Makroproiektu suntsitzaileen kontrako topaketak eginen dituzte otsailaren 25ean Ziordian
Manifestazio garrantzitsuak dituzte antolaturik dinamikaren oinarrian diren eragile eta herritarrek: apirilaren 22an Iruñean eta maiatzaren 20an Gasteizen.
"Lurraldearen defentsan indarrak biltzeko" eta "mobilizazio indartsuagoak egiteko" asmoz finkatu dute otsailaren 25eko hitzordua Ziordian. Euskal Herrian abiaturiko edota abiatzekotan diren makroproiektuen aurkako dinamikaz hausnartzeko batzarra antolatzen ari dira hainbat eragile (besteak beste, Arabako Mendiak Aske plataforma eta Erdiz Bizirik).
Ondokoa irakurri dezakegu hitzordurako deialdian: "Ekimen hau Euskal Herriko hainbat txokotako pertsona eta taldeen arteko elkarlana eta indar-batuketa sustatzeko helduleku bat izatea proposatzen dute, proiektu horiek gelditzeko herriz herri egiten ari diren borrokei mobilizazio dinamika orokor batez bultzada berri bat emateko". AHTa, urtegiak, meategiak, autopistak, "energia berdearen" izenean garaturiko parke eolikoak zein autopista elektrikoa... Euskal Herrian diren makroproiektuen zerrenda luzea eta askotarikoa da.
Ziordiako Amarauna Gune Autogestionatuan izango da batzarra, 11:00etatik aitzina.
Eragiteko asmoz, bi manifestazio garrantzitsu dituzte aurreikusirik: apirilaren 22an Iruñean eta maiatzaren 20an Gasteizen.
Erdiz Bizirik-en solasaldiak ezker-eskuin
Iruñean iraganen den manifestaziorako giroa berotzeko solasaldiak antolatu nahi ditu Erdiz Bizirik kolektiboak. Apirilaren 22a Landa Eremuaren Nazioarteko Eguna da, eta landa eremutik hirira abiatuko dira, Magna Magnesitas Navarra enpresak Baztango Erdizen nahiko lukeen meategiaren aurkako ahotsa entzunarazteko, baita "Nafarroako Gobernuaren zitalkeria" salatzeko ere.
Otsailaren 23tik apirilaren 5era eramanen dute informazio-kanpaina eta hitzaldi bat antolatu nahi duen oro jar daiteke Erdiz Bizirik taldearekin harremanean.
Lehengai anitzekin papera egitea dute urteroko erronka Tolosako Lanbide Heziketako Paper Eskolako ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota eskoletan kiloka pilatzen den... [+]
Egungo Venezia 118 uhartez osaturiko artxipelago baten gainean eraikita dago. Uharte horiek 455 zubik elkar lotzen dituzte. Lura baino lokatza du oinarri hiriak. Inguruetako milioika zuhaitz mozteari ekin zioten IX. mendetik aurrera, piloteak eraiki eta hiria zimendatzeko... [+]
Alemanian zentral nuklearren itxierak izan duen “eragin negatiboa” kontuan izateko eskatu dio erakunde horretako buru Fatih Birolek Pedro Sánchezen exekutiboari. Iberdrola, Naturgy eta Endesa multinazional elektrikoak ere presio egiten ari dira itxiera egutegia... [+]
EAEn, energia berriztagarriko instalazioak non jarri daitezkeen biltzen du Energia Berriztagarrien Lurralde Plan Sektorialak (LPS). Plana osatuta dago, eta laster onartuko dute. Alabaina, zenbait adituk hutsuneak dituela ohartarazi dute, tartean, Gorbeialdeko Herri... [+]
Euskal Herriko Agintaritzaren Aldizkariaren bidez ezagutarazi da Cañaveras Solar enpresak egingo duela zentrala. Cañaveras Solar enpresaren zuzendaria Rafael Benjumea da, oligarkiako Benjumea familiako kidea. 15 milioi eurotik gorako kostua izango du proiektuak... [+]
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Komunitateari buruzko artikulu segida honekin hasi nintzenean, Antoine eta Antoine zeuden etxean, gazta-ganbara hutsik zegoen, hiltegirako bueltak asterokoak ziren eta hiru egunetik behin egiten genuen gazta. Hau idazten hasi naizenerako, Picardieko lagunak jaioterrira joan... [+]
Nekazariarentzat baratzea eragozpena besterik ez da. Egungo makina bat nekazari “aurreratuk” horrela pentsatzen du. Bere lanean ez dute baratzerik behar, ezta oilategirik, ezta sagarrondorik, ezta erlauntzarik ere.
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]
Sugea entzun eta leku lehor bat etorriko zaio burura askori, narrastiek beroa behar dutela ondo barneratua baitu gizakiak. Suge guztiak ez dira berdinak, ordea; denek ez dituzte baldintza berak gustuko, eta horri esker dago, besteak beste, dagoen dibertsitatea. Bakoitzak bere... [+]
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.
Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]