Gaubeako tomate makronegutegiak ez duela agindutakoa beteko salatu dute
Diru publikotik 1,1 milioi euro jaso dituen proiektuak hainbat aldaketa garrantzitsu izan dituela eta, jasotako diru-laguntzak itzuli beharko lituzkeela ziurtatu du Elikadura Iraunkorraren Aldeko Mugimenduak.
Gaubeako (Araba) proiektuaren helburua tomatea urte osoan ekoiztea da, eta urtean hilabete askotan gas-erregailu batzuen bidez berotuko lirateke instalazioak. Hainbat urtez proiektua aurrera eramaten saiatu ondoren, 2021ean hasi ziren lehen faseko obrak eta 2022ko ekainean tomatea landatzen hasteko asmoa zegoen. Ekainaren 15ean ordea, Radio Vitoriak proiektuaren hainbat aldaketa garrantzitsuren berri eman zuen. Horren harira Elikadura Iraunkorraren Aldeko Mugimenduak prentsa-agiria argitaratu du.
Hainbat dira iragarritako aldaketak. Lehenik, 6 eta 12 hilabete artean atzeratzea negutegiaren irekiera, edo ez irekitzea argiaren, gasaren eta uraren prezio altuagatik. Bigarrenik, tomatea biltegiratzeko eta paketatzeko lanak Irunera eramatea. Azkenik, soldaten eta lan baldintzen okerragotzea.
Elikadura Iraunkorraren Aldeko Mugimenduak salatu du proiektuak eskualdeko biztanleen artean desengainu eta ezinegon handia sortu duela, enpresariak eta erakundeek agindutako lan duina lortzeko aukera desagertzen ari dela ikusita. Gaineratu du makronegutegia ez dela inoiz proiektu ona izan udalerriko langabeziari aurre egiteko: alde batetik, gazteentzako lanpostuak eskaintzen zituelako “kontuan hartu gabe Gaubean langabeen % 56k 45 urte baino gehiago dituela”; bestetik, enpresak eskatzen zuen ikastaroa egiteak ez zuelako ziurtatzen ikasturtea amaitzean kontratatua izatea.
Proiektuak 150 enplegu sortuko zituela esan zuten bere sustatzaileek. Mugimenduaren arabera, hori lortu ezean edo orduko 14 euroko soldata ordaindu ezean, erakundeek enpresari eskatu beharko dizkiote emandako diru-laguntzak bueltatzea. Adierazi du erakundeek “energetikoki jasangarriagoak diren nekazaritza eta abeltzaintza ereduetarako” gorde beharko luketela diru hori, eta gaineratu du Gaubean eta bere eskualdean enplegua sortzea landa-garapeneko beste eredu batean oinarritu beharko litzatekeela.
Abenduaren 16an Mendigorriako Biomendi txerri granja eta biometanizazio instalakuntzan elkarretaratzea egin du Nafarroako Makroetxaldeen Aurkako Plataformak. Bertan salatu du Biomendin 2022an 80.000 tona hondakin industrial-organiko tratatu zituztela, soilik 33.000 tonarentzako... [+]
Noaingo Zentzumenen parkean egingo da. Nafarroako elikagai ekologikoen merkatu handiena da; gune gastronomikoa, jarduerak, haurrentzako gunea eta gehiago eskainiko dute.
Ukrainako gerra egonda ere, Errusia eta Ukrainako Gobernuek hitzartuta zeukaten laboreen esportazioa ahalbidetuko zutela, 2022ko uztailetik. Astelehenean Vladimir Putinek erabaki du ez luzatzea, arrazoituta NBE ez zela betetzen ari adostutakoa.
Etorkizuna dirudiena gertatzear da: Donostian, Zubietako Eskusaitzeta industrialdean, haragi sintetikoen fabrika bat eraikitzen ari da BioTech Foods enpresa. Munduko laugarren laborategia izango da Eskusaitzetakoa, oraindik Europan salmenta debekatuta dagoen bitartean. Zelula... [+]
Eskusaitzeta industriagunean BioTech Foods enpresa eraikitzen ari den haragi sintetikoen laborategi erraldoiaren aurrean elkarretaratzea egin du EHNE sindikatuak, makroproiektua salatzeko. Garikoitz Nazabal EHNEko lehendakariak salatu du “isiltasunean eta gezurrean”... [+]
Gaubean ireki berri duten makro-negutegian lan baldintza "basatiak" salatu dituzte, eta kontratazio politikan hitzemandakoa ez betetzea. Arabako Alea-k tomate hidroponikoen plantan lan egin duten hainbat langilerekin hitz egin du.
Elikagaiak alferrik galtzea prebenitzeko legea eztabaidatuko dute Espainiako Diputatuen Kongresuan. Besteak beste, jatetxeak behartuta egongo dira bezeroei ematera jaten ez dituzten elikagaiak, eta zigorra jaso dezakete zerbitzu hori eskaini ezean.
2020-2022 urteen artean mundu osoko hamabost herrialdetako formula-esneen oharrak aztertuta, ondorioztatu dute baieztapen gehienek ez dutela hura babesten duen erreferentzia zientifikorik, eta, badutenetan ere, ez dela nahikoa sendoa.
Abenduan egin zuen eskaera Nafarroako kooperatibak, Espainiako Ministroen Kontseiluak behi-etxaldeei buruzko dekretu berria atera baino ia hilabete lehenago. Nafarroako Gobernuak, dena den, datorren maiatzera arte etxaldeak ez handitzeko moratoria onartuta du joan den... [+]
Hori da Sustrai Erakuntza elkarteak adierazten duena, larunbat eguerdirako Makroetxaldeen aurkako Nafarroako Plataformak eta hainbat taldek antolatu duten manifestazioaren atarian. Sarasate Pasealekutik abiatuko da 12:00etan, Stop agro-abeltzaintza industrialari. Elikadura... [+]
Aurreikusitakoa baino gutxiago jaitsi da Kontsumorako Prezioen Indizea Hego Euskal Herrian: %10,5ekoa izan da abuztuan eta bizitzaren garestitzeak ez du etenik. Haragia, ogia, zerealak, esnea, gazta eta arrautzak bereziki garestitu dira.
Gozoki gogorrak ekoizten eta produktu berriak egiteko esperimentatzen bi urte eman eta gero, 1922an, Hans Riegel gozogin alemaniarrak gozoki bigunak egitea lortu zuen.
Pandemiak iraun duen bi urteotan, beste 573 mega-aberatsek milaka milioi euroko fortuna egin dute munduan. Alegia, 30 orduro, pertsona aberats batek gainditu du mila milioi euroko langa esanguratsua. Aldiz, urtea amaitzerako 263 milioi pertsona gehiago biziko da muturreko... [+]
Hilaren 30ean ingurumenaren defentsan aritzen diren Nafarroako hamalau elkartek Caparrosoko Valle de Odieta makroetxaldearen adiskidetze deialdira joan beharko dute, enpresaren esanetan aipatu taldeek behitegiaren irudia iraindu eta kaltetu dutelako.