Mañeru eremu ez-euskaldunetik mistora pasatzea galarazteko asmoa dute PSNk eta Navarra Sumak
Herriko udalak berak eskatuta, Geroa Baik, EH Bilduk, Podemosek eta Izquierda-Ezkerrak zonifikazioaren legea eraldatzea proposatu dute Nafarroako Legebiltzarrean. María Chivite eta Javier Esparzaren alderdiek aurka bozkatuko dutela aurreratu zuten, erabakia irmoa ez den arren.
PSNk eta Navarra Sumak euskarari eta Nafarroako herritarren hizkuntza eskubideei beste behin bizkar emango dietela dirudi. Bi alderdiek Foru Parlamentuan adierazi dutena betetzekotan, Izarbeibarren kokatuta dagoen Mañeruko 440 biztanleak izango dira kaltetuak oraingo honetan, dena haien alde badute ere: abenduan, bertako udala bera aho batez izan zen herria zonalde ez-euskaldunetik mistora pasatzeko eskatu zuena, eta Geroa Baik, EH Bilduk, Podemosek eta Izquierda Ezkerrak haren proposamena Foru Legebiltzarreko bozeramaileen batzarrera eraman zuten astelehenean.
Baina bien artean gehiengo absolutua duten Maria Chivite lehendakariaren eta Javier Esparza oposizioko buruaren talde politikoek zonifikazioaren legea eraldatzearen kontra bozkatuko dutela agerian utzi zuten. Halaxe antzeman zen Ramón Alzórriz PSNko bozeramailearen hitzetan: “Momentu honetan ez gaude legea aldatzearen alde”.
Posizionamendua mantenduz gero, PSN Navarra Sumarekin batuko da otsailean izango den osoko bilkuraren bozketan, gehiengo absolutua lortuz eta Mañeruko Udalaren nahia ezerezean utziz. Dena den, UPNk, PPk eta Navarra Sumak osatutako koalizioak ez du Mañeruko Udalaren nahia ahalbidetzea erabat baztertzen. “Printzipioz, ez dugu zonalde mistoa handitzeko asmorik”, adierazi zuen Navarra Sumako Marta Álvarezek.
Alzórrizen ustetan, badaude “egunerokoan eragiten duten kezka” garrantzitsuagoak. Beraz, mañerutarren interesa euskararekiko ez omen da eztabaidagai, hizkuntza-eskubideak gutxitzen zaizkien herrien egoera eztabaidagai ez den era berdinean: “Udalerri batzuek zonalde mistotik ez-mistora pasa nahi dute eta hori ez da kontutan hartzen”. Beste modu batera esanda: dirudienez, ez diete mañeruarrei eskola publikoan euskara ikasteko aukerarik emango edota zerbitzu publikoetan euskaraz mintzatu ahal izateko aukera ukatuko diete, esate baterako, ezta zuzenean haiek eskatuta ere.
Eremu mistoko Osasunbideako zerbitzuetako lanpostuetan euskararen ezagutza meritu gisa baloratu ahal izatearen aurka agertu da Nafarroako Kontseilua azken irizpen batean. Otsailaren 21ean eman zuen argitara. Aldiz, ingelesa, frantsesa eta alemanaren ezagutzak puntuatzen du... [+]
Mañeruko herritarrek, udalbatzak babestuta eta Hordago taldeak deituta, elkarretaratzea egin dute zonifikazioaren aurka. Hamar egun pasatu dira eremu mistoan sartzeko proposamenari atea itxi ziotenetik Navarra Sumak eta PSNk.
Mañeru eremu "ez euskaldunetik" mistora pasatzeko eskaria egin du aho batez udalbatzak urtarrilean, eta horretarako Nafarroako Parlamentuan gehiengoaren babesa behar du. Ostegunean egin dute bozketa, eta bertan behera gelditu da udalbiltzaren nahia PSNek... [+]
Mañeruko Udalean “amorrua” da nagusi, “ez dugu ulertzen PSNren jarrera”, azaldu dio alkateak ARGIAri. PSNk aurreratu du ezetz bozkatuko diola udalerria eremu “ez euskaldunetik mistora" pasatzeari eta beraz, PSN eta Navarra Sumaren... [+]
Eremu “ez euskaldunetik” mistora pasatzea eskatu du Mañeruko udalbatzak eta Nafarroako Parlamentuak eskaera onartu dezan PSN edo Navarra Sumaren aldeko botoak beharko dira –gainerako alderdiek alde bozkatuko dute–, baina horretarako borondaterik ez... [+]
Mañeruko bizilagunen nahiarekin bat egin zuen aho batez udalbatzak apirilean: eremu "ez euskaldunetik" mistora pasatzea. Eskaera onartu ala ez hilabete honetan bozkatuko du Nafarroako Parlamentuak, eta PSNren botoak erabakigarriak izango dira.
Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]
Urriaren 22an egun osoko egitaraua antolatu dute Errigora, Agerraldia eta Hordago herri ekimenek, euskara ardatz hartuta, baina ostegunean jakinarazi dute udalaren traben erruz ezingo dutela aurreikusitako Deskontrolen kontzertua egin. Halere, 17:30ean Tuterako kaleak hartuko... [+]
12 familiak eskatu dute euskarazko D eredua Larragako San Miguel eskola publikoan, baina Hezkuntza Departamentuaren erantzunik ez dute jaso eta Mendigorriako eskolarekin gertatu zen moduan, errezeloa dute D ereduko eskaintza ez dela garaiz iritsiko aurrematrikulazio garairako... [+]
1986ko Euskararen Legea aldatu eta Nafarroa osoan euskara ofizial egiteko eskaera zuzena egin dio Euskararen Nafar Kontseiluak Nafarroako Gobernuari, irailaren 16an onarturiko adierazpenean. ARGIAk bat egin du adierazpenarekin, IKA euskaltegiak abiarazitako atxikimendu... [+]