Macronek autonomia eskaini dio Korsikari, Frantziako Errepublikaren barruan
Frantziako Konstituzioan Korsikaren izaera berezia jasoko luke artikulu batek. Presidenteak hezkuntzan korsikera bultzatzeko asmoa iragarri du, baina ez hizkuntza ofizial bihurtzeko.
Emmanuel Macron Frantziako presidenteak autonomia eskaini dio Korsikari. Azpimarratu du autonomia hori Frantziako Errepublikaren barruan eraikiko litzatekeela, eta konstituzioaren artikulu batean Korsikaren izaera berezia jasoko litzatekeela, "komunitate uhartetar historiko, linguistiko eta kultural" gisa izendatuta.
Proposamena ostegunean egin du Korsikako Asanblearen aurrean, uhartea naziengandik askatu zutenetik 80 urte bete direnean.
Presidenteak sei hilabeteko epea eman die gobernuari eta korsikar hautetsiei testu konstituzional eta organiko bat egiteko. Konstituzioa aldatzeko prozesua martxan jartzeko, akordio horretan oinarrituko lirateke. Gero, Korsikan erreferenduma egingo lukete, herritarrek aldaketaren gaineko bozka emateko.
Korsikera: hezkuntzan bai, ofizial ez
Egun, Korsikako asanblean nazionalistek dituzte eserlekuen hiru laurdenak. Uztailaren 5ean autonomia egitasmo baten barruan, hainbat eskaera egin zituzten, esate baterako, korsikera frantsesarekin batera ofiziala izatea. Horren aurrean, presidenteak esan zuen frantsesa bakarrik izango zela hizkuntza ofiziala.
Korsikerari hezkuntzan leku gehiago eskaintzeko prest agertu da Macron, eta aipatu du hezkuntza publiko eta elebiduna sortu nahi duela, "Korsikan korsikera gehiago erakutsi behar litzatekeela" argudiatuta.
Macronek aitortu du uharteak bere beharretara egokitutako neurriak behar dituela, besteak beste, zenbait lege (mendiari eta itsasoari lotutakoak, kasu), edo klima aldaketari aurre egiteko erronkak.
Alderdien erreakzioak
Femu a Corsica alderdi nazionalistakoak dira Marie-Antoinette Maupertuis Korsikako Asanbleako presidentea eta Gilles Simeoni uharteko gobernuburua; haien ustez, momentua "historikoa" eta "esperantzazkoa" da. Adierazi dute Korsikak "behar duen lurralde autonomo bihurtzeko aldaketa" litzatekeela autonomia onartzea, bere izaera, frantses, europar eta mediterranearra mantenduta.
Josépha Giacometti Corsica Libera alderdi independentistako hautetsia, berriz, ez da Macronen diskurtsora azaldu. Salatu du Asanblean ez dela egon posizio ezberdinak eztabaidatzeko aukerarik.
Otsaila bukaeran abiatuko dute Frantziako Konstituzioaren moldaketa dakarren proposamenaren idazketa. Agendaren berri ukan bezain laster berretsi du bere baldintza Korsikako Asanbleak: "Irlako hautetsi eta eragile guztiak beharko dira idazketa fasean inplikarazi".
Mediterraneoko uharteko bigarren etxebizitzen kontrako ekintzak bere gain hartu ditu Korsikako Nazio Askapenerako Fronteak (FLNC). Igandetik astelehenerako gauean gertatu dira eta aurretiaz ere bestelako eraso batzuk aldarrikatu zituen abuztu hasieran.
Autonomisten eta independentisten arteko deliberazio komuna lortu dute, eztabaida, gatazka eta negoziaketa luzeen ondotik. 63 hautetsietatik 46k alde bozkatu dute, oposizioko Un Soffiu Novu-k aurka bozkatu du eta Corsica Libera talde independentistako bat abstenitu da, Josepha... [+]
Korsikaren burujabetzari buruzko saio berezia eginen du uztailaren 4an irlako asanbleak. Bitartean, eskatu beharrekoari buruzko adostasun batera heldu nahian dabiltza alderdi abertzale ezberdinak.
Korsikako Asanblean eta Exekutiboan korsikera erabiltzea Frantziako Konstituzioaren aurkakotzat jo du Bastiako Auzitegiak, uharteko prefet ohiaren helegitea ebatzita. Korsikako herritarren eskubideen urraketa dela salatu du, besteren artean, Gilles Simeoni Korsikako Kontseilu... [+]
Duela hogei urte Claude Erignac Frantziako prefetaren hilketaren komandoaren parte izatea leporatu zioten. Orain, zaintza-neurri zorrotzak bete beharko ditu urtebetez. Eric Barbolosi Alessandriren abokatuak adierazi du erabakia "legea eta zuzenbidea hertsiki aplikatzearen... [+]
Asanblea Nazionaleko Legeen Batzordeak aho batez onartu du ikerketa batzordearen sorrera azaroaren 23 honetan. Gehienik sei hilabetez iraunen du prozedurak.
Frantziaren menpe segitzen duten hainbat herrietako alderdi independentista banak adierazpena izenpetu dute Corte-n (Korsika) urtero egiten diren Ghjurnate di Corti topaketa independentisten baitan.
21 lagunek osatzen dute Korsikako ordezkaritza: Gilles Simeoni Korsikako Kontseilu Exekutiboko presidenteak, Marie-Antoinette Maupertuis Korsikako Asanbleakoak, ganbera horretako lau talde parlamentarioetako presidenteek eta Frantziako eta Europako zazpi parlamentariek.
Korsikera sostengatzeko helburuz antolatu dute 110 kilometroko lasterketa. Igande honetan abiatuko da Aleria herritik eta uztailaren 6an iritsiko da helmugara, Bonifaciora.
Irulegiko Irratiko Sakonean emankizunaren hirugarren saioan Korsikako nazio askapen mugimendua izan dute hizpide, Marseillako presondegian Yvan Colonna FLNC Korsikako Nazio Askapen Fronteko militante eta preso politikoak bizia galdu zuenetik hilabetera.
ELEN Europako hizkuntzen berdintasunerako sareak eta Kevre Breizh Bertainieraren aldeko erakundeen kontseiluak Etnozidioa: Frantziako Tabua izenburuko jardunaldia antolatu zuten pasa den martxoaren 19an, Bretainiako Gwened herrian. Bertan izan zen Haizpea Abrisketa... [+]
Yvan Colonna preso politiko korsikarra beste preso batek Arlesko espetxean egindako erasoaren ostean hil zenetik deitutako lehen manifestazio bateratua egin zuten igandean Korsikan. Protestetan izandako istiluen ostean atzeratu egin dira Frantziako Barne Ministroarekin hasi... [+]
Zendu da korsikar independentista, 61 urterekin, martxoaren 2an beste preso baten partetik pairatu zafraldiaren ondorioz. Presoa biziaren eta heriotzaren artean zela jakin bezain laster zabaldu zen Statu francese assassinu mezua Korsikan barrena, Frantziako Gobernuaren ardura... [+]
Zendu da Yvan Colonna korsikar independentista martxoaren 2an, beste preso baten partetik jasotako jipoiaren ondorioz. Presoaren heriotzak kalera atera arazi ditu korsikarrak, eta frantziako gobernuaren ardura galdegiteaz gain, konpondu gabeko arazo politikoa Parisen agendan... [+]