HERZ
Nork: Madame Señorita (Paula Sáenz de Valluerca)
Noiz: Irailaren 29an.
Non: Nafarroako Antzerki Eskolan (Iruñea).
---------------------------------------------
Heldu da herrira Madame Señorita. Ais. Ospea, fama eta sona sinonimoak dira eta denak dira andre honen izenondo. Ulertuko duzue nire posizioan ezin naizela hemen geratu. Baina gauza asko ditu kontatzeko, eta ezin helikopteroan igo dabil. Oholtza berea da eta soinean daraman jantzi arrosa eta purpurina paseatzen ditu. Begira nazazue zeinen ospetsua naizen, eta zeinen ongi kantatzen dudan. Begira nazazue, nire prakak izarrak bezain distiratsuak dira, ni ere izar bat naiz. Begira nazazue ze harroputz mugitzen naizen, famatuak bezala. Bye-bye.
Juan Carlos publiko artean dago, bere bikotekide ohia-edo. Juan Carlos, hemen zaude? Nolatan? Kontatu digu herritik alde egin behar izan zuela patata-zelai artean bizitzeak barruak ustelduko zizkiolako. Amak ez zuen begi onez ikusi. Ikusleen artean lehen lerrokoari eman dio amaren rola. Janis Joplinen biopic-a grabatzen ari da, eskerrak aitari, ihes egiteko patrika bete zionari. Tarteka bere talentuetako batzuk erakutsi dizkigu, dohainik: dantza, kantua, gitarra.
Bigarren kantu bat eskaini digu, baina gure kiratsetik babesteko plastikoa jantzi du. Hemen hasi da dena. Publikoarekin sartzen hasi da kondoiaren azpian. Gizon bat limurtzen hasi da, gero eta gertuago, eta gertuago. Gizonaren erantzuna izan da onena: eskimalen musu bat eman dio. Bai, sudurrak elkarri igurtzi dizkiote, eta bitartean gizon horren emaztea negarrez, baina irriaren irriz. Morreo bat ere eman dute, plastikoa tarteko.
Oholtzara itzuli da Madame. Erakutsi dizkigu urteotan guztiotan egindako lanen lagin batzuk. Klimaxa nahi zuen, zerbait epikoa, herritarrei ulertarazi zergatik egin zuen ihes: talentua da Madame. Aurreskua lagun baten txistuaren laguntzarekin, opera kantatu, Almodovarren nesketako bat, Fernanda (ez Bernarda) Alba ama alargun aspergarria gero dementore bihurtuta. Baina klimaxaren bila beti funtzionatzen duen hori egin du: kulerotan geratu, titiak igurtzi, mitxelinak dantzan jarri.
Azkenerako onartu digu, ez dela hainbesterako. Ez dela hain ospetsu, famatu, sonatu. Haur bat daukala, eta lasaitasuna nahi duela. Erakutsi dizkigun talentu guztiak bai, egin dituela, baina tira, purpurina pixka bat jarri diela istorioei. Lotsatuta tapatu da, eta aitortu du agian itzuli nahi duela, lurrari lotu, patata bat bezala, eta agian, usteltzea ez dela hain plan kaxkarra.
ZORRETAN
Testua eta zuzendaritza: Agurtzane Intxaurraga.
Aktoreak: Miren Gaztañaga, Iñake Irastorza, Jabi Barandiaran.
Noiz eta non: Urriaren 25ean, Donostiako Gazteszenan.
----------------------------------------
Bere argi propioa bilatzen ari den loreari... [+]
Dantzaren munduan gabiltzanok askotan errepikatzen dugun ideia da dantza efimeroa dela. Elhuyar hiztegiak espainoleko "efímero"-ren ordaintzat ematen ditu honakoak: efimero, suntsikor, galkor, iragankor, iraungikor, ilaun. Ez dut gogoan nori irakurri nion... [+]
MIÑAN
NORK: Artedrama. Sambou Diaby, Ander Lipus, Eihara Irazusta, Mikel Kaye.
NON: Bilboko Arriaga Antzokian.
NOiz: Urriaren 25ean.
----------------------------------------------
Euskaraz kontatu zuten Ibrahima Baldek eta Amets Arzallusek Miñan 2019an. Bost urte... [+]
Azken urteetan Lapurdiko kontserbatorioan euskararen eta diziplina tradizionalen presentzia handitu da eta euskal dantzako ibilbideari forma ematen ari dira; irailean hasi da lehen zikloa. “Herri Elkargoa sortu zen Iparraldean eta nahi zuten herri musika eta herri... [+]
Autoan noala hasi naiz artikulua zirriborratzen, mentalki. Ideiarik onenak autoan izan ohi ditut, bakarrik gidatzen ari naizela. Bilborantz noa, Arriaga antzokira. Artedrama konpainiak Miñan antzezlana taularatuko du gaur. Urriak 25 ditu, ostirala da.
Antzokiko atarira... [+]
Eucalyptus
Testua: Nerea Ibarzabal, Jon Ander Urresti, Matxalen de Pedro eta Beñar Urrutia.
Zuzendari eta dramaturgoak: Matxalen De Pedro eta Jon Ander Urresti.
Aktoreak: Jon Ander Urresti eta Beñat Urrutia.
Non: Lugaritz kultur etxean (Donostia).
Noiz:... [+]
Carl Orff-en ‘Carmina Burana’
Eszena-zuzendaritza eta eszenografia: Carlus Padrissa (La Fura del Baus).
Musika zuzendaria: César Belda.
Noiz: Urriaren 5ean.
Non: BIlboko Arriaga... [+]
MOOR KRAD
Nork: Ertza konpainiak.
Noiz: urriaren 3an.
Non: Getxoko Muxikebarri aretoan.
---------------------------------------------
Bi urte atzera izan nuen Moor Krad obraren berri; hain zuzen, Ertza konpainiako kideek dantza pieza sortu eta estreinatu zuten... [+]
Tristezia ez, ondokoa. Eta etsipen handia. Aurten bi sorkuntza erditu ditugu ("Lurrez Estali" eta "Bidasoa Mintzatuko Balitz"), arrakasta handia bildu dugu eta, hala ere, sentimendu garratz batek tinkatzen dit zintzurra.
30 bat urte daramazkit antzerkian... [+]