Maiatzaren 8an izango da Herri Urrats, Senperen
Bi urtez ohiko jaialdia egin gabe egon ostean Senpereko aintzirara itzuliko da Ipar Euskal Herriko ikastolen festa. Asteazkenean iragarri dute aldarrikapena eta festa batuko dituen egitaraua.
Herri Urrats Ipar Euskal Herriko ikastolen festaren urteroko hitzordua Senpereko aintziran izan ohi zen. Maiatzaren 8an egingo dute aurtengo jaialdia, bi urteko etenaldiaren ostean. Seaskaren bosgarren kolegioa zabaltzeko izango dira aurtengo Herri Urratseko etekinak. Izan ere, ikasle kopurua handitzen ari da azken urteetan eta leku beharrean dira. Senperen bertan eraikiko dute ikastetxea, eta datorren urteko ikasturterako prest eduki nahiko lukete.
"Itzulera" izango da Herri Urratsen aurtengo leloa, eta lehen logoa izan zen zapata berreskuratu dute. Azken urteetan Seaska aurrera ematen ari den borrokei oihartzuna eta indarra emateko baliatuko dute jaia. Programa oparoa antolatu dute aurtengorako ere, eta horretan indar berezia egin dute, azpimarratu dutenez. Ohi bezala, Senpereko aintziraren inguruan kokatutako lau gune nagusi izango ditu jaiak: Araba, Lapurdi, Nafarroa eta Gipuzkoa guneetan. Araba gunean izango da haurren txokoa, baina baita hainbat kontzertu ere: Pauline eta Juliette, Mutxikoak, Kilimak, Albosax, Xiberoots, Astobaba eta Trikidantz erromeria taldea. Kontzertuak 10etan hasiko dira eta 20:00etan bukatu.
Lapurdi gunea janari loturikoa izango da, eta Artxeroak eta bertsolariak ere arituko dira. Bazkaria girotzeko, gainera, Nat eta Watson izango dira. Nafarroa gunean ere kontzertu ugari izango dira. Taulara igotzen lehena Lizeoko ikasleek osatutako Laparrak taldea izango da. Gero, Aho zakil Konekxion eta Aguxtin Alkhat arituko dira. 14:00etan Donostiako Skakeitan taldea igoko da eszenara, bira oso berezi baten lehen kontzertua izango dena eskaintzeko. Ostean, Arrasateko Des-kontrol taldearen txanda izango da. Urte batzuetan jo gabe egon ostean, beraien 25. urteurrena ospatzeko antolatu duten biraren lehen data izango da Senperekoa. Willis Drummond taldea igoko da oholtzara gero, eta Aguraingo Dupla bikoteak itxiko du gunea.
Herri Urratsek, gainera, badu beste ikastolen jaiek ez duten gune berezi bat, dantzari eskainitakoa. Aurten ere dantza emanaldi ugari izango dira Gipuzkoa gunean, eta Tristan Murgi abeslariak eta ZEZE taldeak itxiko dute bertako egitaraua. Zabaldu, baina, Estitxu Robles kolegiko gazteek egingo dute, Dantzaz konpainiarekin egindako ikastaldiaren emaitza erakutsiko baitute Herri Urratsen. Ondoren, K-balet, Herri Urrats Kantauz, Wazza Panda Famili, Topa Noka izango dira, eta dantza erakustaldiekin bukatzeko Kimua Dantza Kolektiboak GenEroa beraien azken lana taularatuko dute.
Itzulera abestia, Zetak taldearen eta Erramun Martikorenaren eskutik. Kukai dantza taldeak parte hartu du bideoklipean.
Maiatzaren 12an Senpereko lakuaren inguruan egin da Herri Urrats, ohi bezala. 41. edizioan Nekane Artola Ikastolen Elkarteko lehendakariak hiru gauza galdegin ditu: baliabideak, hizkuntza politika ausartagoak eta euskararen ofizialtasuna.
Igande honetan, maiatzak 12, urtero bezala Ipar Euskal Herriko ikastolen Herri Urrats festa ospatuko dute Senpereko lakuaren inguruan. Aurten, TxikiLinux Txokoa egongo da Xiberoa gunean. 9:00etatik 17:00etara haurrentzako tailerrak prestatu dituzte, sistema eragile libre eta... [+]
40 taldeen artetik garaile atera da Muga Zero punk-rock taldea.
Ipar Euskal Herriko ikastolen aldeko festak “aukerak ireki” nahi dizkie euskal musikagileei. Urtarrilaren 3an amaituko da izena emateko epea, eta otsailean iragarriko dute irabazlea. Saria maiatzaren 12an Herri Urratsen zuzenean jotzea izango.
"Ekaitz erauntsiak Herri Urratsen 40. urteurrena ospatzeko geneukan ametsa zapuztu du. Besta bere handitasun osoan ezin ospatze horrek milaka euroko galera ekonomikoa ekarri dio Seaskari; hori dela-eta, deialdi zabal bat egiten diogu euskal jendarte osoari".
Igande honetan, maiatzak 14, urtero bezala Ipar Euskal Herriko ikastolen Herri Urrats festa ospatuko da Senpereko lakuaren inguruan. Aurten, Ilargikoop ikasle kooperatibak bere txoko propioa izango du Xiberoa gunean. Elkartenetekin batera egun osorako egitaraua antolatu dute:... [+]
Aurten 40 urte beteko ditu Herri Urratsek eta, “sorpresaz beteta” etorriko da, antolatzaileek ARGIAri azaldu diotenez. “Urratsak zubi” lelopean, maiatzaren 14an egingo da festa Senperen eta aldarrikapenek leku inportantea izango dute, azterketak euskaraz... [+]
Ba oso inbento ona da Herri Urrats. Ipar Euskal Herriko ikastolek aurrera egiteko eta hori dena, noski, baina baita Hego Euskal Herritik egun-pasa joaten garen askorentzat, katarsi politiko-mentala egiteko ere. Gure kainismoaren aurkako antidoto perfektua. Bat-bateko... [+]
Igande honetan, maiatzak 8, Ipar Euskal Herriko ikastolen festa ospatuko dute Senpereko lakuaren inguruan, bi urteko etenaldiaren ondoren. Joatekoak bazarete Araba gunean antolatu duten TxikiLinux Txokora gerturatzea gomendatzen dizuegu. Goizeko 9:00etatik aurrera bertan izango... [+]
Pandemiak eragindako bi urteko hutsune behartuaren ostean, Senpereko lakuak Euskal Herriko txoko guztietako pertsonak jasoko ditu igande honetan, 2022ko Herri Urratsen. Itzulera honetan zapatilak lotu eta hainbat ikuskizun eta kontzertuz gozatzeaz gain, Seaskak bosgarren... [+]
Maiatzaren 8an egingo da Herri Urrats, bi urteko eteneraen ondoren. Ostiralean aurkeztu dute Itzulera kanta. Zetak taldeak eta Erramun Martikorenak sortua. Kukai dantza taldeak era parte hartu du bideoklipean.