Mañeruko alkatea, “oso haserre eta inpotente” eremu mistora pasatzeko eskaera ez delako aurrera aterako
Mañeruko Udalean “amorrua” da nagusi, “ez dugu ulertzen PSNren jarrera”, azaldu dio alkateak ARGIAri. PSNk aurreratu du ezetz bozkatuko diola udalerria eremu “ez euskaldunetik mistora" pasatzeari eta beraz, PSN eta Navarra Sumaren kontrako botoengatik proposamena ez da aurrera aterako. "Gu gara hemen bizi garenak, baina haiek hartuko dute erabakia".
Udalak aho batez eskatu du eremu mistora igarotzea: “Ez dugu eskatzeagatik eskatu, euskara oso presente dago gure herrian, eta horren lekuko da D ereduan ikasten duela herriko haurren hiru laurdenak. Argi dago gurasoek umeak euskaraz hezi nahi dituztela, eta hori zerbaiten isla da”, adierazi digu Nuria Garcia Mañeruko alkateak. Alderdi independenteko kidea da bera, eta garbi mintzatu zaigu: oso haserre daude PSNren erabakiarekin, amorratuta eta inpotente, “ezin dugulako ezer egin”. Ostegun honetan bozkatuko dute afera Nafarroako Parlamentuan, eta Mañeruk egindako eskaera ez da aurrera aterako.
“Eremu ez euskaldunean jarraitzen duen bailarako herri bakarra gara; duela sei urte eremu mistora pasa ziren gainerako herri guztiak eta bakarrik geratu gara. Herri horiekin ez da inongo arazorik egon, zergatik orain bai? Ez dugu PSNren jarrera ulertzen, ez dugu ulertzen zergatik dauden ezezkoan. Gainera, argudioak ere ez dira ulergarriak. Noiz arte jarraitu behar dugu eremu ez euskaldunean?”, dio alkateak.
"Eremu mistora igaro diren bailarako herriekin ez da inongo arazorik egon, zergatik orain bai? Ez dugu PSNren jarrera ulertzen"
Udalaren erabakimen ahalmenaz ere ez du gauza onik esaten Nafarroako Parlamentuak bere proposamena atzera botatzeak. “Gu gara hemen bizi garenak, baina haiek hartuko dute erabakia; argi dago erabakitzeko orduan gutxietsi egin gaituztela”.
Batzuek euskara konfrontaziorako erabiltzen dutela ere badio Nuria Garciak. Kontuak kontu, Mañeru eremu mistora igarotzeko borrokarekin jarraitzeko asmoa berretsi digu, eta datozen udal hauteskundeen ostean Mañerun izango den udalbatzak gaiari segida ematea gustatuko litzaioke.
Euskal Herri osoan euskara eta hiztun komunitatea larrialdi egoeran daudela berretsi zuen azaroan Kontseiluak eta, ostegun honetan, egoera hori Nafarroan zertan datzan azaldu du Iruñean. Era berean, herrialdean ataka horretatik ateratzeko egin beharrekoak azpimarratu ditu.
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Eremu mistoko Osasunbideako zerbitzuetako lanpostuetan euskararen ezagutza meritu gisa baloratu ahal izatearen aurka agertu da Nafarroako Kontseilua azken irizpen batean. Otsailaren 21ean eman zuen argitara. Aldiz, ingelesa, frantsesa eta alemanaren ezagutzak puntuatzen du... [+]
Mañeruko herritarrek, udalbatzak babestuta eta Hordago taldeak deituta, elkarretaratzea egin dute zonifikazioaren aurka. Hamar egun pasatu dira eremu mistoan sartzeko proposamenari atea itxi ziotenetik Navarra Sumak eta PSNk.
Mañeru eremu "ez euskaldunetik" mistora pasatzeko eskaria egin du aho batez udalbatzak urtarrilean, eta horretarako Nafarroako Parlamentuan gehiengoaren babesa behar du. Ostegunean egin dute bozketa, eta bertan behera gelditu da udalbiltzaren nahia PSNek... [+]
Herriko udalak berak eskatuta, Geroa Baik, EH Bilduk, Podemosek eta Izquierda-Ezkerrak zonifikazioaren legea eraldatzea proposatu dute Nafarroako Legebiltzarrean. María Chivite eta Javier Esparzaren alderdiek aurka bozkatuko dutela aurreratu zuten, erabakia irmoa ez den... [+]
Eremu “ez euskaldunetik” mistora pasatzea eskatu du Mañeruko udalbatzak eta Nafarroako Parlamentuak eskaera onartu dezan PSN edo Navarra Sumaren aldeko botoak beharko dira –gainerako alderdiek alde bozkatuko dute–, baina horretarako borondaterik ez... [+]
Mañeruko bizilagunen nahiarekin bat egin zuen aho batez udalbatzak apirilean: eremu "ez euskaldunetik" mistora pasatzea. Eskaera onartu ala ez hilabete honetan bozkatuko du Nafarroako Parlamentuak, eta PSNren botoak erabakigarriak izango dira.
Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]
Urriaren 22an egun osoko egitaraua antolatu dute Errigora, Agerraldia eta Hordago herri ekimenek, euskara ardatz hartuta, baina ostegunean jakinarazi dute udalaren traben erruz ezingo dutela aurreikusitako Deskontrolen kontzertua egin. Halere, 17:30ean Tuterako kaleak hartuko... [+]
12 familiak eskatu dute euskarazko D eredua Larragako San Miguel eskola publikoan, baina Hezkuntza Departamentuaren erantzunik ez dute jaso eta Mendigorriako eskolarekin gertatu zen moduan, errezeloa dute D ereduko eskaintza ez dela garaiz iritsiko aurrematrikulazio garairako... [+]