Lula da Silva Iberdrolako buruekin bilduko da Bilbon
Brasilgo presidente ohiak Iberdrolako 250 zuzendariren aurrean hitz egingo du, konpainiaren akziodunen urteko batzarraren bezperan. Iñigo Urkullu lehendakariarekin ere bilduko da, Lula Institutuak jakinarazi duenez. Berrikitan, Aieteko adierazpenari babesa helarazi zion.
Luiz Inácio Lula da Silva, 2003tik 2010era Brasilgo presidente izana, Bilbon izango da martxoaren 27an. Aurretik sindikalgintzan eta diktaduraren kontrako borrokan aritua, bere agintaldian aurrerakuntza ekonomiko eta sozialak izan ziren herrialde amazoniarrean. Aitzitik, Lularen politika pragmatikoak kritikak ere jaso ditu eta neoliberalismoari eta multinazionalei jokoa egitea egotzi diote ezkerreko sektoreek.
Langileen Alderdiak agintean segitzen du Brasilen, Dilma Rousseffen eskutik. Lula Da Silvak berriz Instituto Lula-ren bidez agenda bete ekitaldi izan ohi du munduan barrena, nola Brasilgo enpresak promozionatzen, hala kooperazioa eta harremanak lantzen.
Lularen bisitak Iberdrolaren akziodunen urteko batzarrarekin egin du bat. Iberdrola Brasilgo sektore hidroelektrikoan liderra da eta 1997tik inbertsio milioidunak egin ditu herrialde erraldoian, azpiegiturei eta merkatuari begira.
Mundu osoan, baina bereziki Latinoamerikan, konpainia bilbotarraren jarduerak sorturiko kalteak salatzen dituen Ibertrola kolektiboak elkarretaratzeak egingo ditu Bilbon egunotan:
- Martxoak 26 asteazkena, 19:30: Energia Pobreziaren aurka, Arriaga Plazan.
- Martxoak 27 osteguna, 19:30: “Lapurren Plazan” (Plaza Biribilean).
- Martxoak 28 ostirala, 10:30: Iberdrolako Akziodunen Batzar aurrean, Euskalduna Jauregian.
Ehunka emakume irten dira manifestatzera ostegunean, Brasilgo Sao Paulo eta Rio de Janeiroko kaleetara. Partidu Liberalak legea proposatu du, abortua 22. astetik aurrera homizidio arrunta bezala epaitua izateko. Lege horren arabera bortxatua izan den emakume batek, denbora epe... [+]
Brasil, Errusia, India, Txina eta Hegoafrikak osatutako aliantzak Johannesburgon egin duten azken goi-bilerako eztabaidagai nagusia izan da partaide gehiago onartzea. Saudi Arabia, Arabiar Emirerri Batuak, Iran, Egipto, Argentina eta Etiopia gonbidatu dituzte.
Amazoniako lurrak demarkatu eta indigenenak direla aitortzeko muga gehiago jarriko dituen legea onartu du Brasilgo Kongresuak. Luiz Inácio Lula da Silvaren gobernuak legea kritikatu du eta "araututako genozidio" bat dela esan du. Indigenek hainbat egun daramate... [+]
Amazonia, 1928. Ford automobil konpainiak Fordlandia izeneko herria eraiki zuen oihanean, Amazonasen ibaiadar Tapajosen ertzean.
Reporter Brasil eta Lighthouse Reports eragileek egindako ikerketak eman du eskandaluaren berri. Pestizida horien eraginez hainbat eritasun, intoxikazio eta min pairatzen dituzte Sao Pauloko herritarrek.
Brasilen, legez kanpoko ia meatzaritza operazio guztiak gerarazi ditu Lula da Silvaren gobernuak, Amazonian bizi den jatorrizko Yanomami herriaren lurretatik, eta egunotan enpresa gehiago kanporatzea espero da, Democracy Now gunean jaso dutenez.
Hemen erreproduzitzen dugu Brasilgo MABek (Urtegiek Kaltetuakoen Mugimendua) Yanomami herriaren egoera dramatikoaren inguruan egindako salaketa, besteak beste, bere lurraldean legez kanpoko meatzaritzak eragindakoa: 2016tik 2020ra %3.350ko hazkundea. Beste erantzule nagusia... [+]
Eskuin kolpistak gobernuaren eraikin nagusiak eraso zituenean, biolentzia sustatzen zuten edukiak blokeatzen ari zela esan zuen Facebookek. Hala ere, giza eskubideen aldeko Global Witness erakundeak egindako probetan “Heriotza Lularen boto-emaileen umeei” edo... [+]
Kolpea sustatu duten eskuin muturreko jarraitzaileak atxilotzen ari da Polizia, eta Auzitegi Gorenak exijitu die Bolsonaro zaleen kanpamentuak desegiteko 24 orduan. Gutxienez 1.200 lagun atxilotu dituzte. Bolsonaroren jarraitzaileak armadaren kuartel aurrean daude kanpatuta... [+]
Nazioarteko agintari gehienek gaitzespen mezuak zabaldu dituzte sare sozialetan, eta babesa adierazi diote Lula da Silva presidenteari. Jair Bolsonaro defendatu duten eskuineko kargudun batzuek ere salatu dute kolpea.