Maite ditugu Debako tradizioak, baita zezenak ere!

  • Guk ere maite dugu 14ko txapleroa, 15eko artisau feria eta 16ko erraldoi eta buruhandiak, maite ditugu marinel eguna, herri kirolak eta jorrai dantza, eta nola ez hain geurea den San Roke dantza (guztiok, gizon zein emakume ordezkatzen gaituenetik askoz gehiago, gainera!).


2018ko abuztuaren 20an - 09:00

Guk ere maite ditugu animaliak, baina maite ditugu basati eta aske: maite dugu orkatzak antzematea hariztietan, katagorriak zuhaitzetan gora, erdi jolasean. Basurdekume marradunak amaren ondoan edo azeri iheskorrak behe-laino artean... ez dago mendi-osteratxoa egiten dabilenaren begientzat opari ederragorik!

Edo bai: bada animalia bat botere berezia duena, indar magiko bat... gizakioi lilura neurrigabea, miresmena eta errespetu itzela, nolabait dena aldi berean, sorrarazten diguna. Luzaro egon gintezke bere azal beltz distiratsuari begira, irudimenaz bere gorputz gihartsu eta leuna  laztanduz,  bi begi ilun eta sarkor horietan zeharo galduta. Parez pare suertatuz gero,  harrapatu egiten gaitu erabat, eta hurbildu ere egin gabe sentiarazten gaitu adar punta zorrotzetatik zintzilik, bere nahierara. Horrelakoxea da izaki beltz honen indar eta distira zuria.

Maite ditugu, beraz, zezenak. Debako tradizioari hain loturik omen dauden zezenak maite ditugu. Eta horrexegatik nahi ditugu tradizio makabro, gupidagabe eta gizatasun izpirik gabeko horren kate arantzatsuetatik askatu. Hain zuzen ere, zezenak maite ditugulako eta tradizioa maite dugulako.

Debarrak gara; gu ere bai. Zezenak torturapean hiltzen ikusita disfrutatzeak ez gaitu debarrago egiten, bihozgabeago baizik

Debarrak gara; gu ere bai. Zezenak torturapean hiltzen ikusita disfrutatzeak ez gaitu debarrago egiten, bihozgabeago baizik. Antzarra astiro-astiro pertsonaren zamaz hiltzeak lekeitiarrak harrotzeari utzi zion behin, polemika izugarriaren tartean, lehen bezain lekeitiar sentitzen dira orain. Tordesillasko zezena ez da gehiago herriaren ikur izango (Udalaren iritziaren kontra). Egun, zoologikoak  berdegune zabal ditugu, ez barrotedun animalia-espetxeak. Garaiak aldatu dira! sentsibilitatea aldatzen ari da, edo gune sakon horretatik bistatzen hasi zaigu. Azkenean!, zorionez! Eboluzioa da, ez tradizioari traizioa, ez tradizioaren edo inoren aurkako gurutzada konspiratua !!

Horregatik guztiarengatik, pare bat eskaera Udalari eta zenbait debarri.

Udalari: herria ordezkatu nahi duen ikur, irudi, arte-lan edo edozein sormen artistiko herrian iraunkorki jartzea aurreikusten denean, nahi genuke herri guztia ordezkatuko duen zerbait aukeratzea. Sentsibilitate desberdinak kontuan hartuko dituena. Horrekin, ez dugu, inondik ere, adierazpen askatasuna mugatzea eskatzen, bakoitzak beste inguru, gune, testuinguruetan nahi duena adierazi, margotu, kantatu baitezake!!

Zenbait debarri: esan dugu lehenago zezenak maite ditugula eta gure ustez, errespetua zor diegula. Esan gabe doa herritarroi ere, jakina, errespetua zor diegula eta horregatik, gustura entzuten dugu edonoren iritzia. Saiatu zuek ere, mesedez, hori egiten eta gure adierazpen-bideak ez zapuzten. Utzi gure kartelak bakean, mesedez!!

Animaliei ematen diegun tratuak neurtzen omen du gure gizatasuna. Abiatu gara bidean. Laster, bidegurutzean, guztiok topo egingo ahal dugu!

 

Debako zezenketen aurkako taldea

 

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
Euskal herriarentzat nolako Estatu bat nahi dugu?

Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]


Ez da gelako elefante bakarra

Hizpidea jarri zuen Pello Salaburuk sare sozialetan, aipatuta hemendik hamabost urtera etorkinen pisua Bizkaian biderkatu egingo zela, biztanle guztien %22 izateraino, eta hori badela “zinez euskararen mehatxua”. Jakina, horrela botata, beste zehaztasunik gabe, azkar... [+]


2024-07-24 | Itxaro Borda
Estres test

Laugarrenez altxatu da eguzkia Baionako besten eremu setiatuan eta uste dut, septentrioko Euskal Herri honetan, hatsa hobekiago hartzen dugula, batez ere gure hiru diputatuak Fronte Herritar Berrikoak direlako eta olde beltz-kakia hirugarren postura zokoratu dugulako. Bi gauza,... [+]


2024-07-24 | Ahoztar Zelaieta
JELkumeak

Joseba Diez Antxustegi EAJk Eusko Legebiltzarrean duen bozeramaile berriaren iritziz, Imanol Pradales lehendakariak "esperientzia handiko emakumez eta gizonez osatutako gobernua osatu du, sektore profesionaletan errespetatuak eta Euskadirekin konpromisoa hartu... [+]


2024-07-24 | Tere Maldonado
Hezkuntza sailburuari gutun irekia I

Pedrosa andere agurgarria:

Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]


Trump presidenteordea eta Putin ukrainar presidentea

Joe Bidenen narriadura kognitiboaren eztabaidak bi urte inguru ditu. Batzuetan portaera bitxia zuen, beste batzuetan ez zitzaion ondo ulertzen edo egiak ez ziren gauzak esaten zituen, semea Iraken hil zitzaiola, adibidez. Halere, establishment liberalak bere egoera kognitiboari... [+]


Materialismo histerikoa
Ilara on

Ilarei buruzko artikulu bat irakurri nuen duela bizpahiru egun, Guillem Martinezena, eta ez dakit ondo ulertu nuen. Kontatzen zuen etxe azpian ezer berezirik ez zuen izozki denda bat daukala, eta azken aldian ireki orduko izaten duela jendea, bata bestearen atzean ordenatuta,... [+]


Teknologia
Arreta hezten

Ez dut oso argi gure bizitzak gidatzeko, banaka, botere nahikoa dugun, baina saiatzen jarraitu behar dugula bai. Taldean gauza asko egin badaitezke ere, egunero gure buruarekin borroka bakartia dugu aurrera egiteko. Gizaki gehienok, bizitzea den norabide bakarreko ur... [+]


Eguneraketa berriak daude