Lurraman klima aldaketa izango da gai nagusia eta Normandia gonbidatua
Azaroaren 6, 7 eta 8an Miarritzeko Irati gelan burutuko da 2015eko Lurrama feria. Klimaren babesaren eta nekazaritzaren arteko lotura azpimarratuko da bertan eta Normandiako nekazaritza izango du gonbidatu nagusi. Xehetasunak Maryse Cachenaut Lurramaren lehendakariak eskaini ditu.
Aurten hautatua izan den gai berezia laborantza eta klima aldaketari lotua da. Gogoa ginuen, aktualitatean den gai huni gure oihartzuna emaitea, Frantzian iraganen delako urte bukaeran nazioarteko 21.konferentzia haundia, klimari buruz. Hortarako Lurramak gonbitatzen du saloinaren babesteko Pascal Canfin ministro ohia, ekologista eta gai hortan berezitua dena; berak azalduko ditu klima aldaketaren arriskuak, gaurko apustu nagusiak, eta Pariseko konferenzian zalantzan diren negoziaketa garrantzitsuak geroari begira.
Lurramak aldiz, erakutsi nahi du argiki Laborantza iraunkor eta herrikoiak baduela eragin bakoirra kutsadurak apaltzeko, baliabideak begiratzeko: natura eta lurra errespetatuz, laborarien eta kontsumitzaileen urbileko harremanak sortuz, kalitatezko labelak garatuz, bioaniztasuna zainduz...
Hortarako,azken hamar urte hauetan, Euskal Herriko Laborantza Ganbarak eremaiten dituen lan sailak aurkeztuak izanen dira; hala nola, «Herriko» ogi ta haragi markak; hor izanen dira ere Lurzaindiako kideak (lurrak koletiboki erosten ditu Lurzaindiak), bainan ere kalitatezko bideetan engaiatuak diren etxe ekoizleak, Ipar eta Hego Euskal Herrian, edo energia berriztagarrien inguruko alternatibak.
Lurrama kalitatezko janariaren behatokia da dudarik gabe eta laborarien lana goraipatzeko, jinen da ere, urte guziz bezala , sukaldari andana bat! Jateko ona, sanoa, nundik heldu den nola egiten den erakustea: hau dugu helburu! Lurramaren mezua hortan oinarritzen da, eta gertakari denboran, erakutsi nahi diegu hiritarrei zoin diren gure indarrak, zer eragin duen gure lan moldeak ekonomiarentzat eta ingurumenarentzat, bai ta ere argiki azpimarratu denok badugula gure ardura, laborari edo kontsumitzaile bezala.… Hots, laborantza iraunkorra eta herrikoiaren garatzea ez dela bakarrik denen interesa, baizik eta zentzuzko hautua!
Horrez gain, Lurrama pesta giroan iragaiten den saloina da, batez ere 10garren urteakari: animazio esberdin ainitz, hala nola, dantza kreazioak, musika, nazioarteko soka tira txapelketa haundia, ezpeletako biper txapelketa, edo ardi gasna txapelketa... Haurren gunearen eremua ere ainitzez haunditua izanen da, bere tailer pedagogiko eta ludikoekin!
Bestalde, urte guziz bezala, Lurramak gonbitatzen du lurralde bat, eta aurten Normandia eskualdea jinen zaigu, bere gasna gozo famatuekin (Camenbert, Pont Levêque, Livarot…), eta sagarnoekin... Deskubritzen ahalko dira ere Normandiako kabala arrazak.
Lurramaren arrakastak segitzen du 10 urteren buruan eta pozik gira: programazio aberatsaren aldetik, hiri eta baserri munduko bizizaleen elkartze eta trukatzearen aldetik batez ere. Kontsumitzaileen itxaropeneri erantzuten du LURRAMAk, aintzina doan Euskal Herriko Laborantza Ganbara sustengatuz ber denboran…
Ostegun arratsean abiatu da Lurrama, Bidarteko Estian egin den mahai-inguru batekin. Bertan, Korsika eta Euskal Herriaren bilakaera instituzionala jorratu dute. Besteak beste, Peio Dufau diputatua eta Jean René Etxegarai, Euskal Hirigune Elkargoko lehendakaria, bertan... [+]
Laborantza iraunkor eta herrikoiaren hitzordua den Lurrama azokan izanen da Karine Jacquemart, Frantziako Foodwatch elkarteko zuzendaria. Elikadura-eskubidea herritar orori bermatzeko helburuari tiraka, hainbat ekintza bideratzen dabiltza –herritar mobilizazioak, agintari... [+]
Emazteek laborantzan leku garrantzitsua izanik ere, ainitzetan gizonen itzalean izan dira. Hori aldatu nahian, emazteak erdigunean ezarriko dituzte aurten Lurraman.
Azaroaren 10, 11 eta 12an, Biarritzeko Irati gelan iraganen den Lurramaren 2023ko edizioaren kari, emazte laborariak argitan ezartzea erabaki du Lurrama elkarteak, «Emazte laborariak argitan» tematikarekin.
"Emazte Laborariak Argitan" izanen da aurtengo Lurramaren leloa. 27 emazte laborari agertzen dira afixan. Haien rolak, engaiamenduak, eskumenak eta berezitasunak azpimarratuko dituzte heldu den azaroaren 10, 11 eta 12an, Miarritzeko Irati gelan.
Lurrama, laborantzaren saloina Miarritzeko Irati gelara itzuliko da aurten baina kasu, ostegunetik larunbatera iraganen da 17. edizioa. "Mendiguneak bizirik!" hautatu dute lema gisa eta Pirinio inguruko laborariak gomitatuak dira.
Miarritzeko Irati aretoan iraganen da laborantza herrikoiaren besta. Besta eta hausnarketa uztartuko dituzte hiru egunez, laborantza industrialaren parean garaturiko eredu herrikoia ezagutarazteko xedez.
Urriaren 24an 6.000 pertsona baino gehiago elkartu dira Arbonan, "lur elikatzailea defendatzeko". Izan ere, urtero elikagaietarako 650 hektarea lur desagertzen direla nabarmendu dute antolatzaileek. 120 egunez lurrak ez saltzeko egindako borrokari Lurrama festara... [+]
Lurzaindiak eta ELBk jakinarazi dute Arbonaren okupazioa urriaren 24ean amaituko dela, eroslea erretiratzea lortu baitute. Urriaren 24ak, okupazioaren 120garren eta azken eguna markatuko du eta bertan egingo da 2021eko Lurrama berezia.
Erosleak azkenean ez ditu Arbonako etxe eta lursaila erosiko. ELB eta Lurzaindiako kideen eta hauei juntaturiko herritarren aitzinean amore eman behar izan du. Okupazioak oraindik segitzen du, saltzaileak 3 milioi euroren gose segitzen duelako eta negoziaketa fasean okupaziotik... [+]
Ekimen gehienak bezala, Lurrama ere ezeztatu behar izan dute aurten. Baina zer nolako ondorioak utziko ditu horrek Lurrama elkartean eta Euskal Herriko Laborantza Ganberan?
Azaroaren 13tik 15era egitekoa zen 2020ko Lurrama bertan behera uztea erabaki du Euskal Herriko Laborantza Ganbarak: "Apiriletik formula desberdinak landu ditugu, suprefeturaren gomendioen arabera egokituz, bainan ezin dugu bururaino joan. Hamaboskarren edizioa berezia... [+]