Mañeru herriak eremu “ez euskaldunetik” mistora igarotzea eskatu du eta parlamentuak du azken hitza
Mañeruko bizilagunen nahiarekin bat egin zuen aho batez udalbatzak apirilean: eremu "ez euskaldunetik" mistora pasatzea. Eskaera onartu ala ez hilabete honetan bozkatuko du Nafarroako Parlamentuak, eta PSNren botoak erabakigarriak izango dira.
Euskararen Legeak Nafarroan sortzen duen zonifikazioari aurre egin eta eremu ez euskaldunetik mistora igaro nahi du Mañeruk. Euskalerria Irratian Jabi Arakama Geroa Baiko parlamentariak azaldu duenez, aldaketa eskatzeaz gain udalbatzak aldarrikatu nahi izan du euskara berezko hizkuntza duela Mañeruk: datu historikoek hala adierazten dute, baita egungo datuek ere. Herriko haurren %75ak, adibidez, D ereduan ikasten du, Garesen.
Aldaketa eskatzeko, eskubideez mintzatu da udalbatza, ondoko herriek baino eskubide gutxiago ezin dutela izan argudiatuz. Izan ere, 2017an zonaldeko 40 udalerrik baino gehiagok eman zuen saltoa, eremu ez euskaldunetik mistora. Ordura arte, inguru horretan Lizarra eta Gares ziren salbuespena. Mañerun ere, 2017an herritarrek bozkatu zuten eta garbi utzi zuten beren borondatea: herrian erroldatutakoen erdiak baino gehiagok eremu mistora igarotzearen alde bozkatu zuen, baina Udalean garai hartan zegoen ordezkaritzak ez zuen horretarako bide eman.
Gaur egun, Euskarabideak egindako inkestaren arabera, herritarren bi heren dago zonalde mistora pasatzearen alde Mañerun, eta pausoa ematen saiatuko dira. Herritarren hizkuntza eskubideak hobeto bermatzeko modua dela nabarmendu du Arakamak Euskalerria Irratian.
Nafarroako Parlamentuaren esku
Euskararen Legean aldaketak egiteko, 50 parlamentarietatik 26ren babesa behar da, eta hori dela-eta, PSNren sinadura lortzen saiatu dira hilabete hauetan Geroa Bai, EH Bildu, Ahal Dugu eta Izquierda Ezkerra. Izan ere, PSN edo Navarra Sumaren aldeko botoak beharko ditu proposamenak, aurrera ateratzeko. PSNn, hilabeteak joan eta etorri, “ez ziguten esaten baietz edo ezetz, hitz egiten ari zirela, zalantzak zituztela…”, kontatu du Arakamak, eta azkenean, PSNren sinadura gabe aurkeztu dute eskaera parlamentuan: “Argi geratu zaigu sinatu ez dutela sinatuko, ikusiko dugu bozketan zer egingo duten”.
Parlamentariak irratian azaldu duenez, urtarrilean zehar edo beranduen otsaila hasieran espero dute bozketa egitea, eta printzipioz ez du ikusten PSNk kontra bozkatzeko arrazoirik, “hauteskundeen bueltako arrazoiengatik ez bada”. Euskarari lotutako gaietan, PSNk errealitate soziolinguistikoa aipatu ohi duela eta Mañeruko errealitate soziolinguistikoa garbi dagoela nabarmendu du Arakamak.
Eremu mistoko Osasunbideako zerbitzuetako lanpostuetan euskararen ezagutza meritu gisa baloratu ahal izatearen aurka agertu da Nafarroako Kontseilua azken irizpen batean. Otsailaren 21ean eman zuen argitara. Aldiz, ingelesa, frantsesa eta alemanaren ezagutzak puntuatzen du... [+]
Mañeruko herritarrek, udalbatzak babestuta eta Hordago taldeak deituta, elkarretaratzea egin dute zonifikazioaren aurka. Hamar egun pasatu dira eremu mistoan sartzeko proposamenari atea itxi ziotenetik Navarra Sumak eta PSNk.
Mañeru eremu "ez euskaldunetik" mistora pasatzeko eskaria egin du aho batez udalbatzak urtarrilean, eta horretarako Nafarroako Parlamentuan gehiengoaren babesa behar du. Ostegunean egin dute bozketa, eta bertan behera gelditu da udalbiltzaren nahia PSNek... [+]
Mañeruko Udalean “amorrua” da nagusi, “ez dugu ulertzen PSNren jarrera”, azaldu dio alkateak ARGIAri. PSNk aurreratu du ezetz bozkatuko diola udalerria eremu “ez euskaldunetik mistora" pasatzeari eta beraz, PSN eta Navarra Sumaren... [+]
Herriko udalak berak eskatuta, Geroa Baik, EH Bilduk, Podemosek eta Izquierda-Ezkerrak zonifikazioaren legea eraldatzea proposatu dute Nafarroako Legebiltzarrean. María Chivite eta Javier Esparzaren alderdiek aurka bozkatuko dutela aurreratu zuten, erabakia irmoa ez den... [+]
Eremu “ez euskaldunetik” mistora pasatzea eskatu du Mañeruko udalbatzak eta Nafarroako Parlamentuak eskaera onartu dezan PSN edo Navarra Sumaren aldeko botoak beharko dira –gainerako alderdiek alde bozkatuko dute–, baina horretarako borondaterik ez... [+]
Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]
Urriaren 22an egun osoko egitaraua antolatu dute Errigora, Agerraldia eta Hordago herri ekimenek, euskara ardatz hartuta, baina ostegunean jakinarazi dute udalaren traben erruz ezingo dutela aurreikusitako Deskontrolen kontzertua egin. Halere, 17:30ean Tuterako kaleak hartuko... [+]
12 familiak eskatu dute euskarazko D eredua Larragako San Miguel eskola publikoan, baina Hezkuntza Departamentuaren erantzunik ez dute jaso eta Mendigorriako eskolarekin gertatu zen moduan, errezeloa dute D ereduko eskaintza ez dela garaiz iritsiko aurrematrikulazio garairako... [+]
1986ko Euskararen Legea aldatu eta Nafarroa osoan euskara ofizial egiteko eskaera zuzena egin dio Euskararen Nafar Kontseiluak Nafarroako Gobernuari, irailaren 16an onarturiko adierazpenean. ARGIAk bat egin du adierazpenarekin, IKA euskaltegiak abiarazitako atxikimendu... [+]