiak uste du posible dela azpiegitura hori gelditzea. Horretarako, "funtsezkoa" da gaikako bilketa portzentajeak handitzea, eta hondakinak eraginkor kudeatzea, birziklatuz. Norbanakoei eragin, helburu kolektiboa betetzeko. "Lehenbailehen bukatu behar dugu zentzugabekeria honekin".
Albiste hau Txintxarrik argitaratu du eta CC-by-sa lizentziari esker ekarri dugu.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]
Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.