Euskal letren plaza bilakatuko da Zarautz maiatzeko azken asteburuan
Maiatzaren 27tik 29ra izango da aurtengo Literaturia. Askotariko ikuskizunak eta mahai-inguruak egingo dituzte Zarauzko euskal letren plazan. Dagoeneko eskuragarri daude emanaldietarako sarrerak.
Maiatzeko azken asteburuan berriz ere euskal letren plaza bilakatuko da Zarautz. Joan den urteko Literaturia jaialditik zortzi hilabete baino igaro ez direnean berriz ere hartuko ditu Zarauzko kaleak. Asteburu osoko egitaraua antolatu dute, ikuskizunak, mahai-inguruak, liburu azoka eta liburu aurkezpenekin.
Ana Malagonek irakurriko du asteburuari hasiera emango dion manifestua, maiatzaren 27 iluntzean. Aurten, “Piztia” hautatu dute ekimenaren gai gisa, eta hortik tiraka idatzitako testua irakurriko du Malagonek. Aurtengo egitaraua aurkezteko egindako bideoan ageri denez, hura aurkitu, baretu eta pizteko balio baitu literaturak. Manifestuaren ostean Oier Guillan, Lutxo Egia, Pelax, Telmo Trenor eta Elena Ramirezek Istanbul ikuskizuna emango dute Modelo aretoan.
Larunbatean beste gune batzuetara ere zabalduko da egitaraua. 11:30etan zabalduko da liburu azoka eta 12:00etan egingo dute irekiera ekitaldia. Itxaropena argitaletxe eta inprimategia omenduko dute bertan, euskal literaturaren alde egindako lanagatik. Goizean zehar liburu aurkezpenak ere izango dira liburu azokan bertan, eta arratsaldean Garoa liburu dendan.
Modelo Aretoan bi ekitaldi egingo dira larunbatean. 12:30etan Berrabiaraziko dugu literatura eskolan? Mahai-ingurua izango da, Imanol Epelde, Intza Alkain, Uxue Ostolaza eta Nerea Lasaren eskutik. 18:00etan, berriz, Frankenstein agurgarria gutun musikatua eskainiko dute Pettik eta Ana Galarragak. Haurrentzako Literattipia gunean Kamishibaizalea sormen lantegia eskainiko du Iñaki Martiarena Mattin-ek, 11:00etan Etxezabala aretoan. Larunbata biribiltzeko Odei rap-abeslariak kontzertua emango du azokako karpan.
Igandean ere egongo da zer gozatu. 11:30etan Euskal Itzultzaile, Interprete eta Zuzentzaileen Elkartearekin batera antolatutako Literatura unibertsala. Ibilitakotik ibiltzekora mahai-ingurua egongo da Modelo aretoan, Manu Lopez Gaseni, Angel Erro eta Irati Jimenezekin. 12:30ean, Merkatu Plazan, rr #5 marrak. Garaiaren erradiografia mugitu bat hitz eta bertso errezitaldia eskainiko du Maialen Lujanbio bertsolariak. Amaitzeko, 17:00etan Arantxa Iturbe, Eider Rodriguez eta Miren Narbaiza elkartuko dira Modelo aretoan Elkarrizketa baten soinua eta notak izeneko emanaldian. Gainera, goizean zehar liburu azoka eta aurkezpenak ere egongo dira.
Emanaldietarako sarrerak internet bidez eskura daitezke dagoeneko, Literaturiaren webgunean, eta leihatilan ere erosi ahalko dira, ekitaldia baino ordubete lehenago.
.jpg)
Ostiraletik igandera Literaturia jaialdia egin dute Zarautzen (Gipuzkoa) (B)egia izenburupean. Booktegi webgunea omendu dute antolatzaileek. Hiru ikuskizun estreinatu dituzte, denak Literaturiarako beren beregi sortuak.
Itziar Ugarte kazetari eta idazleak luzatutako hariak harilkatu dituzte Uxue Apaolaza idazleak eta Ines Osinaga musikariak. Mahaiaren bueltako elkarketari jarritako izenburua: “Bihurguneak eta bideak elkarrizketan”. Aitzakiak: Apaolazaren Bihurguneko nasa (Susa,... [+]
Ostiral honetan hasi eta igandera arte egingo da Zarautzen Literaturiaren 10. edizioa. Lege Zaharren Enparantzan irekiko da karpa nagusia eta bertan aurkeztuko dira hamabost bat liburu. Doinuele Euskarazko Plazen sorrera dela eta, aurtengoa berezia izango dela iragarri dute.
Maiatzaren 5etik 7ra ospatuko da Literaturia. Aurtengo gaia Eten izango da, pandemiako etenaldiaren erruz sortzaileek "asko sufritu" dutelako. Zarauzko Garoa liburu dendan egin dute aurkezpena.
Zarautz literaturaren erdigune bilakatuko da gaurtik igandera bitarte. Literaturia bueltan da, eta literaturzaleentzako topaleku bilakatuko da, euskal idazle, argitaletxe eta irakurleak bertan izango baitute literaturaz gozatzeko topagunea. Ana Galarraga izan da Bilbo Hiria... [+]
Literaturia izango da Zarautzen maiatzaren 19tik 21era eta, hitz egin dezagun lanak merezi duen terminoetan, ikus-entzunezko obra honekin iragarri dute.
"Larrua" izango da aurtengo Literaturiaren gaia, "plazer hutsa" jarri diote azpititulu. Zarautz maiatzaren 19tik 22ra literatur-saltsaren erdigune bihurtuko da ekitaldiz beteriko programari esker.
Maiatzaren azken asteburuan ospatuko da aurten euskal letren plaza Zarautzen, bigarrenez iaz Larrabetzutik hona salto egin ostean. Lehen aldiz gai baten bueltan osatu dute egitaraua: Ardoa. Huts eginez gero, literaturzale, galdu izanaz damutuko zaren bost proposamen bildu ditugu... [+]
Udaren atarian heldu da Literaturiaren 6. edizioa. Aurtengoan, Larrabetzu utzi eta Zarauzko herriak egingo dio tokia euskal literaturaren hitzorduari, urtetik urtera hazi den ekimena izaki, azpiegitura hobea behar duelakoan. Auzolana du oinarri Literaturiak, eta... [+]
Literaturaz oro har, poesiaz, antzerkiaz eta sorkuntzaz solasean aritu berri gara Oier Guillanekin. Aurki argitaratuko den elkarrizketaren aurrerapena da ondoren datorrena.
Literaturiak ekitaldi ugari proposatuko ditu hiru egunez, maiatzaren 31tik ekainaren 2ra bitartean. Igandeko menuko plater nagusia, kasura, mahaiaren bueltan eskainiko da, 11:00etatik hasita. Euskarazko itzulpengintzaren erronkak gaur egun izenburupean antolatu den solasaldiak... [+]
Maiatzaren azken egunetik hasi eta ekainaren 2rako tartean iragango da Literaturia 2013, letrak kale gorrira ateratzea helburu duen ekimena. Bosgarrena dugu aurtengoa, eta betiko legez, Larrabetzuko herria hartuko du plazatzat.
Maiatzaren azken egunetik hasi eta ekainaren 2rako tartean iragango da Literaturia 2013, letrak kale gorrira ateratzea helburu duen ekimena. Bosgarrena dugu aurtengoa, eta betiko legez, Larrabetzuko herria hartuko du plazatzat. Errezitalak, aurkezpenak, antzerki saioak,... [+]