Mamiki Emakumeon Konpartsak aurten ez du txosnarik muntatuko Bilboko Aste Nagusian
Aurrera jarraitzeko "egiturazko arazoak" aipatu dituzte erabakia hartzeko arrazoien artean, errelebo falta kasu. Talde prozesu baten ondotik eta 43 urteren ostean, erabaki dute aurten txosnarik ez muntatzea. Erabakiarekin desadostasunean dagoenik bada ordea, eta konpartsari jarraipena eman asmoz Mamiki Berria sortu dute.
Asteazkenean publiko egindako oharraren bidez, Mamiki konpartsa feministak aurten txosnarik jarriko ez duela jakinarazi du. Zintzotasunez, adierazi dute "une nahiko delikatuan" daudela eta ondorioz hainbat erabaki hartzera behartuak ikusi direla, aurten txosnarik ez muntatzea izanik erabakiotako bat.
Duela urte batzuetatik arrastaka zekartzaten egiturazko arazoak aipatu dituzte erabakia hartzeko arrazoien artean, "jarduera guztia dinamizatzeko eta artatzeko errelebo konprometituaren" falta, besteak beste. "Talde eragilean gutxi gaude, ez dugu denera iristeko indarrik eta ez dago erantzunik guk gure mamiki-unibertsoa deitzen diogunaren aldetik", diote. Azaldu dutenez, etengabeko ahalegina egin dute emakumeak Mamikiko konpartsakide izatera animatzeko, baina nahi luketen arrakastarik gabe. "Konpartsa dinamika proaktiboagoa eraikitzen saiatu gara, eta zikloa duintasunez ixteko azken ahaleginean, 43 urteko bizitzaren ondoren Mamikik merezi duen bezala, azken unera arte hainbat ate jo ditugu nahi genuen emaitza lortu gabe", irakur daiteke argitara emandako idatzian.
Hala bada, "horretarako hauspo nahikorik" ez dagoela iritzirik, aurtengo Aste Nagusian txosnarik ez muntatzea erabaki dute. Azpimarratu dute erabakia talde prozesu baten emaitza dela, eta baduela azken bileran bildu ziren konpartsakideen bermea. "Bertan, azken bost urteetako prozesua zehatz-mehatz azaldu genuen, eta argi geratu zen ziklo baten amaieraren aurrean gaudela, konpartsaren proiektuari agur esateko atarian".
Mamiki Berria
Mamiki Konpartsaren balizko itxieraren zurrumurrua airean ibili da azken egunotan, eta ondorioz jazotako zenbait erantzunen gainean mintzatu nahi izan dira konpartsakideak. Albisteak "etorkizunari beste modu batera begiratu nahi diotela diruditen emakumeen 'ekintza' batzuk" eragin dituela aipatu dute, argi uzteko beraiek ez dituztela partekatzen "ez formetan, ezta edukian ere". Beren hitzetan, "ez dute zerikusirik sororitatearekin edota Mamikik aldarrikatzen dugun praktika feministarekin. Hala ere, ekintza horiek modu eraikitzailean eta barne mailan baloratu eta konpondu behar ditugulakoan gaude".
Pentsatzekoa denez, Mamiki Berria-ri egiten diote erreferentzia; "Mamikiko hainbat emakumez osatuko talde berregituratu" gisa aurkeztu dira, eta aste honetan atera dute manifestua, Mamiki Konpartsari eusteko asmoa agertuz. Bertan diotenez, txosna ez muntatzeko erabakia ez da hartu Mamiki osatzen duten guztiekin, eta Mamiki Berriak "egitasmoa zabaltzen saiatu" eta "orain arte guretzat gune seguru hau izan dena" berrantolatu nahi du. Asmo hori buruan, sinadurak biltzen ari dira, konpartsaren etorkizunari pultsua hartu eta bere bideragarritasuna ezagutzeko asmoz.
