Luis Enrique Sorianori eragindako “min eta kalte moral eta materialak” onartu ditu enpresak
Akordio judiziala lortu dute 2021ean lantokian bere buruaz beste egin zuen Soriano gaztearen familiaren abokatuak eta Azpeitiko Manuel Aizpuru enpresaren ordezkariak. Enpresak Sorianori eragindako min eta kalte moral eta materialak onartu ditu, eta kalte-ordainak ordainduko dizkie senideei.
2021eko uztailaren 30ean Luis Enrique Soriano gazte dominikarrak bere buruaz beste egin zuen Azpeitiko Manuel Aizpuru enpresan lanean zela. Handik astebetera kasuaren berri eta Sorianoren senideen testigantza zabaldu zituen Elkar-ekin talde azpeitiarrak. Gaztearen suizidioaren eta bere lan-baldintzen artean lotura zegoela salatu zuten. Sorianoren senide batzuek, ESK sindikatuarekin batera, epaitegietara jotzea erabaki zuten.
20 urteko gaztea hil zela ia bi urtera, ekainaren 26an epaiketa hastekoa zen Donostiako lan arloko 1. epaitegian, baina jakitera eman dutenez, hilaren 14an Sorianoren senideen abokatuak eta enpresaren ordezkariek akordio judiziala sinatu dute, auzibide judizialari amaiera emanda.
Akordioaren arabera, enpresaren aseguru etxeak eta enpresak berak kalte ordain ekonomikoak ordainduko dizkiote Dominikar Errepublikatik Azpeitira etorritako Luis Enrique Sorianoren familiari, eragindako min eta kalte moral eta materialen ondorioz.
Maiatzaren 19an jakitera eman zituen ARGIAk Luis Enrique Sorianoren nominak, eta bertan ikus zitezkeen berak eskuz idazten zituen hilero egiten zituen aparteko ordu kopuru handiak. Lan Ikuskaritzak berak ere arau-hausteak ikusi zituen Sorianoren heriotzaren inguruan, eta legeak onartutakotik gorako orduak egiteaz gain, zegokion oporraldirik ez zuen jasotzen, larunbatetan ere lan egitera behartu zuten, COVID-19 gaitzak jota egon arren lantokira joatera behartzen zuten, gauez eta bakarrik egin behar izan zituen lanaldiak, bestelako tratua ematen zioten gainerako langileen aldean, lantokian presioa etengabekoa zen, besteak beste.
Enpresaren "atsekabea"
Akordioa sinatu duten egunean bertan, Manuel Aizpuru enpresak Uztarria hedabidera idatzi du. Adierazpen horretan enpresa "atsekabeturik" dagoela dio Sorianoren heriotzagatik. Beti justiziarekin kolaboratzeko prest agertu dela azpimarratu dute eta, halaber, "atsekabea" agertu du hainbat eragilek emandako informazioak eta egindako baieztapenak tarteko.
Elkar-ekin taldea aipatu gabe, diote eragile batzuek enpresa eta haren kudeatzailea Sorianoren heriotzaren "zuzeneko erantzule egin" zituela, baina "suizidioa bezalako gertakari serio bati buruzko erabateko ezjakintasuna" erakusteaz gain, "baldintza sozialek, berez, ezin dutela suizidioa azaldu" argudiatu dute. Horrek ekarri ditu, enpresaren hitzetan, haien aurkako "irainak eta herriko plazan kritika publikoa egitea" eta "epaiketa paralelo bidegabea". Heriotza jazo zenetik kaleratu diren informazioak eta egindako baieztapenak ez direla enpresarekin inoiz kontrastatu ere salatu dute.
Akordioa, "lorpen esanguratsua"
Elkar-ekin-ek baikor baloratu du akordioa, enpresak eragindako kalte moralen eta materialen "aitortza argia" jasotzen duelako, baita kalte-ordainak ordaintzeko konpromisoa ere.
