Madrilen neonaziek okupatutako etxea hustu dute
Polizia goizeko 8:00tan hasi da Madrilen eskuin muturreko ideologiako kideek okupatutako Ramiro Ledesma zentro soziala husten. El Mundo egunkariak jaso duenez, hiru pertsona zeuden bertan polizia agertu denean. Identifikatu eta istilurik gabe eraikinetik atera dituzte.
Abuztuan neonazien MSR Mugimendu Sozial Errepublikarraren jarraitzaile talde batek eraikina okupatu zuen, talde ezkertiarren La Enredadera zentro sozialatik 600 metrora. Ordutik aurrera tentsioa izan da nagusi Tetuan auzoan: istiluak, irainak, mehatxuak eta objektuen jaurtiketak izan dira. “Eraso arrazistak” ere salatu dituzte, baina poliziak ez du baieztatu.
Irailaren 9an poliziak txosten bat aurkeztu zuen epaitegian. Honen arabera, beharrezkoa zen neonaziek okupatutako eraikina hustea, bertakoen eta La Enredaderakoen artean azken asteetan izandako istiluengatik. Madrilgo instrukziozko 48 zenbakiko epaitegiak asteartean agindu zuen eraikina lehenbailehen hustea.
Istilurik ez neonaziak iritsi arte
Mugimendu antifaxistekin eta M15arekin lotutako talde batek okupatu zuen duela bost urte orain La Enredadera zentro soziala bezala ezaguna den eraikina. Adierazi dutenez, ez dute inolako arazorik izan neonaziak auzora iritsi diren arte. Beraiena ere “etxe okupa” izan arren, momentuz ez dago eraikina husteko agindurik.
155.000 pertsona bizi dira Tetuanen, %17 etorkinak. Talde antifaxistek hainbat manifestazio deitu dituzte neonazien kontra “Arrazistak gure auzotik kanpo” lemapean.
1960ko martxoaren 21ean, Hegoafrikako Poliziak 69 lagun hil zituen apartheidaren kontrako manifestazio baketsu batean. Ordutik, egun hori Arrazakeriaren eta Xenofobiaren Nazioarteko eguna ospatzen da, aldarrikapenez beteta. SOS Arrazakeriak urtero gai ezberdin bat lantzeko... [+]
Afari solidarioak banatzen diren ordu eta leku berean zegoen antolatuta baimenik ez zuen elkarretaratzea. Tentsio une handiak izan dira, eta Ertzaintzak KASen aldeko hainbat jarraitzaile identifikatu ditu.
Udaletxe aurrean eginiko prentsaurreko jendetsuan, Donostian gertatzen ari diren jarrera arrazista, klasista eta faxistekin kezka adierazi dute hiriko eragile sozial eta politiko ugarik. Irakurketa bateratua eskaini dute 37 eragilek, besteren artean, Ernai, GKS, Bilgune... [+]
Elkarretaratzea egin dute Iruñean asteazkenean SOS Arrazakeria taldeak eta LAB sindikatuak salatzeko zapia buruan erabiltzen duten zenbait emakumeri "mehatxuak" eta "irainak" eragin dizkietela euren lanpostutan. "Ohikoa" den diskriminazioa... [+]
Bost urtean, Inor ez da ilegala proiektuak lau haizetara zabaldu ditu migratzaileen eskubideen aldeko lelodun kamiseta, jertse eta poltsak; elkarlana eta elkartasuna oinarri dituen ekimenak istorio eta bizipen ugari oparitu dizkigu; eta zoritxarrez, inoiz baino biziago... [+]
Eskuin muturraren “diskurtso guztiz arrazisten”arriskuaz ohartarazi du Unai Hualde presidenteak. Bere aburuz, erakundeak giza eskubideak urratzen dituzten jokaerak ekidin behar ditu.
Immigrazioaren Euskal Behatokiaren 2023ko Barometroaren emaitzek diote “2021ko balioetara itzuli dela” euskal gizartearen "tolerantzia-maila". Datuen arabera, horrek lotura zuzena du Ukrainako gerraren kronifikazioarekin eta asilo-eskarien egonkortzearekin.
Profil horretako pertsonen %80 polizia-kontroletan geldiarazia izan da, Frantziako Giza Eskubideen Defendatzaileak ziurtatu duenez. Praktika horrek "komunitate desberdinen eta Poliziaren arteko gatazkak areagotu ditzakeela", ohartarazi izan dute adituek, aspalditik.
2022an Ertzaintzak erregistraturiko gorroto delituen berri eman du Eusko Jaurlaritzak: 438 gertakari guztira, 2021ean baino %57 gehiago. Arrazakeria eta xenofobiari lotutako delituek jarraitzen dute izaten zabalduenak, eta atzetik dituzte sexu-joera edo sexu-identitateari... [+]
Algorithm Watch-ek egindako ikerketa batek azaldu duenez, biktimei egindako test batek biktimen eta erasotzailearen jatorriaz galdetzen du. "Atzerritartzat", ordea, Mendebaldekoak ez direnak baino ez ditu jotzen.