Macron, kexuak eta demokrazia
Greba aitzina doa Total Energies-ek Frantzian dituen bost petrolio-findegietan. Autoari eta asfaltoari erabateko dependentzian antolaturiko egunerokoan eraginak dauzka irailaren 21ean abiaturiko grebak. Zortzi findegietatik zazpi ziren greban ostirala arte. Baina gobernuak prefetari manaturiko errekisizio-prozedurak lanera bideratu zituen ExxonMobil-ekoak –hauturik ez du errekisizionaturiko langileak, errefusatuz gero etxean du polizia, kartzelaldi eta 10.000 euroko isunarekin, gainera–. Greba beste sektoreetara hedatuko dute bihar, asteartean, eta azken aldietako jarraipen esanguratsuenetarikoa aurreikusten dute sindikatuek. Errekisizioen parean, ondokoa argitu nahi dutelako herritarrek: greba eskubidearen gainetik ez pasa.
Giroa berotuz doa, haserrea sutzen duelako testuinguruak. Ez dezagun ahantz oinarrian dagoen zifra: Total Energies-ek 5.700 milioi dolarreko etekina jaso du aurtengo bigarren hiruhilekoan. Prezioak gora doazela –tartean Total Energies eta ExxonMobil-en gasolinarena–, hertsituz doa oinarrizko beharrei erantzuteko bidea anitzentzat.
Hori dauka oinarrian petrolio-findegietako grebalarien borrokak. Aberastasunen banaketa justuagoa dute aldarri. Are justifikagarriagoa, dakigunean Macronen aldeko parlamentariek super-profit edo super-etekindun multinazionalei zerga gehiago bideratzearen kontra bozkatu berri dutela.
Negua hotza izanen da, eta iaz baino gehiago izanen dira etxea behar bezainbeste berotu ezinean. Kalean, ordea, giroa berotuz doa, Frantzian bezala beste herri anitzetan –aberatsenak are aberatsago izate hori jasangaitza bihurtzen ari delako–. Macronek erantzunaren kolorea argitu digu.
Hasteko, grebalarien errekisizioa dauka "gatazka desblokeatzeko" tresna gisa. Horrez gain, Konstituzioko 49.3 artikulua erabiltzearena eta Legebiltzarra desegitearena ere ditu mahai gaineraturik. Erretreten erreforma izanen da negu honetako beste dosier bero bat, eta aurkakotasunaz kontziente, bi neurri horien mehatxua plazaraturik du.
Horretan gara: beharrez Legebiltzarreko eztabaidak saihestuz pasako du erreforma; eta oposizioko diputatuek zentsura mozioa aurkeztuz gero Asanblea Nazionala deseginen du. Badirudi testuinguru gatazkatsuetan demokrazia traban daukatela gure agintari demokratek. Zer pentsatua ematen du.
%90eko jarraipen "ia erabatekoa" izan du grebak, sindikatuen arabera. Gasteizko parkeak, lorategiak eta eraztun berdea mantentzen dituzte Enviser azpikontratako 90 langileek.
Inbertitzailerik agertu ezean, Iruñeko Merkataritza arloko lehen epaitegiari egin dio proposamena Molins eta Andres abokatu bulegoak, Altsasuko enpresaren hartzekodunen konkurtsoko administratzaileak. Dumarey Belgikako taldeak fabrika erosteko saiakerak egin... [+]
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Hitzarmena berritzea, baina, ez dute lortu, eta martxoko eta apirileko bost greba egunetarako deialdia egin diete irakasleei. Lehenengoa astearte honetan izango da.
ELA sindikatuak azaldu duenez, azken Lan Eskaintza Publikoaren oinarrien arabera, Ertzaintzarako eskainitako lanpostuen %20ak eta Udaltzaingoaren %30ak ez daukate euskara-eskakizunik. Gasteizen, adibidez, udaltzain-lanpostuen erdietan, 24tan, ez dago euskara-eskakizunik.
Kamioiak ez sartu ez atera. Horrela eman dute goiza BSHko Eskirozko lantokian. Parez-pare langileak aurkitu dituzte protestan. Hilkutxa batekin, elkarretaratze formatuan lehenbizi eta Foruzaingoak esku hartu behar zuela jakin dutenean eserialdia egin dute erresistentzia pasiboa... [+]
Mahai Orokorreko sindikatuek salatu dute Gobernuak utzikeriaz jokatu duela ordezkaritza sindikalarekin negoziatzerakoan, horren adibidea da Estatutu berriaren negoziazioan ezarri duen blokeoa. Gobernua Mahai Orokorrean gai horiek guztiak negoziatzera esertzeko ahalegin ugari eta... [+]
“Beste alde batera begiratzea” leporatu diete erakunde publikoei, eta baita eskualdeko borroka defendatzea ere.
Tamara Yague Confebaskeko presidenteak iragarri du gehiengo sindikalak deitutako martxoaren 20ko bilerara ez dela joango, eta gehitu du gutxieneko soldataz eztabaidatzeko markoa Espainiako Mahaia dela. ELA, LAB, ESK, Steilas, Etxalde eta Hiru sindikatuek EAErako gutxieneko... [+]
“Posta publikoa eta kalitatezkoa. Eskubideen aldeko Hitzarmen eta Akordio baten alde” aldarrikapenarekin, LAB, ESK eta ELA sindikatuek lan-baldintzak eta posta-zerbitzu publikoaren kalitatea defendatzeko mobilizazioa egin zuten atzo, hilak 12, Bilboko Eliptika Plazan.
LABek, STEILASek, ELAk eta CCOOek greba egutegi bateratua aurkeztu dute Bilbon: martxoaren 25, 26 eta 27, eta apirilaren 1 eta 2. Egungo hitzarmenak aldarrikatutako edukietatik urrun kokatzen direla adierazi dute, "bai sukaldearen eta garbiketaren kolektiboan zein... [+]
Nahiz eta Nazio Batuen Erakundeak (NBE) 1977an nazioarteko egun bat bezala deklaratu zuen eta haren jatorriaren hipotesi ezberdinak diren, Martxoaren 8aren iturria berez emazte langileen mugimenduari lotua da.
Lan baldintzen "prekarietatea" salatzeko kontzentrazioa egin zuten asteartean egunkariaren egoitzaren aurrean. Abenduaren 2tik sindaura greban daude langileak eta mobizlizazioak "areagotzea" erabaki dute orain.
Langileek salatu dute zuzendaritzak ez diela lan baldintzen gaiari heldu nahi izan eta enpresak nahiago izan duela Gaztea Sariak ekitaldia bertan behera utzi, “horrek sortutako albo-kalte ekonomiko eta sozial guztiekin”, arazoari irtenbidea eman baino.