1979an sortu zen Mamiki Emakumeon Konpartsa, Aste Nagusian eta jai ereduan begirada feminista txartatzeko. Ordutik BEA Bizkaiko Emakumeen Asanbladak sostengatu du proiektua, 43 urteko ibilbidea eginez.
Palestinarekin Elkartasuna ekimenak antolatu du Aste Nagusian Israel borrokatu lelopean. Bilboko Aste Nagusiaren bezperan, ostiralean, 19:00etan, egingo dute mobilizazioa.
2024ko Aste Nagusiko Txupinera eta Pregoilaria nortzuk izango diren iragarri du, gaur arrastian, Bilboko Jai Batzorde mistoak. Nagore Ugarte eta Itziar Ituño izango dira, hurrenez hurren, aurtengo Txupinera eta Pregoilaria.
Azken asteetan txosnen harira eztabaidaren erdian egon diren Mugimendu Sozialistako eragileek –Gasteizko GKS eta Etxebizitza Sindikatuak, eta Bilboko Luberri konpartsak– prentsaurreko bateratua eman dute ostegun goizean Gasteizen. Nahiz eta ukatu egin dituzten... [+]
Lehengo astean Gasteizko Txosna Batzordeak egin bezala, Bilboko Konpartsen federazioak ere erantzun egin dio duela bi aste 150 kulturgilek sinatutako manifestuari. Bertan, Bilboko Konpartsetan eta Gasteizko Txosna Batzordean Mugimendu Sozialistari parte hartzen uzteko publikoki... [+]
Luberri Konpartsak salatu du Mugimendu Sozialistarekin duen harremanagatik debekatu diola Bilboko Konpartsen Federakundeak parte hartzea, eta dei egin dio "erabakia birpentsatu" dezan. Ezker Abertzalea seinalatu dute ezarritako debekuaren "erantzule politiko"... [+]
Elkarlan Uholdea kanpainaren ekitaldi nagusia egin dute larunbatean. Elkarlanari eustera deitu dute, Lurraren beroketaren ondorioz ugaritu litezkeen muturreko klima gertakarien aurrean.
Iazko jaietatik %50 bat igo dira atxiloketak, eta Bilboko alkateak “poliziaren presentzia handiarengatik” dela dio. Konpartsek polizia indarkeriaren ondorioz egindako salaketaren inguruan, Juan Mari Aburtok adierazi du ez duela haiekin hortaz hitz egin behar.
Udaletxearekin duten harremana guztiz aldatu dela eta iaz ez bezala, "konpartsen festa ereduaren aurkako erasoak" jasan dituztela salatu dute. Besteen artean, manteroen aurkako erasoak, propaganda politikoa kentzea eta kalez jantzitako polizien mehatxuak salatu... [+]
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Urteroko erantzukizunei aurre egiteko erreleboaren faltan, Bilboko Mamiki Konpartsa Feministak erabaki du 43 urteko ibilbideari amaiera ematea. Mamikik utziko duen hutsunea betetzeko asmoa duenik bada, konpartsa feminista berri bat sortzeko eraikuntza prozesua abiatu baitu... [+]
Dignidad y Justicia elkarteak jarritako salaketa tramiterako onartu du Ismael Moreno epaileak, eta konpartsaren jarduna ikertzea eskatu dio Espainiako Poliziari, Bilboko Aste Nagusian "terrorismoa goretsi" ote duen ebazteko.
Emakume batek salaketa jarri du, asteartean Bilbotik abiatutako tren batean ondoezik eta goizaldean gertatutakoa gogoratu ezinik esnatu ostean. Medikuen behaketak sexu erasoaren hipotesia indartu du, eta gertatutakoa ikertzen ari da Ertzaintza. Jaiak hasi zirenetik erasoak... [+]
Bilboko mugimendu feministak agerraldia egin du asteartean, Aste Nagusiko lehen egunean gauzatutako manifestazio feministaren aurka egindako eraso matxistak salatzeko. Gertakariek, kikildu ordez, borrokan berretsi dituztela adierazi dute. Autodefentsa feministaren aldarria... [+]