Macron: “Israelek Hamas suntsitzeko eskubidea du, baina herri zibila babestuta”
Frantziako Barne ministroak Palestinaren aldeko protesta oro debekatu du, ordena publikoa aztoratu daitekeelakoan. Macron presidenteak adierazi du, “Palestinako kausa eta terrorismoaren justifikazioa nahasten dituztenak akats moral, politiko eta estrategikoa egiten ari” direla.
Macronek urriaren 12ko gauean telebistaz eskainitako diskurtsoan adierazi du “gertaera hau Israelentzat, Ekialde Hurbilarentzat, eta harago ere, lurrikara bat dela”. Frantziarrei batasuna eskatu die: “Ilusio eta kalkuluen bidez, ez diezaiogun barne hausturarik gehitu nazioarteko hausturei. Batasunaren ezkutuak babestuko gaitu gorrototik eta gehiegikerietatik”.
Frantziako presidenteak mintzaldian emandako datuen arabera, Hamasen erasoan hamahiru frantses hil ziren eta hamazazpi desagertuta daude, tartean haurrak. Macronek adierazi duenaren arabera, desagertutakoak Hamasen esku egon daitezke Gazan. Desagertuei buruz ondokoa esan du: “Frantzia ahal duen guztia egiten ari da Israelgo agintariekin eta gure bazkideekin batera, etxera onik ekartzeko, Frantziak ez baititu inoiz uzten haurrak". Gaineratu du Israelek Hamas suntsitzeko eskubidea duela, baina "herri zibila babestu" behar dela.
Protestak debekatuta
Frantzia osoan debekatu dituzte Palestinaren aldeko manifestazioak. Urriaren 12an, Parisko manifestazio batean, gas negar eragilea eta ur kanoiak erabili dituzte. Debekuaren aurkakoek adierazi dutenez, askatasun zibilen aurkako erasoa da debekuaren agindua.
Reuters informazio agentziak eskainitako irudietan manifestari baten adierazpenak agertzen dira, eta hala dio: “Eskubide zibilen herrialde baten bizi gara, iritzi bat izan eta adierazteko eskubidea daukagu. Ez da bidezkoa alde bati debekatzea eta beste aldeari baimena ematea. Horrek ez du Palestinako errealitatea islatzen”.
Gérald Darmanin Barne ministroak azaldu duenez, larunbataz geroztik 24 pertsona atxilotu dituzte Frantzian ekintza antisemitengatik, eta gehitu du halako ekintzak egindako atzerritar oro Frantziatik kaleratu behar dela berandu baino lehen.
Macronek esan du juduen tokiek, ikastetxeek eta sinagogek tartean, polizien babesa izan dezaten hartu duela debekuaren neurria. “Ankerkeriak” justifikatzerik ez dagoela gehitu du.
Aljazeera hedabideak azaldu duenez, Israelen aldeko ekitaldiak antolatzeagatik ez da murrizketarik iragarri.
Frantzian Europako musulman eta judu komunitate handienak daude.
Hezbollahren goi mailako bi agintari militar hil ditu Israelek hilabete batean. Tentsioak gora jarraitzen du, erabateko gerra pizteko kezka artean.
Hamarnaka mila pertsonak ihes egin behar izan dute Khan Younis eta Gaza hirietatik azken egunetan, nora joan izan gabe. Israelgo armadaren eta Netanyahuren arteko talkak azaleratuz doaz, eta Hezbollahren aurkako gerra geroz eta gertuago dago. Su-eten proposamena mahai gainean... [+]
Kartzela sionistetako pilaketaz ohartarazi du Shin Bet segurtasun- eta inteligentzia-zerbitzuak berak. Hainbat iturrik sarri eman dute palestinarrek espetxe horietan jasaten dituzten tratu txarren berri, eta espetxeak handitzen jarraitzen dute sionistek.
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nazioartean Palestinako Estatua aitortu izanari erantzunez hartu dute neurria, Israeleko Finantza ministroaren esanetan. Zeukan botere administratibo urria kendu diote Palestinako Aginte Nazionalari Zisjordaniako lurren laurdenean.
Maiatzean jarri zieten debekua, berriki salatu dutenez. Larunbatean, Palestinarekin elkartasunez mobilizatu ziren Hego Euskal Herriko parke denetako suhiltzaileak.
Azpeitian Palestinari elkartasuna adierazteko mural batean mezu islamofoboak margotu dituzte. "Palestina Akatu" eta Islama minbiziarekin parekatzen duten pintaketak dira. Elkar-ekin mugimenduak salatu du ekintza.
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Uztailaren 13rako antolatu du manifestazio bat Palestinarekin Elkartasunak. 18:30ean aterako da San Frantzisko Plazatik.
Bost errefuxiatu kanpalekuri egin diete eraso sionistek 48 orduan, eta dozenaka lagun hil. NBEk ohartarazi du Israel nahita ari dela muturreko gosea sortzen Gazan, eta gerra krimena dela adierazi du.
Marka gabeko hilobietan lurperatuta, hondakinen artean harrapatuta edo Israelek atxilotuta daude milaka ume. 17.000 haur umezurtz gelditu dira sionisten erasoen ondorioz.
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]