Makroetxaldeen aurkako Plataformak Caparrosoko behitegiko araztegiaren proiektua errefusatu du
Bi errekurtso aurkeztu ditu Ingurumen Sailaren hainbat ebazpenen aurka; Lorea Flores Greenpeaceko koordinatzailea eta plataformako kidearekin mintzatu gara.
Gaur, Ingurumenaren Nazioarteko Egunean, elkarretaratzea egin dute Makroetxaldeen aurkako Nafarroako Plataformako kideek Valle de Odieta Caparrosoko enpresaren asmo berriak salatzeko. Plataformak legea betetzen dela bermatzeko eskatu dio Foru Gobernuari, eta "abeltzaintza eredu tradizionalak" defendatu dituzte, hau da, "ustiategi txikiak, batez ere ekologikoan eta estentsiboan, lurraldeari lotutakoak eta erakundeek bultzatutakoak". Izan ere, Caparrosoko behitegian araztegi baten proiektua eta hondakin-urentzat proposatutako irtenbidea gaitzetsi dute; biek ala biek “ingurumena kaltetzen dute” eta Europa mailako gidalerroak ez dituzte betetzen. Bi gora jotzeko errekurtso aurkeztu dituzte Ingurumen Sailaren hainbat ebazpenen aurka.
Lorea Floresek adierazi duenez, “eskuragarri dauden teknika hoberenak aplikatuko dituztela diote, baina Europa mailan badaude gidaliburuak eta proiektu honetan erabiliko direnak ez erabiltzea gomendatzen dute”. Proiektu honek “ez du ziurtatuko benetan ureztatzeko kalitate aski izango duen urik sortzea” eta bestalde, plataformak salatu duenez, “izugarrizko kostua dauka” eta “ingurumenari kalte egiten dio”. Era berean, Caparrosoko enpresak ustiategia handitzeko asmoak dituela kritikatu du plataformak, “850 behietan dago gehienezko kopurua eta dagoeneko gainditzen dute”.
Nafarroako Parlamentuak otsailean onartu zuen Nafarroako Animalien Osasunari buruzko Foru Legea aldatzeko eta makroetxaldeei animalia muga jartzeko proposamena aintzat hartzea. Dekretu horren arabera, behi-haztegiak antolatzeko oinarrizko arauak ezarri zituzten, baita gehienezko ekoizpen-ahalmenari dagokionez ere, 850 behin kopuruan ezarri zutelarik. Hala ere, Errege Dekretua indarrean sartu aurretik muga hori gainditzen zuten ustiategiek beren ekoizpen-bolumenari eutsi ahal izango ziotela iragarri zuten, baina inola ere ez handitu. Lorea Floresek salatu duenez, “legez kontra” doa behitegiaren proposamena eta “enpresa honek beti horrela jokatu izan du, lehenbizi handitu, eta ondoren, baimena eskatu”.
Plataformak azaldu duenez, makroetxabearen jabeak, “lau proiektu zatikatu aurkeztu ditu instalazioak handitzea errazteko”; "7.900 behi ugaltzaile, urtebetetik beherako 2.172 txahal eta 1.300 bigantxa lortzeko, guztira 11.372 abelburu". Proiektuak banaka erregistratzean “baliabide naturalen gaineko inpaktu metatzaile eta sinergikoen gutxiespena" dagoela berretsi dute. Hartara, Ingurumen Sailari "tramitazioa gelditzeko, ingurumenaren gaineko eraginaren azterketa bateratua egiteko eta azterlan hori jendaurrean jartzeko” eskatu diote.
Artikoari begira jarri eta XXI. mendeko erronka eta arazo handienez hitz egiten bukatzen dugu aski fite: geopolitika, edo hobeki erran gerlak eta klima larrialdia. Horretaz kontziente, Artikoko Batzarraren baitan egin ahala eraikitzaile eta bakezale izateko jarrera izan dute... [+]
Orain dela hogei bat urte izandako mehatxuak datoz Gipuzkoako mendietara berriro ere, eta ez nolanahiko neurrian, gainera; tamaina eta kantitate handiagoan baizik. Proiektuok –bakarren bat jadanik eraikia; Zubietako erraustegia, kasu– landa-eremuan edota mendian dute... [+]
Bi urte igaro dira Espainiako Estatuan funtsa sortzeko legea onartu zutela, baina Pedro Sánchezen gobernuak oraindik ez du araudirik garatu eta ez du aurrekonturik funtsa diruz hornitzeko. Espainiako Kongresuan talde politiko guztiek aho batez eskatu diote, berriz ere,... [+]
1979an istripu nuklear larria gertatu zen Pennsylvaniako (AEB) Three Mile Island zentral nuklearreko unitateetako batean. Bestea, 2019an itxi zutena, berriz jarriko dute martxan, Microsoften adimen artifizialaren energia behar handiak asetzeko.
Hemen gatoz, atzera ere, hausnarra berritzera. Edo behintzat saiatzera. Edo horrekin amestera. Ez dakit, ordea, berritik zer izango dugun; izan ere, antza, munduak lehengo lepotik burua jarraitzen du. Barkatu okerra: gizakiok jarraitzen dugu lehengo lepotik.
A ze fauna! atalaren lehen denboraldian, olatuz-olatu hainbat itsas izaki aurkeztu dizkizuet txoko honen traineruko kareletik. Ordea, bigarren denboraldiko nire lehen artikulua lagun bati gorazarre egin eta bere lanaren garrantzia azpimarratzeko erabili nahi dut:... [+]
2014an sortu zuten Birika Permakultura proiektua Leioako lursail okupatu batean. Jurgi Uriarte Idiazabalek eta beste bi kidek jarri zuten martxan egitasmoa. “Lursail hartatik bota egin gintuzten gerora, aparkalekua egin behar zutelako, eta, etenaldi baten ondoren, bakarrik... [+]
Jakoba Errekondok Ilargia eta landareak 2025eko agenda eskutan, ilargiaren arabera baratzeko lanak nola antolatu azalduko du eta entzuleen galderak zuzenean erantzungo ditu. Antton Olariagak argitalpen horretarako egin dituen hamabi piztiren ilustrazioak erakutsiko ditu eta... [+]
Euskal Herriaren zatirik handiena klima zonalde epelean kokatuta egon arren, Arabako eta Nafarroako hegoaldean ez ezik, edonora hedatzen dira udako bero bolada latzak. Eta, dirudienez, klima aldaketarekin okerrera eginen du egoerak –edo egiten ari da, honezkero?–... [+]
Plastikoan bilduta saltzen dizkigute zuritutako sagarra, mandarina, ahuakatea eta abar. Eta ez gaitu lotsagorritzen.
2016tik 2023ra bitartean, Pastguren paper-fabrika izandakoa erraustegi modura erabili zuen Glefaranek, elektrizitatea ekoizteko. Zazpi urte horietan zehar, errauts-partikulen isurketa-mugak urratu zituen, eta "gizakien eta ingurugiroaren osasuna arriskuan jarri" zuen... [+]
Ameriketako Estatu Batuen ipar ekialdean azken urteotan maila handiko fenomeno batek eragin garrantzitsua izan du osasun publikoan, eta basa animalien osasunaren garrantzia oroitarazten du. Argitaratu berri den ikerketa baten arabera, gertaera hori eta sortu dituen ondorioak... [+]