Madrilgo hainbat mugimendutan, beste polizia-infiltrazio kasu baten berri eman dute
Polizia-agente batek hainbat urtez espiatu ditu Madrilgo zenbait mugimendu; besteak beste, Amak Errepresioaren Kontra taldea eta errepresioaren kontrako askotariko mugimenduak.
Argitara ateratako polizia-infiltrazio kasuak ez datoz Herrialde Katalanetatik soilik. Berriki, Madrilen salatu dute hainbat kolektibotan infiltratutako polizia-agente bat atzeman dutela: Aranjuezko Marta. Zehazki, Amak Errepresioaren Kontra taldeak egin du salaketa.
Azaldu duenez, 2020ko martxoan izan zuen espioitza kasuaren zantzuen berri aurrenekoz, telefono-dei baten bidez. Konfinamendua ezarri berri zuten orduan, eta, beraz, kolektiboko kideak ezin izan ziren aurrez aurre bildu. Horren eraginez eta, esaterako, telefonoak kontrolatuta izatearen beldurrez, ezin izan zioten auziari heldu konfinamendua indargabetu arte.
Une horretan esku hartu zutela eta infiltratutako polizia-agenteak "kolektiboaren parte izateari utzi" ziola diote Amak Errepresioaren Kontrako kideek. "Kasua, jakina, ez da hor geratu. Hain larria den egoera hori argitzeko lanean jarraitu dugu, bai eta [infiltratutako polizia] beste kolektiboren batean ez dela ari ziurtatzeko ere", xehatu dute.
Bere burua Marta modura aurkeztu zuen polizia-satorrak, eta errepresioaren aurkako plataforma baten bidez ezagutu zuen Amak Errepresioaren Kontra taldeak. Zehazki, Alfon gaztearen askatasuna exijitzeko kanpainan ezagutu zuten elkar. "Martak" kolektiboko hainbat kideri esan zien talde antifaxista bat utzi berri zuela, 1986tik zeramala mugimendu sozialetan eta okupazioaren aldeko mugimenduan parte hartzen (El Laboratorio, Euskal Herriari elkartasuna emateko taldeak, faxismoaren kontrako kolektiboak, eta abar), eta, "ama bezala", bat zetorrela Amak Errepresioaren Kontra kolektiboarekin.
"Hori guztia frogatu ahal izan genuen; ["Marta"] ezagutzen duten militante asko daude. Bere militantzia-ibilbidearekin, inoiz ez genuen zalantzan jarri esaten zuen pertsona zela", adierazi dute Amek. Hortaz, gaia bere horretan utzi eta argitutzat eman zuten. "Baina, Kataluniako polizia-infiltrazioak azaleratzearen ondorioz, batez ere azkena, Gironako emakume polizia batena, gure kolektiboa berriro jarri da jomugan", taldeko kideek gaitzetsi dutenez.
Hala, gertatutakoaren berri emateko beharra ikusi dute, eta salatu dute Amak Errepresioaren Kontra kolektiboari eraso egiteko ari direla erabiltzen infiltrazio kasua. "Zalantzan jartzen da gure konpromisoa, gure aktibismoa, modu zuzen eta ez-zuzenean", gaitzetsi dute.
Lau espioi Herrialde Katalanetan
Azken urtean, Herrialde Katalanetako askotariko talde eta mugimenduak espiatu dituzten lau polizia-agenteren berri eman du Directa hedabideak. Hilabete honetan bertan eman dute argitara atzemandako azken kasua: Gironako mugimendu antiarrazistan, independentistan eta etxebizitzaren aldekoan sartu du muturra Maria Perelló Amengual izena omen zuen Espainiako Poliziako agenteak.
German Rodriguez eta Joseba Barandiaran omendu, eta langile mugimenduaren alde egindako lana txalotu dute Iruñean. Palestinari ere elkartasuna adierazi diote, sanferminetan urteroko zitan Iruñean.
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
2016an bi emakumek bortxatuak izan zirela salatu zuten, Iruñean. 2018an auzia artxibatu zuten eta ez zen epaiketarik egin. Espainiako Poliziak, Fiskaltzak eta Nafarroako Auzitegiak ikerketan egindako irregulartasunak salatu ditu biktimen abokatuak. Espainiako Estatuak... [+]
"Juancar" izenaren pean infiltratuta egon da Carlos P.M. agentea Madrilgo hainbat mugimendutan. 2020an sartu zen Espainiako Polizian, hain justu ere infiltrazio kasu gehiagoren jatorrian dagoen zentro berean egon ondoren. El Salto-k argitaratu du informazioa.
Lucia Rodriguez polizia-agenteak hiru urtez egin zituen sator-lanak Distrito104 gazte-kolektibo antifaxistan eta Madrilgo Errepresioaren Aurkako Mugimenduan, aurreko udazkenera arte.
Ezker abertzaleko familia baten etxea tirokatzeagatik atxilotu zuten Espainiako polizia ohiak baimenik gabeko bederatzi arma, gerra materiala, ia lau kilo bolbora, 400 bala baino gehiago eta dozenaka arma erabilgaitz zituen etxean
Polizia ohiak onartu zion Ertzaintzari berak egin zuela tiro eta agenteek legez kanpoko hainbat arma atzeman zizkioten etxean. Akusazio partikularrak 13 urte eta erdiko espetxe zigorra eskatuko du armak eta lehergailuak gordetzeagatik eta kalteak eragiteagatik. Fiskaltzak,... [+]
Asteazkenean atxilotutako Indar Gorriko 61 kideak libre utzi ditu Iruñeko Instrukzioko 4. epaitegiak, behin-behineko askatasunean eta kautelazko inongo neurririk gabe.
Espainiako Poliziak joan den asteartean atxilotu zuen Iturmendin (Nafarroa) eta, Espainiako Auzitegi Nazionalaren aginduz, Madrilera eraman zuten inkomunikatua.
Espainiako Poliziak astearte eguerdian atxilotu zuen bere etxean, Iturmendin (Nafarroa), antza sare sozialetako mezuren batekin lotuta. Arratsean segundo batzuetako deia egin zien senideei Madrilera eramaten zutela jakinarazteko, ARGIAk jakin duenez. Estefanía Cerverak 63... [+]
Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.
2015etik 2021era mugimendu antifaxista eta antierrepresiboetan infiltratutako poliziaren kasua publiko egin du El Saltok, Directarekin elkarlanean ikertu ondoren. Hamabost hilabetean hedabideek argitaratutako polizia satorren seigarren kasua da.
Ostegunean eta ostiralean Genevan (Suitzan) aztertuko dute ea Espainiako Estatuak gaiari dagozkion baldintzak betetzen dituen ala ez. Egiari Zor, Giza Eskubideen Behatokia eta Sarek “aurrerapenak” daudela azaldu dute.
Infiltratuarekin harreman sentimentalak eraiki zituen herri mugimenduetako militanteak haren amarekin izandako tratuaren berri eman du. Bera ere emozio eta sentimenduetan oinarritutako antzerkiaren parte izan zela salatu du.
Emozio eta sentimenduetan oinarritutako infiltrazio estrategiak baliatu ditu Espainiako Poliziak, Kataluniako ezkerreko hainbat mugimendu eta eragiletan sartzeko. Laugarren kasu honetan, ezkutuko poliziak, etorkin adingabeen aldeko eta etxebizitza sindikatuen mobilizazioetan eta... [+]