Maiaren euskararen ordenantza onartu dute, Navarra Sumaren eta PSNren botoekin
"Berdintasuna" bermatuko duen ordenantza dela defendatu du Navarra Sumak. EH Bildu eta Geroa Baik, ordez, "euskarafobotzat" jo dute. 1997ko euskararen ordenantza ia osorik berreskuratu du koalizio eskuindarrak.
Udalaren eta bere sektore publiko instituzionalaren eremuan euskararen erabilera eta sustapena arautzen duen ordenantza behin betiko onartu du udalak, Navarra Suma eta PSN taldeen aldeko botoekin. 2019ko euskararen ordenantzak "herritar gehienak diskrimintzen" zituela iritzi dio PSNk, eta horregaik bozkatu du alde. EH Bilduk eta Geroa Baik aurka bozkatu dute.
Udalaren esanetan, dagoeneko onartuta dagoen ordenantza berriak "1997ko araua berreskuratzen du, indarrean dagoen legeriara egokituz eta haren edukia Iruñeak eremu mistoan duen kokapenera arautuz".
Lan deialdi publikoetan euskara eskakizunak ezartzeko garaian, "lanpostuak lortzeko berdintasun printzipioa" lehenetsiko duela adierazi du Navarra Sumak Iruñeko Udaleko osoko bilkuran.
Lantalde organikoaren proposamenaren bozketan abstentziora jo du PSNk. Baina Navarra Sumaren aldeko botoekin, hori ere onartu du udalak. Euskararekin harremana duten lanpostuetan euskara profila mantentzearen alde azaldu dira sozialistak, baina euskara "arma" ez bihurtzearekin ados dira eskuin koalizioarekin. Kultura saileko lanpostuetan euskara aintzat ez hartzea "negargarritzat" jo du Geroa Baik. Proposamena "euskarafoboa" dela salatu du EH Bilduk.
Aldaketa bakarra sufritu du ordenantzak bilkuran. Berdinasunaren eremuan, ordenantzan erabiltzen den hizkera aintzat hartzeko zuzenketa bat onartu dute, zioen azalpenean euskara "Iruñeko bi hizkuntza propioetako bat" dela zioen erreferentzia bat gehitzeko. EH Bildu, PSN eta Geroa Bairen aldeko 14 botorekin onartu da.
Ordenantza berria
Navarra Sumak adierazi duenez, udal aginte taldeak onartutako dokumentuak "ez du elebitasun osoa inposatzen administrazioen arteko harremanetan, baizik eta hartzailearen borondatearen menpe jartzen du hizkuntza baten edo bestearen erabilera".
- Lantaldea: "Udalari euskaraz hitz egiteko eta hizkuntza berean erantzuteko eskubidea bermatzen du, baina hizkuntza menperatzen dutenei mugatutako lanpostu ugari sortu gabe". Lan-arloan, "hautazkoa da lanpostuak betetzean euskara baloratzea, indarrean dagoen arauan ez bezala. Horretarako, nahitaezkoa da euskararen ezagutza behar duten lanpostuak daudela aurreikustea, baina ez orokorrean". Zehazki, balorazioa "erkidegoko edozein hizkuntza jakiteari ematen zaiona baino %25 handiagoa izan ahalko da, betiere lanpostuaren ezaugarrien arabera justifikatzen bada". Horretarako, plantilla organikoak zehaztuko du zein lanpostutan behar den euskararen ezagutza, eta kasu bakoitzean zehaztuko du zeregin hori betetzeko behar den hizkuntzaren ezagutza-maila.
- Hizkuntz paisaia: "Elebitasuna modu orekatuan arautzen du udal-irudian, informazioaren helmugen arabera bereiziz, eta ez modu indiskriminatuan, indarrean dagoen arauak egiten duen bezala".
- Publizitate instituzionala: Euskararen presentzia "guztizkoaren %25era arte" murriztu nahi dute, eta egungo arauaren "% 100eko derrigorrezko presentzia saihesten da".
