Macronek ez du ezkerreko lehen ministroa ezarriko
Elkarrizketa-sorta hasiko du, beste behin, Macron presidenteak. "Ahalik eta gehiengorik zabalena eta egonkorrena osatzeko" egingo duela lan esan du Macronek, herrialdea ez dadin "blokatuta eta ahulduta" gera.
Eskuinaren mehatxuak pisu handia du Frantzian. Marine Le Penek eta eskuin muturreko bere adiskideek esana zuten Fronte Herritar Berriaren (NFP) edonolako aginte "erabat blokatzeko prest" zeudela, eta, gutxi gorabehera, neurri eta doinu berean mintzo dira ezkerreko aliantza handi horretatik kanpoko alderdiak; guztiek diote NFPren balizko gobernuaren kontrako zentsura mozio baten alde bozkatuko luketela. Hargatik, Frantziako presidente Emmanuel Macronek argi ikusi du zer egin: negoziaketei berrekin eta egoera luzatu.
Olinpiar Jokoak amaitutakoan ekin zion Macronek lehen ministroa aukeratzeko elkarrizketa-sortari, eta erpin guztiekin batzartu ondoren, astelehen arratsean jakinarazi du bigarren itzuli bat egingo duela, adostasunik ez baitu topatu.
Macronen oharraren ostean ere, NFPk berretsi egin du Lucie Castetsen hautagaitza. Emaitzak "errespetatu" behar direla dio ezkerreko koalizioak, eta gogoan hartu du Castetsen hautagaitza orokorki babestua izan zela –Parisko Udaleko funtzionarioa da Castets, ez alderdi bati estuki lotua; esaterako, Frantzia Intsumisoko ministroa izatea eskatu zuen Jean-Luc Mélenchonek, eta hori izan zen negoziaketen marra gorri bat–. Halaber, Fronte Herritar Berriak iragarri du ez dela Eliseora itzuliko Macron presidentearekin atzera ere batzartzera, ez badu Macronek esan berri duena baztertzen eta Castets ministro izendatzen.
Eta ez dirudi hori gertatuko denik, izan ere, Macronek eta macronismoak esan dute NFPrekin ez dutela koaliziorik osatuko. Ezkerreko aliantzak du ordezkaritzarik handiena Frantziako Asanblea Nazionalean, baina ez eserlekuen gehiengo osoa, eta beste alderdiekiko indar harreman hori ari da baliatzen Macron, NFPri ateak ixteko. Horrela, Macronen esanetan, "egonkortasun instituzionala" ari da mantentzen.
Ultraeskuina: "Kaosaren norabidean doa Macron"
Eskuin muturreko Batasun Nazionalak presio egiten segitzen du, eta ez nolanahi. "Ezkerreko gobernu ororen aurka" egingo dutela esana dute, eta bereziki Frantzia Intsumisoko ministrorik bada. "Zentsura mozioa aplikatuko genuke", egin dute mehatxu bai Jordan Bardellak eta bai Marine Le Penek. Izan ere, haien hitzetan, ezkerreko edozein gobernuk "arriskuan" ipiniko luke herrialdearen "ordena" eta ekonomia.
Macronek "kaosean bizitzea" erabaki duela ere adierazi dute Bardellak eta Le Penek, "norabide horretan" doala. Frantziako politika "paralisi" batean dagoela, eta uztailean eta abuztuan ezkutatzen saiatu diren arren, "bista-bistakoa" dela.
Larunbat honetan aurkeztu du Frantziako gobernu berriaren osaketa Michel Barnier lehen ministroak. Eskuin muturreko RN alderdiak defendaturiko ideiak dituzten hainbat politikari eskuindar jarri ditu gobernuko karguetan. "Legetimitaterik gabeko gobernua" dela salatu du,... [+]
Michel Barnier kontserbadorea ministro ohia da, Europako Batasuneko komisario ohia ere bai eta Brexiteko negoziatzailea izan zen.
Laugarrenez altxatu da eguzkia Baionako besten eremu setiatuan eta uste dut, septentrioko Euskal Herri honetan, hatsa hobekiago hartzen dugula, batez ere gure hiru diputatuak Fronte Herritar Berrikoak direlako eta olde beltz-kakia hirugarren postura zokoratu dugulako. Bi gauza,... [+]
Ipar Euskal Herriak dituen militante nekaezin horietarikoa dugu Peio Dufau: ofizioz tren gidaria, CGT sindikatuan buru belarri inplikaturikoa, Bake Bidean dinamikan engaiatua eta alabari Wolfram sindromea izeneko eritasun arraroa atzeman ziotenaz geroztik izen bereko elkartean... [+]
Hirugarren kokatu bada ere, pozik izatekoa badu eskuin muturreko RNk: inoiz baino azkarrago da Frantziako Legebiltzarrean –2017an zortzi diputatu zituen, 2022an 88 eta orain 143–. Bere hauteslegoa azkarki emendatuz doan heinean, anitzez zabalagoa du oinarria:... [+]
Sei hautagai dira Frantziako Legebiltzarrerako presidente izateko lehian –ezkerretik bat, Macronen aldeko bi, eskuinetik bat, eskuin muturretik beste bat eta independente bat–. Horrez gain, dozenaka eragilek deiturik, FHB Fronte Herritar Berriaren garaipenaren... [+]
Nork aurreikusten ahal zuen 2024an Peio Dufau –Marie Heguy-Urain duelarik ordezko– EH Baiko hautagaia, diputatu izanen zela? Eskuin muturraren kontrako kanpainak eta estrategiak funtzionatu du. Ipar Euskal Herriak ez du faxistarik bidaliko Frantziako Asanblea... [+]
Ikasle batek erran zidan, behin, testu bat aztertzen ari ginela: “Pertsonaia eri da: geldi-geldia pentsaketa ari da bere buruan”. Bistan dena, erranaldi horrekin, gaizki adierazi zuen gogoan zuen iruzkina, erran nahi baitzuen pertsonaiaren ezontsa nabari zela haren... [+]
20:00etan atera dira lehen datuak, harridura orokorra eraginez: zundaketa guziek lehen kokatzen zuten eskuin muturreko RN hirugarren atera da eta ezkerreko FHB Fronte Herritar Berria garaile. Gehiengoan edota gehiengo osoan ikusten zen RN Batasun Nazionalarentzat zaplaztekoa... [+]
Iñaki Echanizek irabazi du Zuberoa, Nafarroa Beherea, Hazparne eta Biarnoko zati bat barnebiltzen dituen laugarren hautesbarrutian. 2022an bezala, garaile atera da, ezkerreko Fronte Herritar Berriaren izenean.
Ezkerrekoa beharko lukete Frantziako Lehen ministroak eta bere gobernuak, jakinik Fronte Herritar Berria garaile atera dela Frantziako Legebiltzarrerako hauteskundeetan. Baina, ezkerraren garaipenaren gainetik pasaz, bestelako gehiengo bat osatu nahian dabil Emmanuel Macron... [+]
Libération egunkariak eramandako ikerketaren emaitza da: gutienez abendutik elkartu dira eskuin muturreko RNeko Jordan Bardella eta Marine Le Pen Emmanuel Macron presidentearen hurbilekoekin. Macronen kontseilari hurbila den Thierry Soleren etxean egin dituzte ezkutuko... [+]