Ludoteka euskaldunak Nafarroa erdi eta hegoaldean, aisialdian ere haurrak euskaraz aritu ahal izateko
Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211 haur barnebilduko ditu proiektuak, eta hazten ari da eskaera.
Errigora proiektutik jaio zen Agerraldiak bultzatzen du egitasmoa: “Herriz herri, sarri esaten digutena da orain errazago dutela euskara ikasteko, baina maiz ez dutela aukerarik erabiltzeko, eta horri tiraka jaio zen ekimena”, kontatu dio ARGIAri Haizea Lizarbe Agerraldiako kideak. Beraiek ez dituzte ludotekak nahieran zabaltzen, herritarren inplikazioa funtsezkoa da: “Guk azaltzen diegu asmoa eta beraiei eskatzen diegu familiak elkartu daitezela eta eurek lortu dezatela ludotekarako gela bat, udalarekin hitz eginda adibidez; guk begiralea jartzen dugu, eta modua egiten dugu ez dadin garesti atera, Errigoratik jasotako diruarekin laguntzen dugulako ordaintzen”. Azken finean, herri bakoitza ahalik eta autonomoen izatea da helburua, “gu desagertuta ere proiektuak iraun dezan”.
Ikasturte hasiera honetan, 211 haurrek eman dute izena dagoeneko (160 familiak), Berbintzana proiektuan sartu berri da (beraz haur gehiago izango dira denera) eta beste sei herri zalantzan daude. Berbintzanarekin batera, Larraga da aurten lehen aldiz ekimenarekin bat egin duten herriak. Gainerako herriak honakoak dira: Abartzuza, Allo, Andosilla, Antzin, Azkoien, Garinoain, Castejon, Mendigorria, Oteiza, Puiu, Sartaguda, Sesma, Tafalla, Viana eta Zarrakaztelu.
Zonaldeka topaketak egiten dituzte, inguruko herrietako haurrek elkar ezagutu eta harremanak euskaraz egin ditzaten; "euskara baldin badute hizkuntza ohitura, etorkizunean ere hala mantenduko dute"
Haurrek aisialdia euskaraz egin ahal izatea oso garrantzitsua dela nabarmendu du Lizarbek. Gainera, zonaldeka topaketak egiten dituzte, inguruko herrietako haurrek elkar ezagutu eta harremanak euskaraz egin ditzaten; “euskara baldin badute hizkuntza ohitura, etorkizunean ere aisialdian elkartzen direnean hala mantenduko dute beren artean”.
D ereduko haurrak bakarrik ez, A eredukoak ere ongi etorriak dira ludotekan, euskaraz treba daitezen eta euskarazko jardunetan parte hartu dezaketela ikus dezaten, nahiz eta hitz eginez menperatu ez, ulertu ulertzen dutelako euskaraz.
Berrikuntza bat ere badute aurten: haurrak jolastekan dauden bitartean, nahi duten gurasoentzako euskarazko ikastaroa emango du AEK-k. Ez da ahaztu behar sarri gurasoak ez direla euskaldunak baina seme-alabak euskaraz heztea erabaki dutela.
Euskararen presentzia ahulagoa den herriotan euskarari lekua eta etorkizuna egitea ez da gutxi. Azken finean, herritar batzuek euskaraz ez jakiteaz gain euskararen kontrako mezuak ere badituzte. “Gu saiatzen gara horri irribarre batekin aurre egiten: herriei laguntzen diegu euskararen alde mugitzen, positiboan”, borobildu du Haizea Lizarbek.
Goizez Nafarroako zubirik esanguratsuenak jendez beteko ditu Sorionekuak dinamikak. Arratsalderako mobilizazio herritarra deitu dute Iruñeko Kostarapea parketik Alde Zaharreko Takonera parkeraino.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Aurtengo Lokizaldeako Euskararen Eguna Murieta herrian ospatu dute, larunbatean, goizean hasi eta ordu txikiak handitu arte. Zita garrantzitsua eta gozagarria da Nafarroako Lizarra ondoko eskualdeko euskaltzaleentzako.
Nafarroako biztanle gehienak (% 63) "euskara sustatzearen aldekoak edo oso aldekoak" dira, eta %17 baino ez daude aurka, Xabier Erizek eta Carlos Vilchesek Eusko Ikaskuntzaren eta Nafarroako Gobernuko Memoria eta Bizikidetzako, Kanpo Ekintzako eta Euskarako... [+]
Prentsaurrekoan, maiatzaren 17an ospatuko duten Erriberako Euskararen Egunaren inguruko argibideak eman dituzte. Ume, gazte zein helduentzat zuzendua izango da. Ekimena, Erriberan egiten diren ekimenetan indarrak biltzeko eta euskararen normalizazioaren alde saretzeko... [+]
Nafarroako Ikastolen Elkarteak lehendakari berria du. Oier Sanjurjok hartu dio lekukoa Elena Zabaleta Andresenari. Beste zazpi kide izanen ditu alboan Sanjurjok.
Ez dira gutxi azken boladan euskara bere onenean ez dagoela eta bere transmisioa bermatuta ez dagoela ohartarazten ari diren ahotsak. Bestetik, inork ez du ukatzen hezkuntzak ezinbesteko betebeharra duenik euskara eta euskal kulturaren biziraupenerako. Erronka estrategikoa... [+]
Iruñeko haur eskoletako zuzendariek, EH Bildu, Geroa Bai, Zurekin Nafarroa eta PSNren arteko akordioa kritikatu dute. “Murgiltze ereduaren alde egin dugu beti, baina inoiz ez da gure iritzia kontutan hartzen” salatu du Euskalerria Irratian, Garikoitz Torregrosa... [+]
Euskarazko eskaintza handitzeko akordioa erdietsi dute EH Bilduk, PSNk, Geroa Baik eta Zurekin Nafarroak
Plazara, AEK, Uda Leku, Dindaia eta Ebete antolakundeak Baionan elkartu dira Famili'on egonaldi ibiltariaren lehen edizioa aurkezteko. Hizkuntza mailaren arabera eskaintza bat edo beste egongo da eta haur zein gurasoentzat izango da udaberrian.
Administrazio Epaitegiak arrazoia eman dio EH Bilduk Lizarrako plantilla organikoaren hizkutnz profilen aurka jarritako helegiteari.
Ingelera orduak handitu eta euskarazkoak murrizteko foru aginduaren kontrako helegitea aurkeztu du STEILAS sindikatuak. “Murgiltzea ataka larrian jartzen ari dira” salatu dute.
Lizarraldean euskara sustatzeko lana egiten duen Bagara elkarteak egin du salaketa: "Sorkuntzarako gaitasuna bultzatzen da eta pentsamendua kritikoa lantzen, hori guztia ikuspegi ludikotik, gozamenean oinarrituta".
Haurrak dituzten familiei egiten diete deia, bereziki. Seme-alabentzat onena nahi dugulako, etorkizunerako aukerak zabaltzea litzateke euskara ematea. "Eleaniztasunaren aldeko hautua egiteko gonbidapena da, euskara ematea batzea delako", esan du Ana Ollo Euskara... [+]
"Etorkizuneko zubiak" eraikiz, azpimarratu dute "garai nahasi hauetan" euskararen aldeko aldarriak ozen entzun behar direla aurrerantzean: "Bada garaia euskarari dagokion tratamendua, lekua, emateko".