Mamarru Fest-a: feminismotik oholtzak eta kontzientziak astintzera
Hiru eguneko jaialdia antolatu dute Errekaleor auzo okupatuan maiatzerako. Oholtzak ez ezik jaialdi eredua bera irauli nahi du Mamarru Fest-ak. Otsailaren 1eko larunbatean aurkezpen jaialdia egingo dute Gasteizko Gaztetxean.
Musikarekin harremana duten Gasteizko hainbat emakumek* Mamarru Fest-a jaialdia aurkeztu dute Gasteizko Gaztetxean. Mamarruak euskal mitologiako izaki “txiki eta bihurriak” dira, eta haiekin lotu dituzte “identitate disidente eta zapalduak: Mamarratxak, transak, bollerak, subiditak, putikornioak, barriobajerak…”.Maiatzaren 8, 9 eta 10ean ospatuko da, Gasteizko Errekaleor auzo okupatuan. Hiru egunez, ohiko musika jaialdi eredua irauli nahi dute, hainbat zentzutan.
Batetik, oholtza eraldatuko dute: “Zis gizonak ikusten ditugu oholtzan. Botere harremanen bitartez, oholtzara igotzeko behar den ahalduntzea, segurtasuna eta ausardia gutxi batzuen esku egon da. Nazkatuta gaude. Orain arte isilik egon gara, beste batzuen showa ikusten, baina hori amaitu da”. Horretarako, “zis gizonen” aurrean “bestelako subjektuei” egingo diete lekua oholtzan.
Oholtzatik harago
Baina helburua jaialdiaren espazio eta modu guztiak iraultzea da, ez oholtza soilik. Kontsumoari arreta berezia eskaini diote. Drogak “desmobilizazio estrategia baten baitan” ulertzen dituzte. “Desfasea” ekidin nahian, “edari fermentatuak edota etxekoak” soilik salduko dira, eta, hala ere giro desegokia sortzekotan, barra itxiko dute. Gune itxiak espaziorik gabekoak bihurtzeko pertsona guztien kolaborazioa eskatu dute, eta bestelako drogen kontsumoari dagokionez, egitekotan “kontzienteki” kontsumitzeko deia egin dute.
“Jaten duguna gara” diote jaialdiaren antolatzaileek. Horregatik saiatuko dira produktu guztiak “bertakoak edo birziklaturikoak” izan daitezen. “Euskaraz hitz egitera” gonbidatu dituzte bertaratuko direnak, eta edozein motako erasoen aurrean protokolo ezberdinak martxan jarriko dituztela azaldu dute.
Aurkezpen jaialdia Gaztetxean
Otsailaren 1ean egingo dute Mamarru Fest-aren aurkezpen jaialdia Gasteizko Gaztetxean. Arratsaldeko 18:00etan hasita hitzaldia, kontzertuak, DJ-ak eta afaltzeko jakiak eskainiko dituzte, eta egun horretan aktibatuko dute jaialdiaren web orria (mamarrufesta@riseup.net).
Kalearen eszena irudiz beterik dagoen leku bat bezala agertzen zaigu, hitz eta irudiz osaturik, informazio, iragarpen, publizitate eta mezuekin batera paseatzen baitugu egunero eta uneoro. Kalea euskarri fisiko boteretsua izanik, ikusezko kulturaren sustatzaile izateko, eta... [+]
Euskara hutseko liburu eta disko azoka euskaraz “normalki, lasaiki eta naturalki” bizitzeko gunea bilakatu da. Urtez urte ekitaldiak aurrera egiten du eta euskaltzaleentzat ekitaldi garrantzitsuenetako bat bihurtu da, azokaren antolatzaileek nabarmendu dutenez... [+]
Ziburuko Euskal Liburu eta Diskoen Azoka iragan da ekainaren 1ean, 40 bat argitaletxe eta diskoetxe eta milaz gora bisitari elkartuz herriko plazan. Euskara ala ezkara lelotzat zeukan bosgarren edizio horren balorapen baikorra egin dute antolatzaileek: jendetza bertaratu da,... [+]
Ziburuko Euskal Liburu eta Diskoen Azoka iragan da ekainaren 1ean, 40 bat argitaletxe eta diskoetxe eta milaz gora bisitari elkartuz herriko plazan. Euskara ala ezkara lelotzat zeukan bosgarren edizio horren balorapen baikorra egin dute antolatzaileek: jendetza bertaratu da,... [+]
Berrogei argitaletxe eta diskoetxe, horietarik bederatzi berri, eta 120 salmahai bosgarren Ziburuko liburu eta disko azokan. Ekainaren lehenean ospatuko dute Baltsan elkarteak eta Argia hedabideak
Argitaletxeez gain, diskoetxeak egonen dira Ziburuko Azokaren baitan. Horietariko batzuen sorkuntzak zuzenean deskubritzeko parada izanen da aurtengoan ere azoka.
Urtean bertan argitaratutako lanak izaten dira protagonista Ziburuko Euskarazko Liburu eta Disko Azokan. 2024an argitaratu eta Ziburuko azokara eramango dituzten liburu eta diskoen zerrenda iragarri dute bertan egongo diren 33 liburu-argitaletxe eta 3 diskoetxeek. Era guztietako... [+]
Elkarrizketa bat papereratzerakoan galtzen dira isilune eta esku keinuak. Pena da. Daniel Landart entzuten ari zela gogoeta hori zeukan kazetariak, eta gauza bera pentsatzen zukeen argazkilariak ere, ikusirik ondoko egunean esku keinuen argazki andana bidali ziola kazetariari... [+]
Aurtengo Ziburuko Euskal Liburu eta Diska Azokaren aurkezpenean, irakurketa hau plazaratu dute antolatzaile diren Baltsan elkarteak eta ARGIAk. Baltsan elkartean, maiatzaren 7an.