Prentsaurrekoan, maiatzaren 17an ospatuko duten Erriberako Euskararen Egunaren inguruko argibideak eman dituzte. Ume, gazte zein helduentzat zuzendua izango da. Ekimena, Erriberan egiten diren ekimenetan indarrak biltzeko eta euskararen normalizazioaren alde saretzeko... [+]
Nafarroako Ikastolen Elkarteak lehendakari berria du. Oier Sanjurjok hartu dio lekukoa Elena Zabaleta Andresenari. Beste zazpi kide izanen ditu alboan Sanjurjok.
Ez dira gutxi azken boladan euskara bere onenean ez dagoela eta bere transmisioa bermatuta ez dagoela ohartarazten ari diren ahotsak. Bestetik, inork ez du ukatzen hezkuntzak ezinbesteko betebeharra duenik euskara eta euskal kulturaren biziraupenerako. Erronka estrategikoa... [+]
Iruñeko haur eskoletako zuzendariek, EH Bildu, Geroa Bai, Zurekin Nafarroa eta PSNren arteko akordioa kritikatu dute. “Murgiltze ereduaren alde egin dugu beti, baina inoiz ez da gure iritzia kontutan hartzen” salatu du Euskalerria Irratian, Garikoitz Torregrosa... [+]
Euskarazko eskaintza handitzeko akordioa erdietsi dute EH Bilduk, PSNk, Geroa Baik eta Zurekin Nafarroak
Plazara, AEK, Uda Leku, Dindaia eta Ebete antolakundeak Baionan elkartu dira Famili'on egonaldi ibiltariaren lehen edizioa aurkezteko. Hizkuntza mailaren arabera eskaintza bat edo beste egongo da eta haur zein gurasoentzat izango da udaberrian.
Administrazio Epaitegiak arrazoia eman dio EH Bilduk Lizarrako plantilla organikoaren hizkutnz profilen aurka jarritako helegiteari.
Ingelera orduak handitu eta euskarazkoak murrizteko foru aginduaren kontrako helegitea aurkeztu du STEILAS sindikatuak. “Murgiltzea ataka larrian jartzen ari dira” salatu dute.
Lizarraldean euskara sustatzeko lana egiten duen Bagara elkarteak egin du salaketa: "Sorkuntzarako gaitasuna bultzatzen da eta pentsamendua kritikoa lantzen, hori guztia ikuspegi ludikotik, gozamenean oinarrituta".
Haurrak dituzten familiei egiten diete deia, bereziki. Seme-alabentzat onena nahi dugulako, etorkizunerako aukerak zabaltzea litzateke euskara ematea. "Eleaniztasunaren aldeko hautua egiteko gonbidapena da, euskara ematea batzea delako", esan du Ana Ollo Euskara... [+]
"Etorkizuneko zubiak" eraikiz, azpimarratu dute "garai nahasi hauetan" euskararen aldeko aldarriak ozen entzun behar direla aurrerantzean: "Bada garaia euskarari dagokion tratamendua, lekua, emateko".
Modu horretan, euskara eta euskal kultura hiriaren bihotzera eraman duen proiektuari egonkortasuna eta sendotasuna emanen diote.
Urtea amaitu baino lehen gehiengo politikoaren oniritzia lortu nahi du udalak
Nafarroako Legebiltzarrean datorren urteko aurrekontuak ixteko negoziazioetan ari dira egunotan alderdiak, eta horietan adostutakoaren arabera, euskararen Euskararen Nafar Institutuak iaz baino 1,3 milioi gehiago izango ditu.
Euskal Herri osoan euskara eta hiztun komunitatea larrialdi egoeran daudela berretsi zuen azaroan Kontseiluak eta, ostegun honetan, egoera hori Nafarroan zertan datzan azaldu du Iruñean. Era berean, herrialdean ataka horretatik ateratzeko egin beharrekoak azpimarratu ditu.