Luis Otamendi bertsolaria hil da
Luis Otamendi Aiako bertsolaria hil da. Azken agurra Zarauzko beilatokian egingo zaio urtarrilaren 4an, goizeko 10:00etan.
Bertsozale Elkartearen datu-basean aurkitutako datuekin eta Bertsolari aldizkariaren 35. zenbakian argitaratu zen artikulukoekin osatu dugu biografia:
Aiako Urdaneta auzo bertsozaleko Indargarate baserrian jaio zen 1947an eta behiak jeizten zituela egiten zuen bertsotan anaiarekin batera. 24 urte zituela jaiotetxe atariko pagoa hego-haize zakar batek bota zuen eta anaiaren aholkuari jarraituz, dozena bat bertso jarri zizkion gertaera hari. Zarauzko Patxi Barberoren bizartegira joan zen batean, bertso horien berri aipatu zion, eta Patxik Basarriri eman zizkion bertsoak, eta azkenean honek "Nere Bordatxotik" atalean argitaratu zituen.
Aian lau bertsolarik osatu zuten tarteka bildu eta kantatzeko bertso koadrila: Martin Rezabal Olaso, Nikolas Zendoia, Joxe Mari Lertxundi eta Luis Otamendik.
Lehen plaza Ordizian egin zuen, 1972an. Geroztik urte askoan hartu zuen parte sariketa eta txapelketetan, besteak beste: Gabiriako Osinalde eta Zaldibiko Artxanberri sariketak irabazitakoa zituen eta kantatu zuen 1982ko Euskal Herriko Txapelketan, 1986ko Euskal Herrikoan (finalerdietan), 1989ko Euskal Herrikoan (finalerdietan), 1991ko Gipuzkoako Txapelketan, 1995eko Gipuzkoako Txapelketan, eta 1999ko Gipuzkoako Herri Arteko Txapelketan.
Bitxikeria modura, Orixe sariketara entzule modura joan zen batean, bertsolari batek huts egin zuelako oholtzara igoarazi zuten eta txapela buruan itzuli zen etxera.
2009an Zarauzko Gaztetxean
Iñaki Gurrutxagak Orioko Karkara herri aldizkarian kontatu du 2009an elkarrekin prestatu zutela bakoitzak bere txapelketa: "Euskal Herriko Bertsolari Txapelketa prestatzeko elkartzen ginen Iñigo Manzisidor Mantxi, Uxue Alberdi, Ainhoa Agirreazaldegi eta laurok, eta egun batean han azaldu zitzaigun Luis, urte asko zeramatzala plazaz plaza jardun gabe, baina deitu ziotela Zarauzko Putzuzulokoek Kopla Txapelketan kantatzeko, eta galdetu zigun ea gurekin entrenatzerik bazuen. Eta hantxe ibili zen gurekin".
2011n Usurbilen Udarregi sarian hartu zuen parte.
Hemen ikus daitezke bere bat-bateko bertsoak.
Emakumeen eta hegemonikoak ez diren gainontzeko identitateen ikusgarritasuna du helburu ekimenak; zortzi bertsolarik hartuko dute parte aurtengo edizioan.
XV. Kopla Txapelketa
Non: Hiruputzu gaztetxean (Zarautz)
Noiz: Abenduaren 22an
Koblakariak: Aner Peritz, Oier Aizpurua, Alaia Martin, Jexux Mari Irazu, Etxahun Lekue, Aitor Bizkarra, Eneritz Artetxe, Maider Arregi, Joanes Illarregi eta Oihana Arana.
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
Ricardo Urritzola ikerlariak aurkitu du bertso sorta Nafarroako Errege Artxiboan eta Ekaitz Santaziliak Nafarroako Unibertsitate Publikoko irakasleek aztertu ditu. Fermin Altxu Beristain maisuari leporatutako salaketa baten harira idatzi ziren.
EitbNet-eko zuzendaritzako kide baten agindua izan da, Unai Urruzuno EH Bilduko legebiltzarkidearen arabera, Euskadi Irratiko Faktoria saioan ostiralean Arzallusek kantatutako bertsoak saretik kentzea; Parot euskal preso askatu berriari buruzkoak ziren. EH Bilduk azalpenak... [+]
Danel Goikolea Arrasateko bertsolaria urtarrilaren 14an joan da. Hil baino ordu batzuk lehenago, bertso sorta kantatu hau zabaldu zuen lagunen artean. Umore handia darabil eta Pablo Milanesen Yolanda kantu ezagunaren hoskidetasunarekin jolasten du: Holanda du izenburu sortak,... [+]
Udazkena bertso saioz josia ukanen dute Lapurdi, Nafarroa Beherea eta Zuberoako bertsozaleek. Xilabaren finala Donibane Lohizunen iraganen da azaroaren 13an.
Bertsularien Lagunak Elkarteak jakitera eman ditu I. Aitor Sarasua bertsopaper lehiaketaren irabazleak: helduen mailan Ander Fuentes Mujikaren bertso sorta izan da saritua, eta gazteen mailan Nahia Etxeberri Lopepe. Bigarren eta hirugarren saria jaso dute, helduen mailan... [+]
Konfinamendu aro hau arintzeko aukera bat izan daiteke bertso zaharrak entzutea, eta horregatik, Xenpelarren "Miseriaren adarrak" bertso sorta berreskuratu eta musikatu egin dugu, nahi duzuenean entzuteko.
Eneko Abasolo “Abarkas”, Nerea Elustondo eta Eneko Fernandez bat-batean aritu dira bertsotan apirilaren 1ean, nor bere etxetik. Saioa hemen dago entzungai.
Azaroan euria bezain maiz entzuten dira bertsoak Iruñean. Bertsoaroa da. Urtez urte, udazkena piztera etorri ohi da ordu aldaketak arratsaldeak ilundutako hirira. Eta egia esan, iruindar euskaldun askoren zita bihurtu da, urtero huts egiten ez duten horietakoa. Berdin da... [+]