2021ean gaztearen testigantza publiko egin eta ondorengo asteetan Azpeitian oinarririk gabeko zurrumurru asko zabaldu zirela azpimarratu dute: "Bere gertukoen testigantza zalantzan jartzea, gertaera erlatibizatzea, familiari buruzko difamazioak aireratzea eta suizidioaren arrazoiak desitxuratzea, besteak beste". Horregatik, diote, da garrantzitsua kalte moral eta materialen aitortza akordioan jaso izana, "difamazio horiek ezerezean uzten dituelako, migratzaileak estigmaren, susmoaren eta zalantzaren itzala daramatelako soinean".
Azken hilabeteetan "presioak, xantaiak eta difamazioak" jasan dituztela ere salatu dute Elkar-ekineko kideek, "haien jarduna isiltzeko” asmoz.
Enpresak publikoki adierazitakoaren harira, puntuz puntu erantzun gabe, ondokoa azpimarratu du eragile antikapitalistak. "Baldintza sozialek, berez, ezin dutela suizidioa azaldu enpresak esateak, zur eta lur uzten gaitu. Suizidioen kausak konplexuak dira, baina argi dugu baldintza sozialek eta materialek (lanak, etxebizitzak, hil amaierara iristeko presioak, enpresa batean jasotako tratu txarrak eta abar) goitik behera zeharkatzen dutela gizakion osasun mentala. Egoera horiek daude eritasun psikologiko askoren oinarrian, eta horien ondorioz hainbat suizidio kasu gertatu dira. Horrela jasotzen da, besteak beste, hainbat epaitegik antzeko kasuen aurrean eman dituzten sententzietan".
"Ez dugu aukerarik, hauxe da gure lantokia. Eusten saiatuko gara ". Itxiera eragozteko, Italiako fabrika bateko langileek "industria behetik birmoldatzearen" aldeko apustua egin dute, ekoizpen-bitartekoak beraiek kontrolatuta. Kanarietako energia-komunitate... [+]
Lakuak bere eskumenei muzin egin die berriro langile publikoen dekretua Madrilen onartu aurretik??Hiru urtean, EAEko langile publikoek erosahalmena %6 galdu dute, sindikatuaren aburuz.
Eskakizun nagusienen artean plantilla handitzea, hitzarmen berri bat lortzea eta atseden egunak errespetatzea jaso dituzte ELAk eta LABek. Grebak ez du eragingo eguneroko suhiltzaileen zerbitzuan, baizik eta langileen atseden-egunetan bakarrik, Diario de Noticias de... [+]
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Aurreko gobernuak proposamen horiei “bizkar emanda” eta “entzungor” eginda jardun duela salatu du. Eusko Jaurlaritzak iragarritako bilera erroldatan “eskari zehatzak” mahaigaineratuko dituela adierazi du.
Asteazkenean egindako bilkuran, aurreakordioak aldeko 332 boto, kontrako 186, hiru boto zuri eta sei baliogabe jaso ditu. Maiatzeko aurreakordioan izandako desadostasunak gainditu dituzte enpresa-batzordearen gehiengoak eta Biobide enpresak, eta greba mugagabea bukatu dute.
Enpresa-batzordearen gehiengoaren eta Biobideren artean aurreakordioa lortu dute. CCOO, UGT eta LSB alde azaldu dira, eta ELA, LAB eta ESK, kontra. Asteazkenean dira langileen batzarra eta Bilboko Udala akordio hau onartzen duten ala ez erabakitzekoak.
ELA eta LAB sindikatuek “erabat gaitzetsi” dute Añorgako Cementos Rezolak (egun, Heidelberg Materials) 56 langile kaleratzeko egindako proposamena.
Nafarroako hezkuntza hitzarmen berria negoziatzea exijitu die Nafarroako Hezkuntza kontseilariari, Carlos Gimenori, Iruñean eginiko mobilizazioan. Langileek salatu dute Gimeno, patronalarekin bakarrik biltzen dela, eta ez dituela aintzat hartzen langileek negoziaziorako... [+]
1958an, emakume baserritarrek Donostiako Erdialdea hartu zuten, esnea saltzea galarazi zitzaiela salatu, eta baserritarren eskubideak aldarrikatzeko. Administrazioak esnearen esklusibotasuna Gurelesa enpresari eman zion, eta baserritarrek Bretxan saltzeari utzi behar izan... [+]