Mañeruibarko haur euskaldunak omendu dituzte Euskaltzaindiak eta IKF fundazioak
Atzo eguerdian, Mañeruko herriko plazan egindako ekitaldian, diploma bana eman zieten zortzi eta hamabi urte arteko ibarreko 45 haur euskaldunei. Horretaz gain, Oskar Alegriak umeokin ondutako film laburra estreinatu zuten.
“XX. mendearen hasieran hil ziren ibarreko azken euskaldun zaharrak, baina horri buelta eman diote, eta egun haurren %95 D eredura doaz, euskara betidanik berea izandako lurraldeetako bat berreskuratzen ari da. Hori nabarmentzera eta eskertzera etorri gara, udalekin elkarlanean”, hala laburbildu zuen atzoko ekitaldia Kike Diez de Ultzurrun Iruñeko Komunikabideak Fundazioko kideak. “Haurrei, familiei eta udalei eskerrak eman behar dizkiegu egiten ari direnagatik, indarrean dagoen Euskararen Legeak ez baitie euskaraz ikasteko eskubidea bermatzen”, gaineratu zuen Sagrario Alemanek, Euskaltzaindiaren izenean.
Hiru seme-alabaren guraso Elenak eta Asierrek ibarrean ez aspaldi gertaturikoak ekarri zituzten gogora: “Mañeruko eskola itxi behar izan zuten ez herrian haurrik ez zegoelako baizik eta D eredua ez zutelako eskaini nahi. Ez dute Mañeru eremu mistoan sartu nahi izan, eta gauzak horrela, egun, XXI. mendean, gure seme-alabek eskubide gutxiago dauzkate alboko herrietakoek baino. Garesera joan behar izaten dute eskolara, euskaraz ikasi ahal izateko”. “Gure asmoa da lanean segitzea, gauzak mugitzea, gure herria behingoz eremu mistoan sar dezaten”, hitz eman zuen Mañeruko alkate Itziar Martinezek.
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.
Barañaingo Alaitz institutuko 26 ikasle batxilergoko zerrendatik kanpo gelditu dira, Nafarroako Hezkuntza Sailak gela bat murriztu duelako. Murrizketa salatzeko mobilizazioa egin dute.
Administrazioan Euskaraz taldeak Nafarroako Kontseiluaren jardun euskarafobikoa salatu du ekintza baten bidez. Nafarroako Gobernuak euskarako dekretua prestatzen bost urte eman ondoren, Nafarroako Kontseiluari zirriborroa aurkeztu dio.
Hilaren 29tik aurrera Sortzen Guraso Elkarteak Jauzi.eus bilatzailea martxan jarriko du. Xedea da euskararen normalizazioa bultzatzeko dagoeneko eskaintzen den aisia atari digital bakarrean biltzea.
Euskara galdua zen eremu mistoko eta ez-euskalduneko herrietako familien ahaleginak aitortuko dituzte ekitaldian. Oskar Alegria zinemagilearen bideoak emango dio hasiera ekitaldiari 11:30ean udaletxean.
Erdialdeko Euskal Jaia larunbatean ospatuko da Tafallan egun osoko eta adin guztietarako egitarauarekin, euskarak eta bere kulturak Erriberriko merindadean daukan errotzea erakusteko helburuarekin.
Nastat-ek, Nafarroako Estatistika Institutuak, 2022an egindako ikerketa lanaren emaitzak argitaratu ditu. Euskaldunen proportzioa %15,1ekoa da, euskaldun hartzaileena %11,6koa eta ez-euskaldunena % 73,3koa. Hogei udalerritan euskaldunen proportzioa %80tik gorakoa da.
Ehunka lagun atera ziren ostegun honetako arratsaldean Sarasate Pasealekutik eta manifestazioa egin zuten Iruñeko Udal Plazaraino, eskatzeko udalari hiriko haur eskoletan euskaraz ikasteko eskubidea izatea lehentasunen artean jar dezala. "Haur eskolak euskaraz: eman... [+]
Iruñeko Euskalgintza plataforman bildutako eragileek egin dute deialdia. Hiriburuan dauden hamasei haur eskoletatik batean eskaintzen da euskarazko murgiltze eredua. Iruñeko Udalari eta Nafarroako Gobernuari eskatzen diote auzo bakoitzean murgiltze ereduko haur... [+]
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.