‘Mami Lebrun’ antzezlanak irabazi du Donostia Antzerki saria
Xake Produkzioak taldearen Mami Lebrun antzezlanak irabazi du Donostia Antzerki saria, urtero Donostiako Udaleko Euskara Zerbitzuak eta Donostia Kulturak euskarazko antzezlan bati egiten dioten aitortza.
Konpainiaren lehenbiziko antzezlana da Mami Lebrun eta memoria, heriotza eta iraganari buruzko gogoeta bat eskaintzen du: Egoitz eta Miren amona Kontxa hil berriaren omenaldia prestatzen ari dira. Amonaren etxeko ganbaran aurkitutako eguneroko batzuetan oinarrituko dira Kontxak gaztetan Parisen bizitako istorio bat kontatzeko.
Kepa Errasti aktoreak Harrobia Eskenaren bideo honetan azaldu zituen obrari buruzko xehetasunak.
Sariaren epaimahaiak nabarmendu du "indar eta sormen handiko lana" dela Mami Lebrun, "ikuslea hunkitzea lortzen du. Horrez gain, elementu asko uztartzen asmatu dute: dantza, musika, umorea, hunkigarritasuna, hurbiltasuna…".
12.000 euroko saria jasoko dute Xake konpainiako kideek eta, horrez gain, Victoria Eugenia antzokian antzezlana jokatzeko aukera izango dute martxoaren 27an, saria jasoko duten egunean bertan-
Francoren bilobari gutuna antzezlanari eman diote Donostia antzerki saria.
Ados antzerki konpainiaren Maitasunaren ostean, maitasuna antzezlanak irabazi du 2016ko Donostia Antzerki saria.
Astearte eguerdian jakinarazi dutenez, Dejabu antzerki taldearen Arrastoak obrak irabazi du aurtengo Donostia Antzerki Saria.
Txalo konpainiaren 100 metro karratu antzezlana ostegunetik igandera bitartean izango da ikusgai Donostiako Antzoki Zaharrean, 20:00etan.
Nazioarteko Antzerki Eguna da gaur eta ez efemeridearekin bat eginez Dario Fok prestatu duen testua euskaratu du Iñaki Iñurrietak. Bestalde, aurten Donostia Antzerki Saria irabazi duen Publikoari gorroto eskainiko dute Victoria Eugenia antzokian. Biak gomendatzen... [+]
Publikoari gorroto antzezlanak irabazi du Donostia Antzerki Sariaren 13. edizioa. 1985. urtean Xabier Mendiguren Elizegik idatzitako obra Huts Teatroa antzerki taldeak antzeztu du azken hilabeteetan.
Donostiako Euskararen Patronatuak euskarazko antzerki profesionala bultzatzeko antolatzen duen Donostia Antzerki Saria Antzerkiola Imaginarioa taldearen Yuri Sam lanak irabazi du aurten. Epaimahaikideek lanaren "ausardia" eta "originaltasuna" azpimarratu dute. Bosgarren edizio honen... [+]