“Gure baloreekin bat egiten duen gero eta jende gehiago dago”
EH Bilduko lehendakarigai Maddalen Iriarte “oso oso pozik” agertu da koalizio abertzaleak izandako emaitzekin. Bere esanetan emaitza horiek “aldaketa baten hasiera baino ez” dira.
Euskal Herria Bilduk aurreko hauteskundeetan baino 23.000 boto gehiago lortu ditu hiru lurraldeetan eta 22 eserleku, “oraingoz”, nabarmendu du Maddalen Iriarte koalizioko bozeramaile eta lehendakarigaiak. Izan ere, “ez dugu esperantza galdu oraindik emaitza hobeak lortzea gainerako botoak kontatzen direnean”, esan du Donostian. EH Bilduren 22 eserlekuak gora eta behera izan dira hauteskunde gau osoan eta azken kontaketa ofiziala ostirala arte ez da jakingo.
Iriartek eskerrak eman dizkie EH Bilduri konfiantza eman dioten herritar guztiei: “Esan dugu, behin eta berriro: gure baloreengandik gertu dagoen gero eta jende gehiago dago herrialde honetan, ezkerretik, burujabetzatik, feminismotik, zaintza erdigunean jartzetik… Klima larrialdi honi aurre egiteko gogoa duen jende horrek guztiak gugan konfiantza jarri du, eta aldaketa hasi baino ez da egin. EH Bildu gero eta zabalagoa da, gero eta jende gehiago bilduko duena izango da”.
Egungo pandemiarekin eta Covid-19aren “astinaldia” jasan dutenekin ere akordatu da Iriarte bere hitzartzean, baita pandemia horretan “gure bizitzan aurrera egiteko posible egin dutenekin” ere, hala nola osasungintzako langileak edo supermerkatuetako kutxazainak, “horiei guztiei ere eskerrik asko”.
Behin emaitzak jakinda, eskua luzatu du indar independentistaren izenean, “ezkerretik eta subirautzatik herri hau eraikitzeko, herri bat eraikitzeko”.
Donostiako Igara auzotik jarraitu du EH Bilduk hauteskunde gaua eta koalizioko ordezkari ugari izan da bertan. Arnaldo Otegik ere hitz egin du Iriarteren ondoren.
EH Bilduko koordinatzaile nagusiaren hitzetan “oraina zaila da, ez ohiko egoera batean egin ditugu hauteskundeak, batzuk enpeinatu egin ziren, eta ez ohiko emaitza bat izan da”. Zentzu horretan, abstentzioaren inguruko irakurketa eskatu du, baina nabarmendu du abstentzioa handia izan bada ere koalizioak boto kopurutan emaitzak hobetu egin dituela.
AEBetako Berkeley Unibertsitateko irakaslea eta pentsamendu dekolonialean aditua da Ramón Grosfoguel. Artikulu honetan, Galiziako BNGren eta Euskal Autonomia Erkidegoko EH Bilduren azken hauteskundeetako emaitzez iritzia ematen du, Podemos alderdiko Juan Carlos... [+]
Hauteskundeak izan dira oraingoan Euskal Herriaren mendebalde honetan, eta horien ondoren gerta ohi denez, erabateko garaipen loriatsua (auto)aldarrikatzera abiatu da prestu irabazten lar ohituta dugun EAJ.
Luza dakioke gaur EAJri esaldi klasikoan egiten den galdera: Non dago... [+]
Demokrazian penko, suspentso, kate, gutxiegi. Politika egiteko oinarritzat hauteskundeak eta bozak dituen jendarte batek hori esan beharko lioke bere buruari herritarren erdiak "festan" parte hartu ere egiten ez duenean, ezta?
Atzerrian bizi diren Euskal Herritarren botoak zenbatu ostean, PPk eta Ciudadanosek eratutako koalizioak bereganatu du Bizkaiko 25. eserlekua.
Iñigo Urkullu jarduneko lehendakariak eta bere alderdiak hauteskunde kanpainan esan dutenez, “ezkerrekoak eta eskuinekoak jada ez dira existitzen”. Gaur egun EAEn nagusi den politikaren alternatibarik existituko ez balitz bezala, hau da, ez balego bezala... [+]
Data: 2020ko uztailaren 12a (igandea). Ordua: 13:00. Tokia: H. herriko bozkaleku nagusiko kanpoaldean dagoen banku bat. Eguraldia: orduak iraun dituen euri jasa baten azken tantak. Jende mugimendu etengabea atarian. Talde handirik ez. Gehienak banaka, binaka, trioren bat... [+]
2020ko uztailak 12ko Eusko Legebiltzarrerako hauteskunde emaitzak esku artean ditugu eta horiek aztertzeko asmoz hiru artikulu idatziko ditugu, gaurkoa lehenengo izango da interpretazio deskriptibo-orokor bat eskaintzeko:
Jokaldia ondo atera zaie. EAEko hauteskundeak Kataluniakoekin, eta batez ere, erabakitzeko eskubidearekin, talka ez egiteko aurreratu zituzten aurrena. Koronabirusak uztailera arte atzeratu du bozkaketa, baina helburua lortu dute boterean jarraitu nahi zuten alderdiek: orain... [+]
Euskal lurraldeen artean, EAJren eta EH Bilduren lehia-gune handia da Gipuzkoa. 2012ko Eusko Legebiltzarrerako hauteskundeetan EH Bilduk irabazi zuen ozta-ozta, 2016koetan EAJk aise eta 2020koan ezker abertzaleko alderdia jeltzaleengandik oso gertu egon da. Abstentzio handia... [+]
EAJk irabazi ditu hauteskundeak eta 31 legebiltzarkide lortu ditu, 2016ko hauteskundeetan baino hiru gehiago. Andoni Ortuzarrek Iñigo Urkullu jo du krisitik ateratzeko gidaritzat, eta alderdi politiko guztiei eta euskal gizarteari egin die elkarlanerako eskaintza.
Ordizian parte-hartzea nabarmen handiagoa izan da bataz-bestekoa baino: %55,92k eman du botoa eta EH Bilduk irabazi ditu Legebiltzarreko hauteskundeak herri honetan. 1.747 (%45,3) boto lortu ditu, eta bigarren indarra izan den EAJk, berriz, 1.268 (%32,88). Duela lau urteko... [+]
Abstentzio-tasa %47koa izan da, 2016an baino baino %7 handiagoa.
EAJk, EH Bilduk, PSEk eta Voxek legebiltzarkide bana irabazi dute, PPk eta Podemosek bina galdu. Bozetan gora egin duten alderdi bakarrak EH Bildu eta Vox izan dira. Bozka eskubidea duten herritarren %50,31k hartu du parte hauteskundeetan.